ಖ್ಯಾತ ಪತ್ರಕರ್ತ ಶಾರದಾಪ್ರಸಾದ್‌ಗೆ ಮೈಸೂರು ವಿವಿ ಡಿ.ಲಿಟ್‌

ಖ್ಯಾತ ಪತ್ರಕರ್ತ ಶಾರದಾಪ್ರಸಾದ್‌ಗೆ ಮೈಸೂರು ವಿವಿ ಡಿ.ಲಿಟ್‌
ಅರ್ಧ ಶತಕದ ಶಿಸ್ತುಬದ್ಧ ವೃತ್ತಿಪರತೆಗೆ ಸಂದ ಮನ್ನಣೆ

ಹಿರಿಯ ಪತ್ರಕರ್ತ ಹಾಗೂ ಪ್ರಧಾನಿಗಳಿಗೆ ಪತ್ರಿಕಾ ಸಲಹೆಗಾರರಾಗಿದ್ದ ವೈ.ಶಾರದಾ ಪ್ರಸಾದ್‌ರಿಗೆ ಮೈಸೂರು ವಿಶ್ವವಿದ್ಯಾನಿಲಯ ಗೌರವ ಡಿ.ಲಿಟ್‌ ನೀಡಿದೆ. ರಾಜ್ಯಪಾಲ ಟಿ.ಎನ್‌.ಚತುರ್ವೇದಿ ಮಾ.3ರ ಬುಧವಾರ ಪದವಿ ಪುರಸ್ಕಾರ ಮಾಡಿದರು.

79 ರ ಹರೆಯದ ಶಾರದಾ ಪ್ರಸಾದ್‌ ತಮ್ಮ ವೃತ್ತಿ ಜೀವನವನ್ನು 1945ರಲ್ಲಿ ಚೆನ್ನೈಯಲ್ಲಿರುವ ಇಂಡಿಯನ್‌ಎಕ್ಸ್‌ಪ್ರೆಸ್‌ ಪತ್ರಿಕೆಯಲ್ಲಿ ಆರಂಭಿಸಿದರು. 1978-79ರಲ್ಲಿ ಭಾರತೀಯ ಸಂವಹನ ಸಂಸ್ಥೆಯ ನಿರ್ದೇಶಕರಾಗಿದ್ದರು. ಆ ಬಳಿಕ 22 ವರ್ಷಗಳ ಕಾಲ ಪ್ರಧಾನ ಮಂತ್ರಿಗಳ ಪತ್ರಿಕಾ ಸಲಹಾಗಾರರಾಗಿ ಕಾರ್ಯನಿರ್ವಹಿಸಿದರು.

ಶಾರದಾ ಪ್ರಸಾದ್‌ರು ಏಶಿಯನ್‌ಏಜ್‌ ಪತ್ರಿಕೆಯ ಅಂಕಣಕಾರ, ಜವಹಾರ ಲಾಲ್‌ ನೆಹರು ಶತಮಾನೋತ್ಸವ ಸಂಚಿಕೆಯ ಸಂಪಾದಕರೂ ಹೌದು. ಪದ್ಮಭೂಷಣ ಸೇರಿದಂತೆ ಹಲವು ಪ್ರಶಸ್ತಿಗಳು ಶಾರದಾ ಪ್ರಸಾದ್‌ರಿಗೆ ಸಂದಿವೆ.

(ಪಿಟಿಐ)

ಮುಖಪುಟ / ವಾರ್ತೆಗಳು