ಜುಲೈ 6ರಂದು 2004-05ರ ರೈಲು, 8ರಂದು ಕೇಂದ್ರಬಜೆಟ್‌ ಮಂಡನೆ

ಜುಲೈ 6ರಂದು 2004-05ರ ರೈಲು, 8ರಂದು ಕೇಂದ್ರಬಜೆಟ್‌ ಮಂಡನೆ
ಪೆಟ್ರೋಲ್‌-ಡೀಸೆಲ್‌ ಬೆಲೆ ಏರಿಕೆಗೆ ಕೇಂದ್ರ ಸಂಪುಟದ ಹಸಿರು ನಿಶಾನೆ

2004-05ನೇ ಸಾಲಿನ ಕೇಂದ್ರ ಮುಂಗಡಪತ್ರವನ್ನು ಕಾಂಗ್ರೆಸ್‌ ನೇತೃತ್ವದ ಕೇಂದ್ರ ಸರ್ಕಾರ ಜುಲೈ 8ರಂದು ಮಂಡಿಸಲಿದೆ.

ಬಜೆಟ್‌ ಅಧಿವೇಶನ ಜುಲೈ 5 ರಂದು ಪ್ರಾರಂಭವಾಗಲಿದೆ. ಜುಲೈ 8ರಂದು ಕೇಂದ್ರ ಬಜೆಟ್‌ ಮಂಡನೆಗೊಳ್ಳುವುದು. ಅದಕ್ಕೂ ಮುನ್ನ , ಜುಲೈ 6ರಂದು ಕೇಂದ್ರ ರೈಲ್ವೆ ಬಜೆಟ್‌ ಮಂಡಿಸಲಾಗುವುದು. ಈ ಕುರಿತ ನಿರ್ಣಯವನ್ನು ಮಂಗಳವಾರ (ಜೂ.15) ಪ್ರಧಾನಿ ಮನಮೋಹನ್‌ಸಿಂಗ್‌ ಅಧ್ಯಕ್ಷತೆಯಲ್ಲಿ ನಡೆದ ಸಂಪುಟ ಸಭೆ ಕೈಗೊಂಡಿತು. ಸಾಮಾಜಿಕ ನ್ಯಾಯ ಮತ್ತು ಅಧಿಕಾರ ವಿಕೇಂದ್ರೀಕರಣ ಸಚಿವ ಮೀರಾ ಕುಮಾರ್‌ ಸಂಪುಟ ಸಭೆಯ ನಂತರ ಬಜೆಟ್‌ ಮಂಡನೆಯ ವಿವರಗಳನ್ನು ಸುದ್ದಿಗಾರರಿಗೆ ನೀಡಿದರು.

ಬಜೆಟ್‌ ಪೂರ್ವ ಆರ್ಥಿಕ ಸಮೀಕ್ಷೆಯನ್ನು ಜುಲೈ 7ರಂದು ಬಿಡುಗಡೆ ಮಾಡಲಾಗುವುದು ಎಂದೂ ಸಚಿವ ಮೀರಾ ಕುಮಾರ್‌ ತಿಳಿಸಿದರು.

ತೈಲ ಬೆಲೆ ಏರಿಕೆಗೆ ಸಂಪುಟ ಅಸ್ತು

ಅಂತರರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲದ ಬೆಲೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಪೆಟ್ರೋಲ್‌ ಹಾಗೂ ಡೀಸೆಲ್‌ ಬೆಲೆ ಹೆಚ್ಚಿಸುವ ಪ್ರಸ್ತಾವನೆಗೆ ಕೇಂದ್ರ ಸಂಪುಟ ಸಭೆ ಹಸಿರು ನಿಶಾನೆ ತೋರಿದೆ.

(ಪಿಟಿಐ)

ಮುಖಪುಟ / ವಾರ್ತೆಗಳು