ನಕಲಿ ನೋಟು : ಮಂಗಳೂರು ಪೊಲೀಸರಿಂದ ಆರು ಮಂದಿ ಬಂಧನ

ನಕಲಿ ನೋಟು : ಮಂಗಳೂರು ಪೊಲೀಸರಿಂದ ಆರು ಮಂದಿ ಬಂಧನ
ಬಂಧಿತರ ಸಂಖ್ಯೆ 12ಕ್ಕೆ , ಜಾಲ ಬಯಲಿಗೆ ತಂದ ಪುತ್ತೂರು ಪೊಲೀಸರು

ಖೋಟಾ ನೋಟು ವಿತರಣೆ ಜಾಲದಲ್ಲಿ ಭಾಗಿಯಾಗಿದ್ದ 6 ಮಂದಿಯನ್ನು ಮಂಗಳೂರು ಪೊಲೀಸರು ಬಂಧಿಸಿದ್ದಾರೆ.

ಆರು ಮಂದಿಯ ಬಂಧನದೊಂದಿಗೆ ನಕಲಿ ನೋಟು ಜಾಲಕ್ಕೆ ಸಂಬಂಧಿಸಿದಂತೆ ಈವರೆಗೆ ಬಂಧಿತರ ಸಂಖ್ಯೆ 12ಕ್ಕೇರಿದೆ. ಶೇಕ್‌ ಅಬ್ದುಲ್ಲಾ ಹಾಗೂ ರಿಯಾದ್‌ಗೆ ಸಂಬಂಧಿಸಿದ ವ್ಯಕ್ತಿ ಖೋಟಾ ಕರೆನ್ಸಿಗಳನ್ನು ವಿತರಿಸುತ್ತಿರುವ ವಿಷಯ ತನಿಖೆಯಿಂದ ತಿಳಿದುಬಂದಿದೆ. ಕಮೀಷನ್‌ ಮೇರೆಗೆ ನಡೆಯುವ ಈ ವ್ಯವಹಾರದ ಪ್ರಮುಖ ಏಜೆಂಟ್‌ ಮುಂಬಯಿಗೆ ಸಂಬಂಧಿಸಿದ ವ್ಯಕ್ತಿ ಎಂದು ಉಪ ಪೊಲೀಸ್‌ ಅಧೀಕ್ಷಕರು ಮಂಗಳವಾರ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಜುಲೈ 27ರಂದು ಪುತ್ತೂರು ಪೊಲೀಸರು ನಕಲಿ ನೋಟು ಜಾಲ ಭೇದಿಸಿದ್ದರು. 6 ಮಂದಿಯನ್ನು ಬಂಧಿಸಿದ್ದ ಪೊಲೀಸರು- 1000 ಹಾಗೂ 500 ರುಪಾಯಿಗಳ ಒಟ್ಟು 73,500 ರುಪಾಯಿ ಮೌಲ್ಯದ ನೋಟುಗಳನ್ನು ಬಂಧಿತರಿಂದ ವಶಪಡಿಸಿಕೊಂಡಿದ್ದರು.

(ಪಿಟಿಐ)

ಮುಖಪುಟ / ವಾರ್ತೆಗಳು