ದೇವೇಗೌಡರ ಆಸ್ತಿ 50 ಕೋಟಿ ! ಅದು ಬಂದುದಾದರೂ ಹೇಗೆ?

ದೇವೇಗೌಡರ ಆಸ್ತಿ 50 ಕೋಟಿ ! ಅದು ಬಂದುದಾದರೂ ಹೇಗೆ?
ರಾಜಕಾರಣಿಗಳ ಆದಾಯದ ಹುಟ್ಟಿಗೆ ವಿಜಯ್‌ಮಲ್ಯ ಕಲ್ಲು

ಸ್ವಯಂ ಆಸ್ತಿ ಘೋಷಣೆಯಡಿಯಲ್ಲಿ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ ಅವರು ತಮಗೆ 50 ಕೋಟಿ ರುಪಾಯಿ ಆದಾಯ ಇರುವುದಾಗಿ ಹೇಳಿದ್ದಾರೆ. ಅವರಿಗೆ ಇಷ್ಟೊಂದು ಆದಾಯ ಇರುವುದಾದರೂ ಹೇಗೆ ? ಆದಾಯದ ಮೂಲಗಳು ಯಾವುವು ?

ದೇವೇಗೌಡರ ಆದಾಯದ ಹುಟ್ಟಿಗೆ ಕಲ್ಲೆಸೆದದ್ದು ಜನತಾ ಪಕ್ಷದ ಅಧ್ಯಕ್ಷ ವಿಜಯ್‌ ಮಲ್ಯ.

ನಾನೊಬ್ಬ ವ್ಯಾಪಾರಿ, ಉದ್ದಿಮೆದಾರ. ನನ್ನ ಬಳಿ ದುಡ್ಡಿದೆ. ಅದರ ಲೆಕ್ಕವೂ ನನ್ನಲ್ಲಿದೆ. ಆದರೆ ರಾಜಕಾರಣಿಯಾದ ದೇವೇಗೌಡರ ಬಳಿ 50 ಕೋಟಿ ರುಪಾಯಿ ಬರುವುದಾದರೂ ಹೇಗೆ ಎಂದು ವಿಜಯ್‌ ಮಲ್ಯ ಪ್ರಶ್ನಿಸಿದರು. ನೆಹರೂ ಮೈದಾನದಲ್ಲಿ ನಡೆದ (ಜ.5, ಸೋಮವಾರ) ಬೃಹತ್‌ ಸಭೆಯನ್ನು ಉದ್ದೇಶಿಸಿ ಮಲ್ಯ ಮಾತನಾಡುತ್ತಿದ್ದರು.

ನನ್ನ ಬಳಿ ಇರುವುದು ಕೇವಲ ಮದ್ಯದ ಕಂಪನಿಗಳು ಮಾತ್ರವಲ್ಲ , ಮಂಗಳ ರಸಗೊಬ್ಬರದ ಕಂಪನಿಯೂ ನನ್ನಲ್ಲಿದೆ. ಆದರೆ, ನನ್ನ ಟೀಕಾಕಾರರಿಗೆ ನನ್ನ ಬಳಿಯಿರುವ ಮದ್ಯದ ಕಂಪನಿಗಳ ಪರಿಚಯ ಮಾತ್ರವಿದೆ. ಭ್ರಷ್ಟಾಚಾರದ ಬಗ್ಗೆ ಮಾತನಾಡುವ ರಾಜಕಾರಣಿಗಳು ತಮ್ಮ ಆದಾಯದ ಮೂಲವನ್ನು ಬಹಿರಂಗಪಡಿಸಬೇಕು ಎಂದು ಮಲ್ಯ ವ್ಯಂಗ್ಯವಾಗಿ ನುಡಿದರು.

ದೇವರು ನನಗೆ ದುಡ್ಡು ಕೊಟ್ಟಿದ್ದು , ಆ ದುಡ್ಡನ್ನು ಜನರ ಸೇವೆಗೆ ಖರ್ಚು ಮಾಡುತ್ತೇನೆ. ಸಂಸದರ ನಿಧಿಗೆ ಸರ್ಕಾರದಿಂದ ದೊರೆಯುವ 2 ಕೋಟಿ ರುಪಾಯಿ ನನ್ನ ಜೇಬಿಂದ 2 ಕೋಟಿ ರುಪಾಯಿ ಹಾಕಿ ಜನರ ಸೇವೆಗೆ ಖರ್ಚು ಮಾಡುವುದಾಗಿ ಮಲ್ಯ ಹೇಳಿದಧಿರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು