ಬಳ್ಳಾರಿಗೆ ಬಡ್ತಿ: ಮಹಾನಗರಪಾಲಿಕೆಯಾಗಿ ಬಳ್ಳಾರಿ ನಗರಸಭೆ ಬದಲು

ಬಳ್ಳಾರಿಗೆ ಬಡ್ತಿ: ಮಹಾನಗರಪಾಲಿಕೆಯಾಗಿ ಬಳ್ಳಾರಿ ನಗರಸಭೆ ಬದಲು
ಏಳಕ್ಕೆ ಏರಿದ ರಾಜ್ಯದ ಮಹಾನಗರ ಪಾಲಿಕೆಗಳ ಸಂಖ್ಯೆ

ರಾಜ್ಯಸರಕಾರ ಬಳ್ಳಾರಿ ನಗರ ಸಭೆಯನ್ನು ಮಹಾನಗರ ಪಾಲಿಕೆಯಾಗಿ ಪರಿವರ್ತಿಸಿ ಅಧಿಸೂಚನೆಯನ್ನು ಹೊರಡಿಸಿದೆ. ಬಳ್ಳಾರಿಯ ಸೇರ್ಪಡೆಯಿಂದಾಗಿ, ರಾಜ್ಯದ ಮಹಾನಗರ ಪಾಲಿಕೆಗಳ ಸಂಖ್ಯೆ ಈಗ ಏಳಕ್ಕೆ ಏರಿದೆ.

ಬಿಸಿಲ ಬೆಂಗಾಡು ಆಗಿರುವ ಬಳ್ಳಾರಿಯತ್ತ ಎಲ್ಲರಿಗೂ ನಿರ್ಲಕ್ಷ್ಯ. ಕಾಂಗ್ರೆಸ್‌ ನಾಯಕಿ ಸೋನಿಯಾಗಾಂಧಿಯನ್ನು ಲೋಕಸಭಾ ಚುನಾವಣೆಯಲ್ಲಿ ಆಯ್ಕೆ ಮಾಡಿದ್ದ ಈ ಭಾಗದ ಮತದಾರರಿಗೆಭರವಸೆಗಳ ಹೊರತು, ಬೇರೇನೂ ದಕ್ಕಿರಲಿಲ್ಲ ಎನ್ನುವ ಆರೋಪಗಳ ನಡುವೆಯೇ ಬಳ್ಳಾರಿ ಮಹಾನಗರ ಪಾಲಿಕೆಯಾಗಿ ಘೋಷಣೆಯಾಗಿದೆ.

ಬೆಂಗಳೂರು, ಮಂಗಳೂರು, ಮೈಸೂರು, ಹುಬ್ಬಳ್ಳಿ-ಧಾರವಾಡ, ಗುಲ್ಪರ್ಗ, ಬೆಳಗಾವಿ ಮಹಾನಗರ ಪಾಲಿಕೆಗಳ ಸಾಲಿಗೆ ಬಳ್ಳಾರಿ ಸೇರಿದೆ. ಸರಕಾರದ ಮುಂದೆ ಶಿವಮೊಗ್ಗ, ಭದ್ರಾವತಿ, ತುಮಕೂರು, ಬಳ್ಳಾರಿ ನಗರಸಭೆಗಳನ್ನು ಮಹಾನಗರಪಾಲಿಕೆಯಾಗಿ ಪರಿವರ್ತಿಸುವ ಪ್ರಸ್ತಾವನೆಗಳು ಬಹಳ ಹಿಂದಿನಿಂದಲೂ ಇತ್ತು. ಈಗ ಬಳ್ಳಾರಿಗೆ ಮೋಕ್ಷ ದೊರಕಿದ್ದು, ಈ ಭಾಗದ ಜನರು ಹರ್ಷ ವ್ಯಕ್ತಪಡಿಸಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು