ಬಿಡಿಎ ಸಿಬ್ಬಂದಿ ಜೊತೆ ಜರ್ಮನ್‌ ತಂಡದ ‘ಉಭಯ ಕುಶಲೋಪರಿ’

ಬಿಡಿಎ ಸಿಬ್ಬಂದಿ ಜೊತೆ ಜರ್ಮನ್‌ ತಂಡದ ‘ಉಭಯ ಕುಶಲೋಪರಿ’
ಮಹಾನಗರಗಳ ಧಾರಣ ಸಾಮರ್ಥ್ಯದ ಬಗ್ಗೆ ಅಧ್ಯಯನ

ರಸ್ತೆ ನಿರ್ವಹಣೆ, ಕೊಳಚೆ ನಿರ್ವಹಣೆ, ತ್ಯಾಜ್ಯ ವಿಲೇವಾರಿ ಇತ್ಯಾದಿ ವ್ಯವಸ್ಥೆಯ ಅಧ್ಯಯನಕ್ಕೆಂದು ರಾಜ್ಯದ ಅಧಿಕಾರಿಗಳು ಹಾಗೂ ರಾಜಕಾರಣಿಗಳ ತಂಡ ಆಗಾಗ ವಿದೇಶ ಪ್ರವಾಸ ಕೈಗೊಳ್ಳುವುದು ಮಾಮೂಲು. ಆದರಿದು ಸ್ವಲ್ಪ ಬೇರೆಯದೇ ಆದ ಸುದ್ದಿ . ಈ ಬಾರಿ ಅಧ್ಯಯನಕ್ಕೆಂದು ರಾಜ್ಯದ ತಂಡ ತೆರಳಿಲ್ಲ . ಬದಲಿಗೆ ಜರ್ಮನ್‌ ನಿಯೋಗವೊಂದು ಬೆಂಗಳೂರಿಗೆ ಭೇಟಿ ಕೊಟ್ಟಿದೆ.

ಆರು ಮಂದಿಯ ಜರ್ಮನ್‌ ನಿಯೋಗವೊಂದು ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ)ಕ್ಕೆ ಜು.19ರಂದು ಭೇಟಿ ನೀಡಿ ಅಧಿಕಾರಿಗಳೊಂದಿಗೆ ವಿವಿಧ ವಿಷಯಗಳ ಕುರಿತು ಚರ್ಚಿಸಿತು. ಇಂಧನ, ನೀರು, ಸಮಾಜಶಾಸ್ತ್ರ , ನಗರಾಭಿವೃದ್ಧಿ ಕ್ಷೇತ್ರಗಳ ಪ್ರೊಫೆಸರ್‌ಗಳು ಹಾಗೂ ಸ್ವಯಂಸೇವಕ ಸಂಸ್ಥೆಯ ಪ್ರತಿನಿಧಿಗಳು ಜರ್ಮನ್‌ ನಿಯೋಗದಲ್ಲಿ ಹಾಜರಿದ್ದರು.

ಜೀನ್‌ ಕ್ಲಾಡೆ ವ್ಯಾನ್‌ ಡ್ಯುಸೆನ್‌ ನೇತೃತ್ವದ ಜರ್ಮನ್‌ ನಿಯೋಗ ಮಹಾನಗರಗಳ ಧಾರಣಶಕ್ತಿಯ ಬಗ್ಗೆ ಅಧ್ಯಯನ ನಡೆಸುತ್ತಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು