ನವದೆಹಲಿಯ ಮತಗಟ್ಟೆಯಲ್ಲಿ ಮತ ಚಲಾಯಿಸಿದ ರಾಷ್ಟ್ರಪತಿ ಕಲಾಂ

ನವದೆಹಲಿಯ ಮತಗಟ್ಟೆಯಲ್ಲಿ ಮತ ಚಲಾಯಿಸಿದ ರಾಷ್ಟ್ರಪತಿ ಕಲಾಂ
ಮತದಾನಕ್ಕೆ ಕರೆ ನೀಡಿದ ಮೊದಲ ರಾಷ್ಟ್ರಪತಿ

ರಾಷ್ಟ್ರಪತಿ ಅಬ್ದುಲ್‌ ಕಲಾಂ ನವದೆಹಲಿಯ ಲೋಕಸಭಾ ಕ್ಷೇತ್ರದಲ್ಲಿ ಸೋಮವಾರ ತಮ್ಮ ಮತ ಚಲಾಯಿಸಿದರು. ಅವರು ಸರಕಾರಿ ಸಹ-ಶಿಕ್ಷಣ ಹಿರಿಯ ಪ್ರಾಥಮಿಕ ಶಾಲೆಯ ಮತಗಟ್ಟೆಯಲ್ಲಿ ಮತದಾನ ಮಾಡಿದರು. ಮತದಾನ ಆರಂಭವಾದ ತಕ್ಷಣ ಮುಂಜಾನೆ 7.00 ಗಂಟೆಗೆ ಆ ಮತಗಟ್ಟೆಯಲ್ಲಿ ಮೊದಲಿಗರಾಗಿ ಕಲಾಂ ಮತದಾನ ಮಾಡಿದರು.

ಮತದಾನ ಮಾಡಲು ಸಂತಸವಾಗುತ್ತದೆ. ಹೊಸ ತಂತ್ರಜ್ಞಾನ ವ್ಯವಸ್ಥೆ ಅದ್ಭುತ ಎಂದು ಮತದಾನ ಮಾಡಿದ ಬಳಿಕ ಕಲಾಂ ಹೇಳಿದರು. ದೇಶಕ್ಕೆ ಮತದಾನ ಮಾಡಲು ಕರೆ ನೀಡಿದ ಪ್ರಥಮ ರಾಷ್ಟ್ರಪತಿಗಳು ಇವರಾಗಿದ್ದಾರೆ.

ಭಾರತದ ರಾಷ್ಟ್ರಪತಿಗಳು ಈ ಹಿಂದೆ ಮತದಾನ ಮಾಡುತ್ತಿರಲಿಲ್ಲ. ಮೊದಲ ಬಾರಿಗೆ ಮತಗಟ್ಟೆಯಲ್ಲಿ ಸರದಿ ನಿಂತು ಮತ ಚಲಾಯಿಸುವ ಮೂಲಕ ಹಿಂದಿನ ರಾಷ್ಟ್ರಪತಿ ಕೆ.ಆರ್‌.ನಾರಾಯಣ್‌ ಈ ಸಂಪ್ರದಾಯವನ್ನು ಮುರಿದಿದ್ದರು.

(ಪಿಟಿಐ)

ಮುಖಪುಟ / ವಾರ್ತೆಗಳು