ಬಿಎಸ್ಸೆನ್ನೆಲ್‌ 10000 ಸಿಂ ಬಿಡುಗಡೆ; ಸೋಮವಾರ ಮತ್ತೆ ನೋಂದಣಿ

ಬಿಎಸ್ಸೆನ್ನೆಲ್‌ 10000 ಸಿಂ ಬಿಡುಗಡೆ; ಸೋಮವಾರ ಮತ್ತೆ ನೋಂದಣಿ
ಆಗಸ್ಟ್‌ 6- 7 ಬೆಂಗಳೂರಿನಲ್ಲಿ 10 ಸಾವಿರ ಸಿಮ್‌ಕಾರ್ಡ್‌ ಮಾರಾಟ

ಕಳೆದ ವಾರವಷ್ಟೇ 30 ಸಾವಿರ ಸಿಮ್‌ಕಾರ್ಡ್‌ಗಳನ್ನು ಬಿಕರಿ ಮಾಡಿದ್ದ ಭಾರತೀಯ ಸಂಚಾರ ನಿಗಮ ಲಿಮಿಟೆಡ್‌ (ಬಿಎಸ್‌ಎಲ್‌ಎಲ್‌), ಮತ್ತೆ 10 ಸಾವಿರ ಸಿಮ್‌ಕಾರ್ಡ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಆಗಸ್ಟ್‌ 6 ಹಾಗೂ 7 ರಂದು ಬೆಂಗಳೂರಿನಲ್ಲಿ 10 ಸಾವಿರ ಸಿಮ್‌ಕಾರ್ಡ್‌ಗಳನ್ನು ಮಾರಾಟ ಮಾಡಲಾಗುವುದು. ಇಷ್ಟೇ ಅಲ್ಲ , ಪ್ರಿಪೇರ್ಯ್ಡ್‌ ಕಾರ್ಡ್‌ಗಳಿಗಾಗಿ ಸೋಮವಾರ (ಆ.9) ನೋಂದಣೆ ಮಾಡಿಕೊಳ್ಳಲಾಗುವುದು. ಈ ನೋಂದಣಿದಾರರಿಗೆ ಆಗಸ್ಟ್‌ 12, 13 ಹಾಗೂ 16ರಂದು ಸಿಮ್‌ಕಾರ್ಡ್‌ ವಿತರಣೆ ಮಾಡಲಾಗುವುದು ಎಂದು ಬೆಂಗಳೂರು ಟೆಲಿಕಾಂ ಜಿಲ್ಲೆಯ ಬಿಎಸ್‌ಎನ್‌ಎಲ್‌ ಅಧಿಕಾರಿ ಪಿ.ಗಣೇಶ್‌ ತಿಳಿಸಿದ್ದಾರೆ.

ನೋಂದಣೆ ಮಾಡಿದ ಪ್ರತಿಯಾಬ್ಬ ಗ್ರಾಹಕನಿಗೂ ಒಂದು ಟೋಕನ್‌ ನೀಡಲಾಗುವುದು. ಆ ಟೋಕನ್‌ನಲ್ಲಿ ಸಿಮ್‌ಕಾರ್ಡ್‌ ನೀಡುವ ಸಮಯ ಹಾಗೂ ದಿನವನ್ನು ನಮೂದಿಸಲಾಗಿರುತ್ತದೆ. ಪ್ರತಿ ಗ್ರಾಹಕ ಕೇಂದ್ರದಲ್ಲಿ 1 ಸಾವಿರ ನೋಂದಣೆಗಳಿಗೆ ಮಾತ್ರ ಅವಕಾಶವಿದೆ ಎಂದು ಗಣೇಶ್‌ ಹೇಳಿದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು