ದಕ್ಷಿಣಆಫ್ರಿಕಾದ ಟಾಪ್‌ಟೆನ್‌ ಪಟ್ಟಿಯಲ್ಲಿ ಮಂಡೇಲಾರೊಂದಿಗೆ ಗಾಂಧಿ

ದಕ್ಷಿಣಆಫ್ರಿಕಾದ ಟಾಪ್‌ಟೆನ್‌ ಪಟ್ಟಿಯಲ್ಲಿ ಮಂಡೇಲಾರೊಂದಿಗೆ ಗಾಂಧಿ
ಗಾಂಧಿ ವಿಚಾರಧಾರೆ-ಸ್ವಾತಂತ್ರ್ಯ ಚಳವಳಿ ಹೋರಾಟಕ್ಕೆ ಮನ್ನಣೆ

ದಕ್ಷಿಣ ಆಫ್ರಿಕಾದ ಟಾಪ್‌ ಟೆನ್‌ ಪಟ್ಟಿಯಲ್ಲಿ ಭಾರತದ ಗಾಂಧೀಜಿ ಹೆಸರು ದಾಖಲಾಗಿದೆ. ನೆಲ್ಸನ್‌ ಮಂಡೆಲಾ ಸೇರಿದಂತೆ ರಾಷ್ಟ್ರೀಯ ನಾಯಕರು ಈ ಪಟ್ಟಿಯಲ್ಲಿದ್ದಾರೆ.

ರಾಷ್ಟ್ರೀಯ ಚಳವಳಿಗೆ ಸಂಬಂಧಿಸಿದ ಹೋರಾಟವನ್ನು ಪರಿಗಣಿಸಿ, ಸೌತ್‌ ಆಫ್ರಿಕನ್‌ ಬ್ರಾಡ್‌ಕಾಸ್ಟಿಂಗ್‌ ಕಾರ್ಪೊರೇಷನ್‌(ಎಸ್‌ಎಬಿಸಿ) ಈ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ದಕ್ಷಿಣ ಆಫ್ರಿಕಾದಲ್ಲಿದ್ದಾಗ ವರ್ಣಭೇದ ನೀತಿ ಹಾಗೂ ಅಸ್ಪೃಶ್ಯತೆ ಖಂಡಿಸಿ ನಡೆಸಿದ ಹೋರಾಟ, ಡರ್ಬಾನ್‌ನ ಪೋನಿಕ್ಸ್‌ ಒಪ್ಪಂದದಲ್ಲಿ ಅವರ ಪಾತ್ರ, ಸತ್ಯಾಗ್ರಹದ ವಿಚಾರಧಾರೆ, ರಾಷ್ಟ್ರೀಯ ಕಾಂಗ್ರೆಸ್‌ನಲ್ಲಿನ ಸಂಘಟನೆಯನ್ನು ಗಮನಿಸಿ ಗಾಂಧೀಜಿಯನ್ನು ಟಾಪ್‌10 ಪಟ್ಟಿಯಲ್ಲಿ ಗುರ್ತಿಸಲಾಗಿದೆ.

ಹೃದಯ ಶಸ್ತ್ರಚಿಕಿತ್ಸಾತಜ್ಞ ಕ್ರಿಸ್‌ ಬರ್ನಾಡ್‌, ಮಾಜಿ ಅಧ್ಯಕ್ಷ ಎಫ್‌.ಡಬ್ಲ್ಯೂ ಡಿಕ್ಸರ್ಕ್‌, ಮಹಿಳಾ ನಾಯಕಿ ವಿನ್ನಿ ಮಂಡೇಲ, ಏಡ್ಸ್‌ ಬಗೆಗೆ ಜಾಗೃ ತಿ ಮೂಡಿಸಿದ ಜೆಲಾನಿ ನಿಕೋಸಿ ಜಾನ್‌ಸನ್‌, ಜಾನ್‌ ಸ್ಮಿತ್‌, ಜಾತ್ಯತೀತ ನಾಯಕ ಆರ್ಕಿ ಬಿಷಪ್‌ ಡೆಸ್ಮಂಡ್‌ ಟುಟು, ಗಾಲ್ಫರ್‌ ಗ್ಯಾರಿ ಪ್ಲೇಯರ್‌ ಮತ್ತಿತರರು ಈ ಟಾಪ್‌ ಟೆನ್‌ ಪಟ್ಟಿಯಲ್ಲಿದ್ದಾರೆ.

ಈ ಸಮೀಕ್ಷೆಯಲ್ಲಿ ವಿವಾದಾಸ್ಪದ ವ್ಯಕ್ತಿಗಳು ಸೇರಿದಂತೆ ನೂರಕ್ಕೂ ಅಧಿಕ ವ್ಯಕ್ತಿಗಳ ಹೆಸರುಗಳು ದಾಖಲಾಗಿದ್ದವು. ಅಂತಿಮವಾಗಿ ಈ ಟಾಪ್‌ಟೆನ್‌ ಪಟ್ಟಿಯನ್ನು ಪ್ರಕಟಿಸಲಾಗಿದೆ.

(ಏಜನ್ಸಿಸ್‌)

ಮುಖಪುಟ / ವಾರ್ತೆಗಳು