ಪ್ರಧಾನಿ ಪದಕ್ಕೆ ಒಂದೇ ಹೆಜ್ಜೆ ; ‘ಸಿಪಿಪಿ’ ನಾಯಕಿಯಾಗಿ ಸೋನಿಯಾ

ಪ್ರಧಾನಿ ಪದಕ್ಕೆ ಒಂದೇ ಹೆಜ್ಜೆ ; ‘ಸಿಪಿಪಿ’ ನಾಯಕಿಯಾಗಿ ಸೋನಿಯಾ
ಸೋನಿಯಾ ಪ್ರಧಾನಿಯಾಗಲು ಬಹುತೇಕ ಮಿತ್ರಪಕ್ಷಗಳ ಹಸಿರು ನಿಶಾನೆ

ಕಾಂಗ್ರೆಸ್‌ ಸಂಸದೀಯ ಪಕ್ಷದ ನಾಯಕಿಯಾಗಿ ಎಐಸಿಸಿ ಅಧ್ಯಕ್ಷೆ ಸೋನಿಯಾಗಾಂಧಿ ಆಯ್ಕೆಯಾಗಿದ್ದಾರೆ. ಮೇ 15ರ ಶನಿವಾರ ದೆಹಲಿಯಲ್ಲಿ ನಡೆದ ಕಾಂಗ್ರೆಸ್‌ ಸಂಸದರ ಸಭೆ ಸೋನಿಯಾ ಅವರನ್ನು ತನ್ನ ನಾಯಕಿಯನ್ನಾಗಿ ಆರಿಸಿತು.

ಪಶ್ಚಿಮ ಬಂಗಾಳ ಕಾಂಗ್ರೆಸ್‌ ಘಟಕದ ಅಧ್ಯಕ್ಷ ಪ್ರಣಬ್‌ ಮುಖರ್ಜಿ ಸೋನಿಯಾ ಅವರ ಹೆಸರನ್ನು ಸಂಸದೀಯ ಪಕ್ಷದ ನಾಯಕತ್ವದ ಸ್ಥಾನಕ್ಕೆ ಸೂಚಿಸಿದರು. ಈ ಸೂಚನೆಯನ್ನು ಕೇಂದ್ರದ ಮಾಜಿ ವಿತ್ತ ಸಚಿವ ಮನಮೋಹನ್‌ ಸಿಂಗ್‌ ಅನುಮೋದಿಸಿದರು. ಸೋನಿಯಾ ಅವರ ಆಯ್ಕೆಯನ್ನು ನೂತನ ಸಂಸದರು ಹರ್ಷೋದ್ಘಾರದಿಂದ ಸ್ವಾಗತಿಸಿದರು.

ಸಂಸದೀಯ ಪಕ್ಷದ ನಾಯಕಿಯಾಗಿ ಆಯ್ಕೆ ನಡೆದ ಸಂದರ್ಭದಲ್ಲಿ ಸೋನಿಯಾಗಾಂಧಿ ಸಭೆಯಲ್ಲಿ ಹಾಜರಿರಲಿಲ್ಲ . ತಡವಾಗಿ ಬಂದ ಸೋನಿಯಾ ಅವರನ್ನು ಚಪ್ಪಾಳೆ ಹಾಗೂ ಜಯಘೋಷದ ಮೂಲಕ ಸಭೆ ಸ್ವಾಗತಿಸಿತು. ಇತ್ತೀಚೆಗೆ ಗಾಯಗೊಂಡು ಆಸ್ಪತ್ರೆ ಸೇರಿದ್ದ ಛತ್ತೀಸ್‌ಗಢದ ಅಜಿತ್‌ಜೋಗಿ ಆಸ್ಪತ್ರೆಯಿಂದ ಸಭೆಗೆ ಗಾಲಿಕುರ್ಚಿಯಲ್ಲಿ ಆಗಮಿಸಿದ ದೃಶ್ಯ ವಿಶೇಷವಾಗಿತ್ತು .

(ಏಜನ್ಸೀಸ್‌)

ಮುಖಪುಟ / ಕುರುಕ್ಷೇತ್ರ-2004