• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಚುನಾವಣೆ ಖರ್ಚಿಗಾಗಿ ಡೇಟಿಂಗ್‌ !

By Staff
|

ಚುನಾವಣೆ ಖರ್ಚಿಗಾಗಿ ಡೇಟಿಂಗ್‌ !

ರಾಜಕೀಯವನ್ನೇ ಉಸಿರಾಡುವ ಹದಿನಾರಾಣೆ ರಾಜಕಾರಣಿಗಳಿಗೆ ಬಣ್ಣದ ಮಂದಿ ಸೆಡ್ಡು ಹೊಡೆದಿದ್ದಾರೆ. ಮೈಮೇಲೆ ಬಟ್ಟೆ ನಿಲ್ಲದ ಸಿನಿಮಾ ನಟಿಯಾಬ್ಬಳು ಸ್ಪರ್ಧಿಸುವುದರೊಂದಿಗೆ ಕ್ಯಾಲಿಫೋರ್ನಿಯ ಗವರ್ನರ್‌ ಚುನಾವಣೆ ಬಣ್ಣಗಳು ಗಾಢವಾಗಿವೆ. ಆಕೆಯ ಬಂಡವಾಳವಾದರೂ ಏನು ಗೊತ್ತಾ ?

*ದಟ್ಸ್‌ಕನ್ನಡ ಬ್ಯೂರೊ

Mary Carey‘ನೋ ಸೆಕ್ಸ್‌ ಪ್ಲೀಸ್‌ ! ಇದು ರಾಜಕೀಯ !!’

ಯುದ್ಧದಲ್ಲಿ ರಾಜಕಾರಣದಲ್ಲಿ ಹಾಗೂ ವ್ಯಾಪಾರದಲ್ಲಿ ಎಲ್ಲವೂ ಸಹ್ಯವೇ; ಪ್ರತಿಯಾಂದು ನ್ಯಾಯವೇ- ಎನ್ನುವುದಕ್ಕೆ ಗೀತಾಚಾರ್ಯ ಕೃಷ್ಣ , ಕುಟಿಲೋಪಾಯಗಳ ಚಾಣಕ್ಯ, ಉಡದ ಪಟ್ಟಿನ ದೇವೇಗೌಡ-ಹೆಗಡೆ ತನಕ ಉದಾಹರಣೆಗಳಿರುವಾಗ ಈಯಮ್ಮ ರಾಜಕಾರಣವನ್ನು ಮುಂದಿಟ್ಟುಕೊಂಡು ‘ನೋ ಸೆಕ್ಸ್‌ ಪ್ಲೀಸ್‌’ ಎನ್ನುತ್ತಿದ್ದಾಳೆ.

ಈಕೆಯ ಹೆಸರು ಮೇರಿ ಕ್ಯಾರಿ (Mary Carey). ಪ್ರಸ್ತುತ ರಾಜಕಾರಣದ ಹುಚ್ಚು ಹಚ್ಚಿಸಿಕೊಂಡಿರುವ ಮೇರಿಯ ಅಸಲೀ ಹುಚ್ಚು ಸಿನಿಮಾ. ಆಕೆ ಪೋಲಿ ಚಿತ್ರಗಳ ನಾಯಕಿ ಎಂದೇ ಹೆಸರಾದವಳು. ಈ ಪರಿಯ ನಟಿ ಈಗ ಚುನಾವಣೆಗೆ ನಿಂತಿದ್ದಾಳೆ. ಕ್ಯಾಲಿಫೋರ್ನಿಯ ಗವರ್ನರ್‌ ಪದಕ್ಕೆ ಸ್ಪರ್ಧಿಸಿರುವ 135 ಹುರಿಯಾಳುಗಳಲ್ಲಿ ಮೇರಿಯೂ ಒಬ್ಬಳು. ಆಕೆಯ ಸ್ಪರ್ಧೆಯಿಂದ ಚುನಾವಣೆಗೆ ರಂಗು ಬಂದಿದೆ.

ಈ ಬಾರಿಯ ಕ್ಯಾಲಿಫೋರ್ನಿಯ ಗವರ್ನರ್‌ ಚುನಾವಣೆ ಭಾರೀ ಸುದ್ದಿಯಲ್ಲಿದೆ. ಜನಪ್ರಿಯ ಹಾಲಿವುಡ್‌ ನಟ ‘ಶಿವಾಜಿನಗರ್‌’ ಅರ್ಥಾತ್‌ ಆರ್ನಾಲ್ಡ್‌ ಶ್ವಾಸನೇಗರ್‌ (Arnold Schwarzenegger) ಕೂಡ ಚುನಾವಣೆಯ ಓರ್ವ ಸ್ಪರ್ಧಿ. ‘ಟರ್ಮಿನೇಟರ್‌’ ಸರಣಿ ಚಿತ್ರಗಳ ಖ್ಯಾತಿಯ ವೀರಾಧಿವೀರ ಶ್ವಾಸನೇಗರ್‌ ; ಇನ್ನೊಂದೆಡೆ ದೇಹವನ್ನೇ ಬಂಡಾಳವಗಿಸಿಕೊಂಡಿರುವ ಮೇರಿ. ಶೌರ್ಯ ಹಾಗೂ ಸೌಂದರ್ಯ. ನಿಮ್ಮ ಓಟು ಯಾರಿಗಯ್ಯಾ ?

ಚುನಾವಣೆ ಅಂದರೆ ತಮಾಷೆಯಾ ? ಭಾರತದ ಚುನಾವಣೆಗಳ ರೀತಿ- ಸಂಜೆಗತ್ತಲಲ್ಲಿ ಸಾರಾಯಿ ಪಾಕೀಟು ಹಂಚುವುದು, ಬಾಡೂಟ ಹಾಕುವುದು, ಮೂಗುನತ್ತು - ಸೀರೆ- ಹಸಿರು ನೋಟು ಹಂಚುವುದು, ಇಂಥದ್ದಕ್ಕೆಲ್ಲಾ ಅಮೆರಿಕದಲ್ಲಿ ಆಸ್ಪದವಿಲ್ಲದಿರಬಹುದು. ಆದರೂ ಚುನಾವಣೆ ಎಂದರೆ ದುಡ್ಡು ಬೇಡವಾ ! ಪ್ರಚಾರ, ಓಡಾಟ... ಖರ್ಚಿನ ಬಾಬತ್ತು ಒಂದೇ ಎರಡೇ !

ಶಿವಾಜಿನಗರ್‌ ಮಾತು ಬಿಡಿ. ಆತನ ಬಳಿ ಕೊಳೆಯುವಷ್ಟು ದುಡ್ಡಿದೆ. ಆದರೆ ಈ ನಾರೀಮಣಿ ಮೇರಿ ಬಳಿ ಚುನಾವಣೆಗೆ ಸ್ಪರ್ಧಿಸುವಷ್ಟು ದುಡ್ಡಿಲ್ಲವಂತೆ. ದೇಣಿಗೆ ಕೇಳಿದರೆ ದುಡ್ಡು ಹುಟ್ಟುವುದು ಅನುಮಾನ. ರಾಜಕೀಯದಲ್ಲಿ ಎಳೆನಿಂಬೆಯಂಥ ಹಾಗೂ ಸ್ಪಷ್ಟವಾದೊಂದು ರಾಜಕೀಯ ನಿಲುವು ಇಲ್ಲದಿರುವ ಹೆಣ್ಣಿಗೆ ಯಾರು ದೇಣಿಗೆ ಕೊಟ್ಟಾರು ? ಹಾಗೆಂದು ಮೈಮುದುರಿ ಮೂಲೆಯಲ್ಲಿ ಕೂರಲಾದೀತೆ ? ದುಡ್ಡು ಸಂಗ್ರಹಿಸಲು ಮೇರಿಗೊಂದು ಐಡಿಯಾ ಬಂದಿದೆ. ಅದು ಏನಪ್ಪಾ ಅಂದರೆ- ಡೇಟಿಂಗ್‌! ಯಾರೂ ಬೇಕಾದರೂ ಆಗಿರಬಹುದು ; ದುಡ್ಡು ಕೊಡುವಂತ ಥೈಲಿವಾಲಾಗಳನ್ನು ಮೇರಿ ಡೇಟಿಂಗ್‌ಗೆ ಆಹ್ವಾನಿಸಿದ್ದಾಳೆ.

ಡೇಟಿಂಗ್‌ ಅಂದಾಕ್ಷಣ ಸೆಕ್ಸ್‌ ಎಂದೇನೂ ಭಾವಿಸಬೇಕಿಲ್ಲ . ಮೇರಿ ಮುಂದಿಟ್ಟಿರುವ ಡೇಟಿಂಗ್‌ ಮೆನುವಿನಲ್ಲಿರುವುದು ಊಟ ಜೊತೆಗಿಷ್ಟು ಹರಟೆ, ಅಷ್ಟೇ. ಇಷ್ಟಕ್ಕೆ ತೆರಬೇಕಾದ ಬಾಬತ್ತು 5 ಸಾವಿರ ಡಾಲರ್‌ ಹಾಗೂ ಅದಕ್ಕೂ ಹೆಚ್ಚು .

‘ನನಗೆ ಯಾವ ಪ್ರಬಲ ರಾಜಕೀಯ ಪಕ್ಷದ ಬೆನ್ನುಲುಬೂ ಇಲ್ಲ . ಆ ಕಾರಣದಿಂದಲೇ ಅಸಾಂಪ್ರಾದಾಯಿಕ ಮಾರ್ಗಗಳಿಂದ ಚುನಾವಣೆಗೆ ದುಡ್ಡು ಸಂಗ್ರಹಿಸುತ್ತಿದ್ದೇನೆ’ ಎಂದು ಹೇಳಿಕೆಯಾಂದರಲ್ಲಿ ಮೇರಿ ತಿಳಿಸಿದ್ದಾಳೆ.

ಚುನಾವಣೆಯ ಸ್ಪರ್ಧೆಯನ್ನಂತೂ ಮೇರಿ ಗಂಭೀರವಾಗಿ ಪರಿಗಣಿಸಿದ್ದಾಳೆ. ಅಂದಹಾಗೆ, ಆಕೆಯ ಡೇಟಿಂಗ್‌ ಆಹ್ವಾನಕ್ಕೆ ಪ್ರತಿಕ್ರಿಯೆಗಳು ಬಂದಿವೆಯಾ ? ಬರುತ್ತಿವೆಯಾ ? ವಿವರಗಳು ಹೊರಬಿದ್ದಿಲ್ಲ . ಮೇರಿ ತುಂಬಾ ಬಿಜಿ !

ಕ್ಯಾಲಿಫೋರ್ನಿಯಾ ಮತದಾರರ ಮುಂದಂತೂ ಸಾಕಷ್ಟು ಆಯ್ಕೆಗಳಿವೆ. ಅಪ್ಪಿತಪ್ಪಿ ಮೇರಿಯೇನಾದರೂ ಆಯ್ಕೆಯಾದಲ್ಲಿ ಆಕೆಯ ರಾಜಕೀಯ ಆದ್ಯತೆಗಳು ಏನೇನಿರಬಹುದು... ?

ಶಾಂತಂ ಪಾಪಂ !

Post your views

ಪೂರಕ ಓದಿಗೆ-

ಶಿವಾಜಿನಗರ್‌ ಗದ್ದಲ ಅಮೆರಿಕನ್ನಡದ ಧ್ಯಾನ !

ಮುಖಪುಟ / ವಾರ್ತೆಗಳು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more