ಶಾಲಾ ನಿಯಮ ಉಲ್ಲಂಘಿಸಿದ ವಿದ್ಯಾರ್ಥಿಗಳು : ಕ್ಷೌರಿಕನಾದ ಶಿಕ್ಷಕ

ಶಾಲಾ ನಿಯಮ ಉಲ್ಲಂಘಿಸಿದ ವಿದ್ಯಾರ್ಥಿಗಳು : ಕ್ಷೌರಿಕನಾದ ಶಿಕ್ಷಕ
ತುಂಟ ಮಕ್ಕಳ ಕೂದಲು ಕತ್ತರಿಸಿದ ಮೇಸ್ಟ್ರು

ಎಷ್ಟು ಬಾರಿ ಹೇಳಿದರೂ ಕೇಳದ, ತೀವ್ರ ಪ್ರತಿರೋಧ ಒಡ್ಡಿದ 12 ವಿದ್ಯಾರ್ಥಿಗಳ ತಲೆಕೂದಲನ್ನು ಶಿಕ್ಷಕರೊಬ್ಬರು ಕತ್ತರಿಸಿದ್ದಾರೆ. ಈ ಶಿಕ್ಷಕ ಪ್ರಾಂಶುಪಾಲರ ಆಜ್ಞೆಯಂತೆ ತಮ್ಮ ಕ್ಷೌರ ಮಾಡಿದ್ದಾರೆಂದು ವಿದ್ಯಾರ್ಥಿಗಳು ಪೊಲೀಸು ಠಾಣೆಗೆ ದೂರು ಸಲ್ಲಿಸಿದ್ದಾರೆ.

ಇಲ್ಲಿಯ ಸೈಂಟ್‌ ಸೋಲ್ಜರ್ಸ್‌ ಇಂಟರ್‌ ನ್ಯಾಷನಲ್‌ ಶಾಲೆಯ ಹತ್ತನೆ ತರಗತಿಯ ಈ ವಿದ್ಯಾರ್ಥಿಗಳು ಶಾಲೆಯ ನಿಯಮಾವಳಿ ಉಲ್ಲಂಘಿಸಿ ಕೂದಲು ಉದ್ದವಾಗಿ ಬೆಳೆಸಿದ್ದರು. ಅದಕ್ಕಾಗಿ ಪ್ರಾಂಶುಪಾಲರ ಆದೇಶದಂತೆ ಈ ಮಕ್ಕಳ ತಲೆ ಕೂದಲು ತುಂಡರಿಸಿದೆ ಎಂದು ದೈಹಿಕ ಶಿಕ್ಷಕ ಹೇಳಿದ್ದಾರೆ.

ಶಾಲಾ ಪ್ರಾಂಶುಪಾಲ ಸುರೇಶ್‌ ಚೌದರಿ ಹೇಳುವಂತೆ ಕೂದಲು ಕತ್ತರಿಸಿರುವುದು ತಪ್ಪು, ಆದರೆ ಮಕ್ಕಳು ಶಾಲಾ ಆದೇಶ ಪಾಲಿಸದಿದ್ದಾಗ ಹಾಗೆ ಮಾಡದೆ ಉಪಾಯವಿರಲಿಲ್ಲ ಎಂದು ನುಡಿದರು. ದೂರು ನೀಡಿದ ವಿದ್ಯಾರ್ಥಿಗಳು ಮಾಧ್ಯಮ ಮಂದಿಗೆ ಮಾತನಾಡಿಸಲು ಸಿಗಲಿಲ್ಲ. ಆದು ಸೈಂಟ್‌ ಸೋಲ್ಜರ್ಸ್‌ ಇಂಟರ್‌ ನ್ಯಾಷನಲ್‌ ಶಾಲೆ ಎಂದು ವಿದ್ಯಾರ್ಥಿಗಳಿಗೆ ತಿಳಿದಿರಲಿಲ್ಲವೇ. ಉಳಿದಿರುವ ಪ್ರಶ್ನೆ ಎಂದರೆ ಕೂದಲು ಬಿಡಲು ಇವರಿಗೆ ಮಾದರಿ ಆದವನ್ಯಾರು? ಇಲ್ಲ , ಹರಕೆ ಹೇಳಿಕೊಂಡಿದ್ದರೇ ಎಂದು ಕೇಳಲು ವಿದ್ಯಾರ್ಥಿಗಳೇ ಸಿಕ್ಕಿಲ್ಲ. ಕೂದಲು ಕಳಕೊಂಡ ವಿದ್ಯಾರ್ಥಿಗಳಿಗೆ ಅಗಲುವಿಕೆಯ ವೇದನೆಯಾದರೆ, ಶಿಕ್ಷಕರು ಕ್ಷೌರ್ಯ (ಕ್ಷೌರ+ಶೌರ್ಯ ) ದಿಂದ ಬೀಗುತ್ತಿರಬಹುದು ಎಂದು ನಂಬಬಹುದೇ?

(ಪಿಟಿಐ)

ಮುಖಪುಟ / ವಾಟ್ಸ್‌ ಹಾಟ್‌