ವಿಜಯ ಮಲ್ಯ ಹೊಸ ಮೋಡಿ: ಕಡಿಮೆ ದರದಿ ವಾಯುಯಾನ ಮಾಡಿ

ವಿಜಯ ಮಲ್ಯ ಹೊಸ ಮೋಡಿ: ಕಡಿಮೆ ದರದಿ ವಾಯುಯಾನ ಮಾಡಿ
ಪ್ರಮಖ ನಗರಗಳಿಗೆ ಸಂಪರ್ಕ ಕಲ್ಪಿಸುವ‘ ಕಿಂಗ್‌ಫಿಶರ್‌’ ವಾಯು ಸಾರಿಗೆ ಸಂಸ್ಥೆ ಬೆಂಗಳೂರಿನಿಂದ ಕಾರ್ಯ ನಿರ್ವಹಿಸಲಿದೆ

ಮದ್ಯದ ದೊರೆ ವಿಜಯ ಮಲ್ಯ ಅವರ ‘ಯುಬಿ ಸಮೂಹ’ ವು ಕಡಿಮೆ ದರ ವಾಯುಯಾನವನ್ನು ಆರಂಭಿಸಲು ಉದ್ದೇಶಿಸಿದೆ. ಈ ವಾಯು ಸಾರಿಗೆಗೆ ‘ ಕಿಂಗ್‌ಫಿಶರ್‌’ ಎಂದು ಹೆಸರಿಡಲಾಗಿದೆ.

ಆರಂಭದಲ್ಲಿ 150 ಕೋಟಿ ಬಂಡವಾಳ ಹೂಡಲಿದ್ದೇವೆ. ವಾಯು ಸಾರಿಗೆ ಸ್ಥಾಪಿಸುವ ಕುರಿತು ತಜ್ಞರ ಜೊತೆ ಮಾತುಕತೆ ನಡೆಯುತ್ತಿದೆ.ಅವರ ಬಳಿ ಚರ್ಚಿಸಿದ ನಂತರ ಮುಂದಿನ ಕಾರ್ಯತಂತ್ರವನ್ನು ರೂಪಿಸುತ್ತೇವೆ. ಈ ಕುರಿತು ವಿಮಾನಯಾನ ಸಚಿವ ಪ್ರಫುಲ್‌ ಪಟೇಲ್‌ ಜೊತೆ ಮಾತುಕತೆ ನಡೆಸಿದ್ದೇನೆ ಎಂದು ವಿಜಯ ಮಲ್ಯ ಹೇಳಿದ್ದಾರೆ.

ಸಂಸ್ಥೆಯು ಎಂಟು Airbus A-320 ವಿಮಾನಗಳನ್ನು ತರಿಸಿ ಕೊಳ್ಳುವ ನಿರೀಕ್ಷೆಯಿದೆ. ಅಲ್ಲದೆ ಕೆಲವು ಖಾಸಗಿ ವಿಮಾನಗಳನ್ನು ಗುತ್ತಿಗೆ ಪಡೆಯಲಿದೆ. ಈಗಾಗಲೇ ಮಲ್ಯ ಬಳಿ ‘ಯುಬಿ ಆ್ಯರ್‌’ ಹೆಸರಿನಲ್ಲಿ ಒಂದು ಖಾಸಗಿ ವಿಮಾನವಿದೆ. ಮಲ್ಯ ಸ್ವತಃ ವಿಮಾನ ಚಾಲನೆ ಬಲ್ಲವರಾಗಿದ್ದಾರೆ.

ಪ್ರಮಖ ನಗರಗಳಿಗೆ ಸಂಪರ್ಕ ಕಲ್ಪಿಸುವ ಈ ವಾಯು ಸಾರಿಗೆ ಸಂಸ್ಥೆ ಬೆಂಗಳೂರಿನಿಂದಲೇ ಕಾರ್ಯ ನಿರ್ವಹಿಸಲಿದೆ ಎಂದು ಮಲ್ಯ ಹೇಳಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು