ಅಕಾಲಿ ದಳದ ಚರಣ್‌ಜಿತ್‌ಸಿಂಗ್‌ ಅತ್ವಾಲ್‌ ಲೋಕಸಭೆಯ ಉಪಾಧ್ಯಕ್ಷ

ಅಕಾಲಿ ದಳದ ಚರಣ್‌ಜಿತ್‌ಸಿಂಗ್‌ ಅತ್ವಾಲ್‌ ಲೋಕಸಭೆಯ ಉಪಾಧ್ಯಕ್ಷ
ಅವಿರೋಧವಾಗಿ ಆಯ್ಕೆಯಾದ ಅತ್ವಾಲ್‌

ಬಾದಲ್‌ ಅಕಾಲಿದಳದ ಸದಸ್ಯ ಚರಣ್‌ಜಿತ್‌ ಸಿಂಗ್‌ ಅತ್ವಾಲ್‌ ಅವರು ಲೋಕಸಭೆಯ ನೂತನ ಉಪಾಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾದರು.

ಅವರು ಪಂಜಾಬಿನ ಫಿಲೌರ್‌ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದಾರೆ. ಅವರಿಗೆ ಪಂಜಾಬ್‌ ವಿಧಾನ ಸಭೆಯ ಸಭಾಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ ಅನುಭವವಿದೆ. ಸಂಪ್ರದಾಯದಂತೆ ಯುಪಿಎ ಕೂಟ ಈ ಸ್ಥಾನವನ್ನು ವಿರೋಧ ಪಕ್ಷಕ್ಕೆ ಬಿಟ್ಟುಕೊಟ್ಟಿತ್ತು. ಈ ಸ್ಥಾನಕ್ಕೆ ಎನ್‌ಡಿಎ ಮೈತ್ರಿಕೂಟವು ಅಕಾಲಿದಳದ ಅತ್ವಾಲ್‌ ಅವರನ್ನು ಆಯ್ಕೆ ಮಾಡಿದೆ.

ಪ್ರಜಾಪ್ರಭುತ್ವದಲ್ಲಿ ಆಡಳಿತ ಮತ್ತು ವಿರೋಧ ಪಕ್ಷಗಳ ನಡುವೆ ಸಹಯೋಗ ಅಗತ್ಯವಾಗಿದೆ. ಸಂಸತ್ತಿನಲ್ಲಿ ಪಕ್ಷಭೇಧ ಮರೆತು ಕಾರ್ಯನಿರ್ವಹಿಸುವುದಾಗಿ ಅವರು ಈ ಸಂದರ್ಭದಲ್ಲಿ ಹೇಳಿದರು.

ಮುಖಪುಟ / ವಾರ್ತೆಗಳು