ಇನ್ಫೋಸಿಸ್ ನಿರೀಕ್ಷೆಗೆ ಮೀರಿದ ಸಾಧನೆ; 388.34 ಕೋಟಿ ರು. ಲಾಭ
ಇನ್ಫೋಸಿಸ್
ನಿರೀಕ್ಷೆಗೆ
ಮೀರಿದ
ಸಾಧನೆ;
388.34
ಕೋಟಿ
ರು.
ಲಾಭ
ಆದಾಯದಲ್ಲೂ
ಶೇ.38.61ರ
ಏರಿಕೆ,
ಭದ್ರ
ಬುನಾದಿಯೇ
ಯಶಸ್ಸಿಗೆ
ಕಾರಣ
2004-05ರ ಮೊದಲ ತ್ರೆೃಮಾಸಿಕದ ಲೆಕ್ಕಪತ್ರಗಳನ್ನು ಇನ್ಫೋಸಿಸ್ ಟೆಕ್ನಾಲಜೀಸ್ ಲಿಮಿಟೆಡ್ ಮಂಗಳವಾರ (ಜು.13) ಪ್ರಕಟಿಸಿತು. ಕಳೆದ ವಿತ್ತವರ್ಷದ ಮೊದಲ ತ್ರೆೃಮಾಸಿಕದಲ್ಲಿ 278.92 ಕೋಟಿ ರುಪಾಯಿ ಲಾಭ ಗಳಿಸಿದ್ದ ಕಂಪನಿ, ಈ ಬಾರಿ ಲಾಭದ ಪ್ರಮಾಣವನ್ನು 388.34 ಕೋಟಿ ರು.ಗೆ ಹೆಚ್ಚಿಸಿಕೊಳ್ಳುವ ಮೂಲಕ ಗಣನೀಯ ಸಾಧನೆ ಮಾಡಿದೆ.
ಮೊದಲ ತ್ರೆೃಮಾಸಿಕದಲ್ಲಿ ಕಂಪನಿಯ ಆದಾಯ 1,517.38 ಕೋಟಿ ರುಪಾಯಿಗಳಾಗಿದ್ದು , ಕಳೆದ ವರ್ಷದ ಇದೇ ತ್ರೆೃಮಾಸಿಕದಲ್ಲಿ ಆದಾಯ 1094.70 ಕೋಟಿ ರು. ಆಗಿತ್ತು . ಏರಿಕೆಯ ಪ್ರಮಾಣ ಶೇ.38.61ರಷ್ಟು . ಈ ಮುನ್ನ ಶೇ.25ರ ಆದಾಯ ಏರಿಕೆಯ ಗುರಿಯನ್ನು ಇನ್ಫೋಸಿಸ್ ಹೊಂದಿದ್ದು , ಗುರಿ ಮೀರಿದ ಸಾಧನೆ ಮಾಡಿದೆ.
ವಿತ್ತವರ್ಷದ ಮೊದಲ ತ್ರೆೃಮಾಸಿಕದ ಸಾಧನೆಯ ಬಗ್ಗೆ ಅಪಾರ ಹರ್ಷ ವ್ಯಕ್ತಪಡಿಸಿರುವ ಇನ್ಫೋಸಿಸ್ ಅಧ್ಯಕ್ಷ ಹಾಗೂ ಸಿಇಒ ನಂದನ ನೀಲೇಕಣಿ- ಈ ಯಶಸ್ಸು ನಮ್ಮ ಅತ್ಯುತ್ತಮ ವಾಣಿಜ್ಯ ಮಾದರಿ ಹಾಗೂ ಹಿಂದಿನ ದಿನಗಳ ಉನ್ನತ ದರ್ಜೆಯ ಯಶಸ್ಸಿನ ಮೇಲೆ ನಿಂತಿದೆ ಎಂದು ಬಣ್ಣಿಸಿದ್ದಾರೆ.
(ಪಿಟಿಐ)
ಮುಖಪುಟ / ಐಟಿ - ಬಿಟಿ