ದೂರದರ್ಶನದಲ್ಲಿ ಮರಳಲಿದೆ ಕಾಂಡೋಂ ಜಾಹಿರಾತುಗಳ ವೈಭವ?

ದೂರದರ್ಶನದಲ್ಲಿ ಮರಳಲಿದೆ ಕಾಂಡೋಂ ಜಾಹಿರಾತುಗಳ ವೈಭವ?
ಜಾಹಿರಾತುಗಳಿಗೆ ಅವಕಾಶ ಮಾಡಿಕೊಡಲು ಆರೋಗ್ಯ ಸಚಿವಾಲಯದ ಪ್ರಸ್ತಾವನೆ

ಕಾಂಡೋಂ ಜಾಹಿರಾತುಗಳು ದೂರದರ್ಶನದಲ್ಲಿ ಮರಳಿ ಕಾಣಿಸಿಕೊಳ್ಳಲಿವೆಯೇ ?

ಹೌದು ಎನ್ನುತ್ತಿವೆ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಸುದ್ದಿಮೂಲಗಳು. ಕಾಂಡೋಂ ಜಾಹಿರಾತುಗಳನ್ನು ದೂರದರ್ಶನದಲ್ಲಿ ಪ್ರಸಾರ ಮಾಡಲು ಅನುಮತಿ ನೀಡುವಂತೆ ಒತ್ತಾಯಿಸಿ ಆರೋಗ್ಯ ಸಚಿವಾಲಯ ಮಂಡಿಸಿರುವ ಪ್ರಸ್ತಾವನೆ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವ ಜೈಪಾಲ್‌ರೆಡ್ಡಿ ಬಳಿಯಿದ್ದು - ಅವರು ಈ ವಿಷಯದ ಕುರಿತು ಮುಕ್ತ ಮನಸ್ಸು ಹೊಂದಿದ್ದಾರೆ ಎನ್ನಲಾಗಿದೆ.

ಲೈಂಗಿಕ ಸುರಕ್ಷಣೆ, ಕುಟುಂಬ ನಿಯಂತ್ರಣದ ಬಗ್ಗೆ ಜಾಗೃತಿ ಮೂಡಿಸುವ ಕಾಂಡೋಂ ಜಾಹಿರಾತುಗಳು ಆರ್ಥಿಕ ಮೂಲವಾಗಿಯೂ ದೂರದರ್ಶನಕ್ಕೆ ಫಲಪ್ರದವಾಗಬಲ್ಲವು. ಆ ಕಾರಣದಿಂದಾಗಿ ಇಂಥ ಜಾಹಿರಾತುಗಳಿಗೆ ಅವಕಾಶ ಮಾಡಿಕೊಡಲು ನೂತನ ಸರ್ಕಾರ ಉದ್ದೇಶಿಸಿದೆ.

ಈ ಮುನ್ನ , ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟದ ಸರ್ಕಾರದಲ್ಲಿ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವರಾಗಿದ್ದ ಸುಷ್ಮಾ ಸ್ವರಾಜ್‌, ಕಾಂಡೋಂ ಜಾಹಿರಾತುಗಳನ್ನು ಖಾಸಗಿ ವಾಹಿನಿಗಳಿಗೆ ಮಾತ್ರ ಸೀಮಿತಗೊಳಿಸಿದ್ದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು