ಬಿಎಸ್‌ಎನ್‌ಎಲ್‌ನಿಂದ 70 ಮತ್ತು 150 ರು. ಪ್ರಿಪೇಯ್ಡ್‌ ಕಾರ್ಡ್‌

ಬಿಎಸ್‌ಎನ್‌ಎಲ್‌ನಿಂದ 70 ಮತ್ತು 150 ರು. ಪ್ರಿಪೇಯ್ಡ್‌ ಕಾರ್ಡ್‌
ಮಾರ್ಚ್‌ವರೆಗೆ ಸ್ಥಿರ ದೂರವಾಣಿ ಸಂಪರ್ಕಕ್ಕೆ ಸಂಪರ್ಕ ಶುಲ್ಕ ವಿನಾಯಿತಿ

ಮೊಬೈಲ್‌ ದೂರವಾಣಿಯ ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಮೊದಲಿಗನಾಗಲು ಸರ್ವ ಯತ್ನ ನಡೆಸುತ್ತಿರುವ ಭಾರತ್‌ ಸಂಚಾರ್‌ ನಿಗಮ ಲಿಮಿಟೆಡ್‌ (ಬಿಎಸ್‌ಎನ್‌ಎಲ್‌)- ಇದೀಗ 70 ಮತ್ತು 150 ರುಪಾಯಿಯ ಪೂರ್ವ ಪಾವತಿ ಕಾರ್ಡ್‌ಗಳನ್ನು ಪರಿಚಯಿಸಿದೆ.

70 ರುಪಾಯಿ ಪೂರ್ವ ಪಾವತಿ ಕಾರ್ಡ್‌ ಪಡೆದವರು 38 ರುಪಾಯಿಯ ಟಾಕ್‌ಟೈಮ್‌ ಸೌಲಭ್ಯ ಹೊಂದಲಿದ್ದು , ಈ ಕಾರ್ಡ್‌ನ ಅವಧಿ 7 ದಿನಗಳು ಮಾತ್ರ. 150 ರುಪಾಯಿನ ಕಾರ್ಡ್‌ನ ಅವಧಿ 15 ದಿನಗಳಾಗಿದ್ದು , ಈ ಕಾರ್ಡ್‌ನ ಗ್ರಾಹಕರು 85 ರುಪಾಯಿ ಟಾಕ್‌ಟೈಂ ಸೌಲಭ್ಯ ಹೊಂದಲಿದ್ದಾರೆ ಎಂದು ಬಿಎಸ್‌ಎನ್‌ಎಲ್‌ನ ಹಿರಿಯ ಅಧಿಕಾರಿ ಎಂ.ಸಿ.ಕಲ್ಕುರಾ ತಿಳಿಸಿದ್ದಾರೆ.

ಬಿಎಸ್‌ಎನ್‌ಎಲ್‌ ತನ್ನ ದೂರವಾಣಿ ಸೇವೆಗಳಲ್ಲಿ ಎರಡು ಮುಖ್ಯ ಸೌಲಭ್ಯಗಳನ್ನು ಒದಗಿಸಿದೆ. ಅವುಗಳೆಂದರೆ-

• ಫೆ.1ರಿಂದಲೇ ಜಾರಿಯಾಗಿರುವಂತೆ ಎಸ್‌ಎಂಎಸ್‌ ಸಂದೇಶಗಳ ದರವನ್ನು 60 ಪೈಸೆಯಿಂದ 40 ಪೈಸೆಗೆ ಇಳಿಕೆ.
• 2004ರ ಮಾರ್ಚ್‌ವರೆಗೆ ಹೊಸ ಸ್ಥಿರ ದೂರವಾಣಿ ಸಂಪರ್ಕವನ್ನು ಪಡೆಯಲು ಬಯಸುವವರಿಗೆ ಸಂಪರ್ಕ ಶುಲ್ಕದಿಂದ ವಿನಾಯಿತಿ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು