ಇಂಜಿನಿಯರಿಂಗ್‌ ಶಿಕ್ಷಣ : ಆರ್‌.ವಿ. ಕಾಲೇಜಿಗೆ ನಂ.1 ಕಿರೀಟ

ಇಂಜಿನಿಯರಿಂಗ್‌ ಶಿಕ್ಷಣ : ಆರ್‌.ವಿ. ಕಾಲೇಜಿಗೆ ನಂ.1 ಕಿರೀಟ
ಐಟಿ ಶಿಕ್ಷಣ ಮಂಡಳಿಯ ಕ್ವಾಲಿಟಿ ಇಂಡೆಕ್ಸ್‌ನಿಂದ ಪ್ರಮಾಣ ಪತ್ರ

ಇಂಜಿನಿಯರಿಂಗ್‌ ಶಿಕ್ಷಣದ ಗುಣಮಟ್ಟದಲ್ಲಿ ಅಗ್ರಸ್ಥಾನವನ್ನು ಸಾಧಿಸಿರುವ ನಗರದ ನಗರದ ರಾಷ್ಟ್ರೀಯ ವಿದ್ಯಾಲಯ (ಆರ್‌. ವಿ. ) ಇಂಜಿನಿಯರಿಂಗ್‌ ಕಾಲೇಜು ರಾಜ್ಯದಲ್ಲೇ ಅತ್ಯುತ್ತಮ ಇಂಜಿನಿಯರಿಂಗ್‌ ಶಿಕ್ಷಣವನ್ನು ನೀಡುವ ಕಾಲೇಜಾಗಿ ಹೊರಹೊಮ್ಮಿದೆ, ಕಂಪ್ಯೂಟರ್‌, ಇಲೆಕ್ಟ್ರಾನಿಕ್ಸ್‌, ಸಂವಹನ ಮತ್ತು ಮಾಹಿತಿ ವಿಜ್ಞಾನ ವಿಭಾಗಗಳ ಶಿಕ್ಷಣದಲ್ಲಿ ಆರ್‌.ವಿ. ಇಂಜಿನಿಯರಿಂಗ್‌ ಕಾಲೇಜು ರಾಜ್ಯದಲ್ಲೇ ನಂಬರ್‌ 1 ಸ್ಥಾನ ಪಡೆದಿದೆ. ಐಟಿ ಶಿಕ್ಷಣ ಮಂಡಳಿಯ ಕ್ವಾಲಿಟಿ ಇಂಡೆಕ್ಸ್‌- 2003 ಆರ್‌.ವಿ. ಕಾಲೇಜಿಗೆ ಈ ಪ್ರಮಾಣ ಪತ್ರ ನೀಡಿದೆ.

ಪ್ರಾಥಮಿಕ ಶಿಕ್ಷಣದಿಂದ ಮೊದಲಗೊಂಡು ವಿವಿಧ ಕ್ಷೇತ್ರದಲ್ಲಿ ಉನ್ನತ ಶಿಕ್ಷಣವನ್ನು ಒದಗಿಸುತ್ತಿರುವ ರಾಷ್ಟ್ರೀಯ ವಿದ್ಯಾಲಯಕ್ಕೆ ನಂಬರ್‌ ವನ್‌ ಸ್ಥಾನ ಲಭಿಸಿದ್ದರೆ, ನಗರದ ಪಿ. ಇ. ಎಸ್‌. ಕಾಲೇಜು ತನ್ನ ಎರಡನೇ ಸ್ಥಾನವನ್ನು ಉಳಿಸಿಕೊಂಡಿದೆ.

ಆದರೆ ಈ ಹಿಂದಿನ ವರ್ಷಗಳಲ್ಲಿ ಮೂರನೇ ಸ್ಥಾನ ಗಳಿಸಿದ್ದ ಎಂ. ಎಸ್‌. ರಾಮಯ್ಯ ಕಾಲೇಜು ಈ ಬಾರಿ 21ನೇ ಸ್ಥಾನಕ್ಕಿಳಿದಿದೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು