ಚುನಾವಣೆ : ರಾಜ್ಯದ 70 ಮತಗಟ್ಟ್ಟೇಲಿ ಗುರುವಾರ ಮರು ಮತದಾನ

ಚುನಾವಣೆ : ರಾಜ್ಯದ 70 ಮತಗಟ್ಟ್ಟೇಲಿ ಗುರುವಾರ ಮರು ಮತದಾನ
ಏಪ್ರಿಲ್‌ 26 ರಂದು ಎರಡನೇ ಹಾಗೂ ಅಂತಿಮ ಹಂತದ ಚುನಾವಣೆ

ರಾಜ್ಯದ 70 ಮತಗಟ್ಟೆಗಟ್ಟೆಗಳಲ್ಲಿ ಮರು ಮತದಾನಕ್ಕೆ ಚುನಾವಣಾ ಆಯೋಗ ಆದೇಶಿದೆ. ಏ.22ರ ಗುರುವಾರ ಈ ಕ್ಷೇತ್ರಗಳಲ್ಲಿ ಮರು ಮತದಾನ ನಡೆಯಲಿದೆ.

ರಾಜ್ಯದ 11 ಲೋಕಸಭಾ ಕ್ಷೇತ್ರಗಳ ವ್ಯಾಪ್ತಿಯ 70 ಮತಗಟ್ಟೆಗಳಲ್ಲಿ ಗುರುವಾರ ಮರು ಮತದಾನ ನಡೆಯಲಿದೆ ಎಂದು ರಾಜ್ಯದ ಮುಖ್ಯ ಚುನಾವಣಾ ಅಧಿಕಾರಿ ಅಭಿಜಿತ್‌ ದಾಸ್‌ಗುಪ್ತ ಬುಧವಾರ (ಏ.21) ಸುದ್ದಿಗಾರರಿಗೆ ತಿಳಿಸಿದರು.

ಮರು ಮತದಾನ ನಡೆಯುವ ಮತಗಟ್ಟೆಗಳು :

ಬೆಂಗಳೂರು ಉತ್ತರ (6 ಮತಗಟ್ಟೆ ), ದಾವಣಗೆರೆ (9), ಬಿಜಾಪುರ (3), ಬೆಂಗಳೂರು ದಕ್ಷಿಣ (20), ಕೊಪ್ಪಳ (5), ಬಾಗಲಕೋಟೆ (5), ಬೀದರ್‌(1), ಚಿಕ್ಕಬಳ್ಳಾಪುರ (6), ಕೋಲಾರ (8), ಗುಲ್ಬರ್ಗಾ (3) ಹಾಗೂ ಬಳ್ಳಾರಿ (4).

ಏಪ್ರಿಲ್‌ 20ರಂದು ನಡೆದ ಚುನಾವಣೆಯಲ್ಲಿ - ನಕಲಿ ಮತದಾನ, ಹಿಂಸಾಚಾರ, ಮತಯಂತ್ರಗಳ ವಶಕ್ಕೆ ಯತ್ನ ಮುಂತಾದ ದೂರುಗಳು ದಾಖಲಾದ ಹಿನ್ನೆಲೆಯಲ್ಲಿ ಮೇಲಿನ ಮತಗಟ್ಟೆಗಳಲ್ಲಿ ಮರು ಮತದಾನ ನಡೆಸಲು ಆಯೋಗ ನಿರ್ಧರಿಸಿದೆ.

ಏಪ್ರಿಲ್‌ 26 ರಂದು ಎರಡನೇ ಹಾಗೂ ಅಂತಿಮ ಹಂತದ ಚುನಾವಣೆಗಳು ರಾಜ್ಯದಲ್ಲಿ ನಡೆಯಲಿವೆ.

(ಪಿಟಿಐ)

ಮುಖಪುಟ / ಕುರುಕ್ಷೇತ್ರ-2004