ಶಾಂತಿ ಧ್ವಜದಡಿ ಅರಳುತ್ತಿರುವ ಜಮ್ಮು-ಕಾಶ್ಮೀರ ಪ್ರವಾಸೋದ್ಯಮ

ಶಾಂತಿ ಧ್ವಜದಡಿ ಅರಳುತ್ತಿರುವ ಜಮ್ಮು-ಕಾಶ್ಮೀರ ಪ್ರವಾಸೋದ್ಯಮ
15 ವರ್ಷಗಳಲ್ಲಿ ಕಾಣದ ಪ್ರವಾಸಿಗಳ ಕಲರವ ಈಗ ಸೌಂದರ್ಯ ಕೊಳ್ಳದಲ್ಲಿ ಕೇಳಿಸುತ್ತಿದೆ.

ಜಮ್ಮು ಮತ್ತು ಕಾಶ್ಮೀರದ ಪ್ರವಾಸೋದ್ಯದ ಮೇಲೆ ಭಾರತ ಮತ್ತು ಪಾಕಿಸ್ಥಾನಗಳ ನಡುವಿನ ಶಾಂತಿ ಮಾತುಕತೆಯ ಪ್ರಸ್ತಾಪ ಧನಾತ್ಮಕ ಪ್ರಭಾವ ಬೀರಿದೆ. ಇಷ್ಟು ಧನಾತ್ಮಕ ಫಲಿತಾಂಶವು ಕಳೆದ 15 ವರ್ಷಗಳಲ್ಲಿ ಎಂದೂ ಕಂಡು ಬಂದಿರಲಿಲ್ಲ.

2003ರಲ್ಲಿ ಪ್ರವಾಸಿಗರ ಸಂಖ್ಯೆ 2.31 ಲಕ್ಷ ಇತ್ತು. 2002 ನೇ ಇಸವಿಗಿಂತ 2003ರಲ್ಲಿ ಪ್ರವಾಸಿಗರ ಸಂಖ್ಯೆ ಹೆಚ್ಚಾದುದು ಕೇವಲ 18,000. ಈ ಹೆಚ್ಚಳ ದಿನೇ ದಿನೇ ಹೆಚ್ಚುತ್ತಿದ್ದು , ಭಾರತ ಮತ್ತು ಪಾಕಿಸ್ತಾನಗಳ ನಡುವಿನ ಬಾಂಧವ್ಯದ ಬೆಸುಗೆಯೂ ಬೆಳೆಯುತ್ತಿದೆ. ವರ್ಷದಲ್ಲಿ ಹತ್ತಾರು ಬಾರಿ ಪ್ರವಾಸಿಗರು ಜಮ್ಮು ಮತ್ತು ಕಾಶ್ಮೀರಕ್ಕೆ ೇಟಿ ನೀಡುತ್ತಿದ್ದಾರೆ.

2004ರ ಅಂತ್ಯದೊಳಗೆ ಪ್ರವಾಸಿಗರ ಸಂಖ್ಯೆ 6 ಲಕ್ಷ ಮುಟ್ಟುವ ಭರವಸೆಯನ್ನು ಜಮ್ಮು ಮತ್ತು ಕಾಶ್ಮೀರದ ಸರ್ಕಾರ ಹೊಂದಿದೆ. ಜಮ್ಮು ರಾಜ್ಯ ಪ್ರವಾಸೋದ್ಯಮ ಇಲಾಖೆ ಸಿನಿಮಾ ನಿರ್ಮಾಪಕರಿಗೂ ಬೆಂಬಲ ನೀಡುತ್ತಿದೆ. ಆ ಮೂಲಕ ಪ್ರವಾಸೋದ್ಯಮವೂ ಬೆಳೆಯುತ್ತದೆ. ಜೊತೆಗೆ ದೇಶ ದೇಶಗಳ ಜನರು ಪರಸ್ಪರ ಬೆರೆಯುವಂತಾಗಿ ಮಾನವೀಯ ಮೌಲ್ಯಗಳು ಹೆಚ್ಚುತ್ತವೆ.

ಪ್ರವಾಸಿಗರ ಸಂಖ್ಯೆ 2002 ರಲ್ಲಿ 7 ಲಕ್ಷ ದಾಟಬೇಕಿತ್ತು. ಆದರೆ ಅದು ಸಾಧ್ಯವಾಗಲಿಲ್ಲ . ಈ ಬಾರಿ ಮಾತ್ರ ಅದನ್ನು ಸಾಧಿಸಿಯೇ ಸಿದ್ಧ ಎಂದು ರಾಜ್ಯ ಪ್ರವಾಸೋದ್ಯಮ ಸಚಿವ ಜಿ.ಎ.ಮಿರ್‌ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

(ಪಿಟಿಐ)

ಮುಖಪುಟ / ವಾರ್ತೆಗಳು