ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಆತಂಕ ಬಿಡಿ, ಬಾಳುವೆವು ಕೂಡಿ : ಸರ್ಕಾರದ ಜೋಡಿ ಕಾಮೆಡ್‌-ಕೆ

By Staff
|
Google Oneindia Kannada News

ಆತಂಕ ಬಿಡಿ, ಬಾಳುವೆವು ಕೂಡಿ : ಸರ್ಕಾರದ ಜೋಡಿ ಕಾಮೆಡ್‌-ಕೆ
ಸಡಿಲವಾದ ಸಿಇಟಿ ಕಗ್ಗಂಡು ; ವಿದ್ಯಾರ್ಥಿಗಳು, ಪೋಷಕರಲ್ಲಿ ನಿಟ್ಟುಸಿರು

ಬೆಂಗಳೂರು : ವೃತ್ತಿ ಶಿಕ್ಷಣ ಸೀಟು ಹಂಚಿಕೆ ವಿವಾದಕ್ಕೆ ಕಡೆಗೂ ಅಂತಿಮ ತೆರೆ ಬಿದ್ದಿದೆ. ಶೇ 60: 40 ರ ಅನುಪಾತದಂತೆ ಸೀಟು ಹಂಚಿಕೆಗೆ ಸರಕಾರ ಹಾಗೂ ಖಾಸಗಿ ಶಿಕ್ಷಣ ಸಂಸ್ಥೆಗಳು ಸಹಮತ ವ್ಯಕ್ತಪಡಿಸಿವೆ.

ಮುಖ್ಯಮಂತ್ರಿಗಳ ಗೃಹ ಕಚೇರಿಯಲ್ಲಿ ನಡೆದ ಸರ್ವಪಕ್ಷಗಳ ಸಭೆಯಲ್ಲಿ ಈ ತೀರ್ಮಾನ ತೆಗೆದು ಕೊಳ್ಳಲಾಗಿದೆ. ಸರ್ಕಾರಕ್ಕೆ ವೈದ್ಯಕೀಯ ಕೋರ್ಸುನಲ್ಲಿ 1560 ಸೀಟುಗಳು ಲಭ್ಯವಾಗಿವೆ. ಶುಲ್ಕದ ವಿಚಾರದಲ್ಲಿ ಸರ್ಕಾರಕ್ಕೆ ಸುಮಾರು 50 ಕೋಟಿ ರೂ. ಗಳು ಉಳಿತಾಯವಾಗಲಿದೆ ಎಂದು ಸರ್ಕಾರದ ಉನ್ನತ ಮೂಲಗಳು ತಿಳಿಸಿವೆ.

ಸೀಟುಗಳ ವಿತರಣೆ : ಶೇ 60ರಷ್ಟು ಸೀಟುಗಳಲ್ಲಿ ಪ್ರತಿಭಾವಂತರ ಹಾಗೂ ಮೀಸಲಾತಿ ಕೋಟಾ ದಲ್ಲಿ ಬರುವ ಶೇಕಡಾ 30ರಷ್ಟು ಸೀಟುಗಳಿಗೆ 35ಸಾವಿರ ರೂ. ಶುಲ್ಕವನ್ನು ನಿಗದಿಮಾಡಲಾಗಿದೆ(ಈ ವರ್ಷ 10 ಸಾವಿರ ರೂ. ಗಳು ಕಡಿಮೆಯಾಗಿದೆ). ಇನ್ನುಳಿದ ಶೇ.30 ರಷ್ಟು ಸೀಟುಗಳಿಗೆ 1.65 ಲಕ್ಷ ರೂ. ಗಳನ್ನು ನಿಗದಿ ಮಾಡಲಾಗಿದೆ(ಕಳೆದ ವರ್ಷ1.90 ಲಕ್ಷ ರೂ. ಪಾವತಿಸ ಬೇಕಾಗಿತ್ತು). ಎನ್‌ಆರ್‌ಐ ಕೋಟಾ ಹೊರತು ಪಡಿಸಿ ಆಡಳಿತ ಮಂಡಳಿಯ ಕೋಟಾಕ್ಕೆ 3.75 ಲಕ್ಷ ರೂ.ಗಳನ್ನು ನಿಗದಿ ಮಾಡಲಾಗಿದೆ.

ಶೇಕಡಾ 40ರಷ್ಟು ಸೀಟುಗಳು ಖಾಸಗಿ ಸಂಸ್ಥೆಗಳಿಗೆ ನೀಡಲಾಗಿದೆ. ಅವುಗಳಲ್ಲಿ ಶೇ.10ರಷ್ಟು ಸೀಟುಗಳನ್ನು ಎನ್‌ಆರ್‌ಐ ಕೋಟಾ ಎನ್ನಲಾಗಿದೆ. ಈ ಸೀಟುಗಳಿಗೆ ಶುಲ್ಕ ನಿಗದಿ ಪಡಿಸುವ ಅಧಿಕಾರವನ್ನು ಖಾಸಗಿ ಸಂಸ್ಥೆಗಳಿಗೆ ಬಿಟ್ಟುಕೊಡಬೇಕು ಎಂಬ ತೀರ್ಮಾನಕ್ಕೆ ಸರಕಾರ ಒಪ್ಪಿದೆ.

ದಂತ ವೈದಕೀಯ ಸೀಟು ಹಂಚಿಕೆ : ಸರ್ಕಾರದ ಶೇಕಡಾ 60ರಷ್ಟು ಸೀಟುಗಳ ಪೈಕಿ 30ರಷ್ಟು ಕೋಟಾಗೆ 25 ಸಾವಿರ ರೂ.ಗಳು ಇನ್ನುಳಿದ ಶೇ.30 ರಷ್ಟು ಸೀಟುಗಳಿಗೆ 1ಲಕ್ಷ ರೂ.ಗಳು, ಆಡಳಿತ ಮಂಡಳಿ ಕೋಟಾಕ್ಕೆ2.75 ಲಕ್ಷ ರೂ.ಗಳು ನಿಗದಿ ಮಾಡಲಾಗಿದೆ.

ಇಂಜನೀಯರಿಂಗ್‌ ಸೀಟು ಹಂಚಿಕೆ : ಶೇಕಡಾ.30 ರಷ್ಟು ಕೋಟಾಕ್ಕೆ 15 ಸಾವಿರ ರೂ.ಗಳು, ಇನ್ನುಳಿದ 30ರಷ್ಟು ಸೀಟುಗಳಿಗೆ 50 ಸಾವಿರ ರೂ.ಗಳು, ಆಡಳಿತ ಮಂಡಳಿ ಸೀಟುಗಳಿಗೆ 1ಲಕ್ಷ ರೂ.ಗಳು ನಿಗದಿಮಾಡಲಾಗಿದೆ.

ಸರ್ಕಾರ ಮತ್ತು ಕಾಮೆಡ್‌-ಕೆ ನಡುವಿನ ್ಫಒಪ್ಪಂದದಿಂದಾಗಿ ಸೆ.4ರಂದು ಸುಪ್ರೀಂಕೋರ್ಟ್‌ನಲ್ಲಿ ಎಲ್ಲವೂ ಸುಗಮವಾಗಿ ಬಗೆಹರಿಯುವ ವಿಶ್ವಾಸವಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X