• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ಆಟದ ಜೊತೆ ಪಾಕಿಗಳ ಪ್ರೀತಿ ಗೆದ್ದು ಬನ್ನಿ’ ವಾಜಪೇಯಿ ಹಾರೈಕೆ

By Staff
|

‘ಆಟದ ಜೊತೆ ಪಾಕಿಗಳ ಪ್ರೀತಿ ಗೆದ್ದು ಬನ್ನಿ’ ವಾಜಪೇಯಿ ಹಾರೈಕೆ

ಪಾಕ್‌ ಪ್ರವಾಸ ಹೊರಟ ಭಾರತೀಯ ಕ್ರಿಕೆಟ್‌ ತಂಡಕ್ಕೆ ಪ್ರಧಾನಿ ಶುಭಾಶಯ

ನವದೆಹಲಿ : ಕೇವಲ ಪಂದ್ಯಗಳನ್ನು ಮಾತ್ರವಲ್ಲ ಪಾಕಿಸ್ತಾನಿಯರ ಹೃದಯಗಳನ್ನೂ ಗೆದ್ದು ಬನ್ನಿ. ನಿಮಗೆ ಶುಭಕಾಮನೆಗಳು ಎಂದು ಪಾಕ್‌ ಪ್ರವಾಸ ಹೊರಟ ಭಾರತೀಯ ಕ್ರಿಕೆಟ್‌ ತಂಡವನ್ನು ಪ್ರಧಾನಿ ವಾಜಪೇಯಿ ಹರಸಿದರು.

ಪಾಕ್‌ ಪ್ರವಾಸ ಹೊರಟ ಭಾರತೀಯ ಕ್ರಿಕೆಟ್‌ ತಂಡಕ್ಕೆ ಪ್ರಧಾನಿ ತಮ್ಮ ನಿವಾಸದಲ್ಲಿ ಬುಧವಾರ ಚಹಾಕೂಟ ಏರ್ಪಡಿಸಿದ್ದರು. ‘ಖೇಲ್‌ ಹೀ ನಹೀ ದಿಲ್‌ ಭೀ ಜೀತಿಯೇ. ಶುಭಾಕಾಮ್ನಾಯೇ’ ಎಂದು ಬ್ಯಾಟ್‌ ಮೇಲೆ ಬರೆದು ತಂಡದ ಕಪ್ತಾನ ಗಂಗೂಲಿಗೆ ನೀಡಿದರು. ಈ ಸಂದರ್ಭದಲ್ಲಿ ತಂಡದ ಎಲ್ಲಾ ಸದಸ್ಯರ ಸಹಿಯನ್ನೊಳಗೊಂಡ ಬ್ಯಾಟನ್ನು ತಂಡದ ಪರವಾಗಿ ಗಂಗೂಲಿ ಪ್ರಧಾನಿಗೆ ಹಸ್ತಾಂತರಿಸಿದರು.

ಪ್ರಧಾನಿ ನಿವಾಸದ ಮುಂದೆ ಶಾಲಾ ಮಕ್ಕಳು ತಂಡಕ್ಕೆ ಶುಭಕಾಮನೆಗಳು ಬರೆದ ಪ್ಲೇಕಾರ್ಡ್‌ ಹಿಡಿದು ಸಾಲುಗಟ್ಟಿದ್ದರು. 40 ದಿನಗಳ ಪಾಕ್‌ ಪ್ರವಾಸ ಕೈಗೊಳ್ಳುವ ಭಾರತೀಯ ತಂಡ ಸುಮಾರು 40 ನಿಮಿಷ ಕಾಲ ಪ್ರಧಾನಿ ಜೊತೆ ಮಾತುಕತೆ ನಡೆಸಿತು. ಇದಕ್ಕಿಂತ ಮುನ್ನ ರಕ್ಷಣಾ ಇಬ್ಬರು ಸಿಬ್ಬಂದಿಗಳು ಪಾಕಿಸ್ತಾನದಲ್ಲಿ ಒದಗಿಸಲಾಗುವ ರಕ್ಷಣಾ ವ್ಯವಸ್ಥೆಯ ಕುರಿತು ತಂಡಕ್ಕೆ ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ತರಬೇತುದಾರ ಜಾನ್‌ ರೈಟ್‌, ತಂಡದ ವೈದ್ಯ, ವ್ಯವಸ್ಥಾಪಕ ರತ್ನಾಕರ ಶೆಟ್ಟಿ ತಂಡದ ಜೊತೆಯಿದ್ದರು.

ಭಾರತ 5 ಏಕದಿನ ಮತ್ತು 3 ಟೆಸ್ಟ್‌ ಪಂದ್ಯಗಳನ್ನೊಳಗೊಂಡಂತೆ 40 ದಿನಗಳ ಕಾಲ ಪಾಕ್‌ ಪ್ರವಾಸದಲ್ಲಿರುತ್ತದೆ. 18 ವರ್ಷಗಳ ಬಳಿಕ ಗೆಲ್ಲುವ ಅಚಲ ವಿಶ್ವಾಸದೊಂದಿಗೆ ಭಾರತ ತಂಡ ಬುಧವಾರ ಪಾಕಿಸ್ತಾನಕ್ಕೆ ತೆರಳಿತು. ಮಾರ್ಚ್‌ 13ರಂದು ಮೊದಲ ಪಂದ್ಯವಾಡಲಿದೆ.

(ಪಿಟಿಐ)

ಮುಖಪುಟ / ವಾರ್ತೆಗಳು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more