ನ.14ರಿಂದ ಪುತ್ತೂರು-ಮಂಗಳೂರು ನಡುವೆ ರೈಲುಯಾನ ಶುರು

ನ.14ರಿಂದ ಪುತ್ತೂರು-ಮಂಗಳೂರು ನಡುವೆ ರೈಲುಯಾನ ಶುರು
ಬಡವಾಗಲಿರುವ ಖಾಸಗಿ ಬಸ್ಸುಗಳ ಭರಾಟೆ

ಮಂಗಳೂರು- ಪುತ್ತೂರು ನಡುವಿನ ಬ್ರಾಡ್‌ಗೇಜ್‌ ರೈಲು ಮಾರ್ಗದ ಮೇಲೆ ನವೆಂಬರ್‌ 14ರಿಂದ ರೈಲು ಯಾನ ಆರಂಭವಾಗಲಿದೆ.

ಪುತ್ತೂರು-ಮಂಗಳೂರು ಬ್ರಾಡ್‌ಗೇಜ್‌ ರೈಲ್ವೇ ಮಾರ್ಗದ ಅಂತಿಮ ಹಂತದ ಕಾಮಗಾರಿಗಳು ಭರದಿಂದ ಸಾಗುತ್ತಿವೆ. ಪುತ್ತೂರು ಸುಬ್ರಹ್ಮಣ್ಯ ರಸ್ತೆ ನಡುವಿನ ಅರ್ಥ್‌ವರ್ಕ್‌ ಸಂಪೂರ್ಣಗೊಂಡಿದೆ. ಇನ್ನೊಂದು ತಿಂಗಳೊಳಗೆ ರೈಲುಯಾನ ಶುರುವಾಗುವುದರೊಂದಿಗೆ ಮಂಗಳೂರು- ಪುತ್ತೂರು ನಡುವೆ ತೀವ್ರ ಸ್ಪರ್ಧಾತ್ಮಕವಾಗಿ ಓಡುತ್ತಿರುವ ಖಾಸಗಿ ಬಸ್ಸುಗಳ ಭರಾಟೆ ಕಡಿಮೆಯಾಗಲಿದೆ.

ಕಳೆದ 9 ವರ್ಷಗಳಿಂದ ಸುಬ್ರಹ್ಮಣ್ಯ ರಸ್ತೆ- ಪುತ್ತೂರು- ಮಂಗಳೂರು ನಡುವಿನ ಓಡಾಟ ಸ್ಥಗಿತಗೊಂಡಿತ್ತು. ನಾಲ್ಕು ವರ್ಷದ ಹಿಂದೆಯೇ ಮುಗಿಯಬೇಕಾಗಿದ್ದ ರೈಲ್ವೇ ಕಾಮಗಾರಿ ಕೇಂದ್ರ ಸಚಿವ ಬಸನಗೌಡ ಪಾಟೀಲ್‌ ಯತ್ನಾಳ್‌ ಅವರ ಕಟ್ಟುನಿಟ್ಟಿನ ಸೂಚನೆಯ ಮೇರೆಗೆ ಈ ಬಾರಿ ಪೂರ್ಣಗೊಳ್ಳುತ್ತಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು