ಸಕ್ರೆಬೈಲು ಆನೆಬಿಡಾರದಲ್ಲಿ 69ವರ್ಷದ ಆನೆಯಮ್ಮನಿಗೆ ಪುತ್ರೋತ್ಸವ

ಸಕ್ರೆಬೈಲು ಆನೆಬಿಡಾರದಲ್ಲಿ 69ವರ್ಷದ ಆನೆಯಮ್ಮನಿಗೆ ಪುತ್ರೋತ್ಸವ
ಇಬ್ಬರು ಆನೆ ಕಂದಮ್ಮಗಳ ಆಗಮನದೊಂದಿಗೆ ಆನೆಗಳ ಸಂಖ್ಯೆ 29ಕ್ಕೆ

ಇಲ್ಲಿಗೆ 15 ಕಿಮೀ ದೂರದ ಸಕ್ರೆಬೈಲುವಿನಲ್ಲಿನ ಆನೆಗಳ ಬಿಡಾರದಲ್ಲಿ ಬುಧವಾರ ಹೊಸ ಅತಿಥಿಯ ಆಗಮನದ ಸಂತಸ.

ಕಳೆದ 15 ದಿನಗಳ ಹಿಂದಷ್ಟೇ ಆನೆಯಾಂದು ಮರಿಗೆ ಜನ್ಮ ನೀಡಿತ್ತು . ಆ ಸಂತಸದ ಬೆನ್ನಿಗೇ ಜು.21ರ ಬುಧವಾರ ಮತ್ತೊಂದು ಮರಿಯ ಆಗಮನದ ಶುಭವಾರ್ತೆ. ಈ ಬಾರಿ ಕೊಂಚ ವಿಚಿತ್ರದ ಸುದ್ದಿ . ಮರಿಗೆ ಜನ್ಮ ನೀಡಿದ ಆನೆಯಮ್ಮನ ವಯಸ್ಸು ಕೇವಲ 69!

ಕಾವೇರಿ ಎನ್ನುವ 69 ವರ್ಷದ ಈ ತಾಯಿ ಬುಧವಾರ ಜನ್ಮ ನೀಡಿದ್ದು ಗಂಡಾನೆ ಮರಿಗೆ. ಇದು ಆಕೆಗೆ ಎರಡನೇ ಸಂತಾನ. 1969ರಲ್ಲಿ ಕಾವೇರಿ ಮೊದಲ ಬಾರಿಗೆ ತಾಯಿಯಾಗಿದ್ದಳು. ಆಗ ಹುಟ್ಟಿದ್ದ ಹೆಣ್ಣಾನೆಯನ್ನು ಶ್ರೀಕ್ಷೇತ್ರ ಧರ್ಮಸ್ಥಳಕ್ಕೆ ಕೊಡುಗೆಯಾಗಿ ನೀಡಲಾಗಿತ್ತು .

ಇನ್ನು ಗಂಗೆಯ ಕಥೆ. ಗಂಗೆ ಎನ್ನುವ ಇನ್ನೊಂದು ಆನೆ 15 ದಿನಗಳ ಹಿಂದೆ ಗಂಡಾನೆ ಮರಿಗೆ ಜನ್ಮ ನೀಡಿತ್ತು . ಹೀಗಾಗಿ ಸಕ್ರೆಬೈಲು ಆನೆಗಳ ಬಿಡಾರದಲ್ಲಿ 15 ದಿನಗಳ ಅಂತರದಲ್ಲಿ ಇಬ್ಬರು ಹೊಸ ಅತಿಥಿಗಳು ಆಗಮಿಸಿದಂತಾಗಿದೆ. ಎರಡು ಮರಿಗಳೂ ಸೇರಿದಂತೆ ಪ್ರಸ್ತುತ ಸಕ್ರೆೃಬೈಲಿನಲ್ಲಿ - 19 ಗಂಡಾನೆ ಹಾಗೂ 10 ಹೆಣ್ಣಾನೆಗಳಿವೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು