ಆದಾಯ ತೆರಿಗೆ ಮಿತಿ 1 ಲಕ್ಷಕ್ಕೆ ಏರಿಕೆ, 2005 ಏಪ್ರಿಲ್‌ನೊಳಗೆ ವ್ಯಾಟ್‌

ಆದಾಯ ತೆರಿಗೆ ಮಿತಿ 1 ಲಕ್ಷಕ್ಕೆ ಏರಿಕೆ, 2005 ಏಪ್ರಿಲ್‌ನೊಳಗೆ ವ್ಯಾಟ್‌
ಕುಡಿಯುವ ನೀರಿನ ಎಲ್ಲ ಯೋಜನೆಗಳು ರಾಜೀವ್‌ಗಾಂಧಿ ಕುಡಿಯುವ ನೀರು ಯೋಜನೆ ಕಕ್ಷೆಗೆ

2005 ಏಪ್ರಿಲ್‌ 1ರೊಳಗೆ ಮೌಲ್ಯ ವರ್ಧಿತ ತೆರಿಗೆ (ವ್ಯಾಟ್‌)ಯನ್ನು ರಾಷ್ಟ್ರವ್ಯಾಪಿ ಅನುಷ್ಠಾನಕ್ಕೆ ತರಲು ಕೇಂದ್ರ ಸರ್ಕಾರದ ನಿರ್ಧಾರ, ಮನೆ ಸಾಲ ಕುರಿತಂತೆ ಭಾರತೀಯ ರಿಸರ್ವ್‌ ಬ್ಯಾಂಕ್‌ನಿಂದ ಹೊಸ ನೀತಿ ಚಿಂತನೆ, ಭಾರತೀಯ ಜೀವ ವಿಮಾ ನಿಗಮದಿಂದ ಕೃಷಿ ವಿಮೆ ಕುರಿತು ಹೊಸ ನೀತಿ ಸಾಧ್ಯತೆ ಕುರಿತ ವಿಷಯಗಳನ್ನು ಕೇಂದ್ರ ಹಣಕಾಸು ಸಚಿವ ಪಿ.ಚಿದಂಬರಂ 2004-05ರ ಬಜೆಟ್‌ನಲ್ಲಿ ಪ್ರಸ್ತಾಪಿಸಿದ್ದಾರೆ.

ಬಜೆಟ್‌ನಲ್ಲಿ ಪ್ರಸ್ತಾಪವಾದ ಇತರ ಪ್ರಮುಖ ಅಂಶಗಳು :

• ಆದಾಯ ತೆರಿಗೆ ಮಿತಿ 50 ಸಾವಿರದಿಂದ 1 ಲಕ್ಷಕ್ಕೆ ಏರಿಕೆ.
• ವಿಮಾನ ನಿಲ್ದಾಣ, ಬಂದರು ಹಾಗೂ ಪ್ರವಾಸಿ ಸ್ಥಳಗಳಲ್ಲಿ ಮೂಲಭೂತ ಸೌಕರ್ಯಗಳು ಮೇಲ್ದರ್ಜೆಗೆ.
• ಕುಡಿಯುವ ನೀರಿನ ಎಲ್ಲ ಯೋಜನೆಗಳು ರಾಜೀವ್‌ಗಾಂಧಿ ಕುಡಿಯುವ ನೀರು ಯೋಜನೆ ವ್ಯಾಪ್ತಿಗೆ.
• ಆನಂದ್‌ ಮಾಡೆಲ್‌ ರೀತಿ ರಾಷ್ಟ್ರೀಯ ತೋಟಗಾರಿಕಾ ನಿಗಮ ಸ್ಥಾಪನೆ.
• ಚೆನ್ನೈ ಬಳಿ 1000 ಕೋಟಿ ರು. ಅಂದಾಜಿನಲ್ಲಿ , ಪ್ರತಿದಿನ 300 ಮಿಲಿಯನ್‌ ಲೀಟರ್‌ ನೀರು ಶುದ್ಧೀಕರಣ ಸಾಮರ್ಥ್ಯದ ಘಟಕ.
• ಗುಡ್ಡಗಾಡು, ಪರಿಶಿಷ್ಠ ವರ್ಗದವರು ಸೇರಿದಂತೆ ಬಡ ಜನತೆಗೆ ಸೂರು ಕಲ್ಪಿಸುವ ಇಂದಿರಾ ಆವಾಸ್‌ ಯೋಜನೆ ಅನುದಾನ 247 ಕೋಟಿ ರುಪಾಯಿಗೆ ಹೆಚ್ಚಳ.
• ಆರ್‌ಬಿಐನಿಂದ ಗ್ರಾಮೀಣ ಗೃಹ ಸಾಲ ಯೋಜನೆ ಪರಿಷ್ಕರಣೆ.
• ಪ್ರಾಥಮಿಕ ಆರೋಗ್ಯ ಸುರಕ್ಷಣೆ, ಸರ್ವಶಿಕ್ಷಾ ಅಭಿಯಾನ, ಕೃಷಿಯಲ್ಲಿ ಬಂಡವಾಳ ಹೂಡಿಕೆ, ಜೈವಿಕ ತಂತ್ರಜ್ಞಾನ ಸೇರಿದಂತೆ ವಿಜ್ಞಾನ ಹಾಗೂ ತಂತ್ರಜ್ಞಾನ ಕ್ಷೇತ್ರಗಳಿಗೆ ಆದ್ಯತೆ ಹಾಗೂ ಹೆಚ್ಚಿನ ಅನುದಾನ ನೀಡಿಕೆ.
• ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್‌) ಬಡ್ಡಿದರದಲ್ಲಿ ಯಥಾಸ್ಥಿತಿ ಪಾಲನೆ.
• ಜಿಪಿಎಫ್‌ ಬಡ್ಡಿದರದಲ್ಲೂ ಬದಲಾವಣೆಯಿಲ್ಲ .

(ಏಜೆನ್ಸೀಸ್‌)

ಮುಖಪುಟ / ವಾರ್ತೆಗಳು