• search

ಹನಿ ಮಳೆಗೇ ಬೆಂಗಳೂರಿಗೆ ಬಂತು ಡೆಂಗ್ಯೂ ಮಹಾಮಾರಿ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಹನಿ ಮಳೆಗೇ ಬೆಂಗಳೂರಿಗೆ ಬಂತು ಡೆಂಗ್ಯೂ ಮಹಾಮಾರಿ
    15 ದಿನಗಳಲ್ಲಿ 30 ಬೆಂಗಳೂರಿಗರು ಆಸ್ಪತ್ರೆಗೆ

    ಬೆಂಗಳೂರು : ಕಳೆದ ವರ್ಷ ದುರ್ಬಲವಾಗಿದ್ದ ಮುಂಗಾರಿಗೆ ಡಜನ್ನಿಗೂ ಹೆಚ್ಚು ಮಂದಿ ನಗರದಲ್ಲಿ ಡೆಂಗ್ಯೂ ಜ್ವರಕ್ಕೆ ತುತ್ತಾಗಿ ಸತ್ತರು. ಈ ವರ್ಷ ಮುಂಗಾರು ಮೋಡಗಳು ಚಂಗಿಸುತ್ತಿರುವ ಹೊತ್ತಲ್ಲೇ ಡೆಂಗ್ಯೂ ಭೀತಿ ಮತ್ತೆ ಭುಗಿಲೇಳುತ್ತಿದೆ.

    ಕಳೆದ ಹದಿನೈದು ದಿನಗಳಲ್ಲಿ 30 ಮಂದಿ ಡೆಂಗ್ಯೂ ಬಳಲಿಕೆಗೆ ಸಿಲುಕಿದ್ದಾರೆ. ಅದರಲ್ಲೂ ನಗರದ ಪಶ್ಚಿಮ ಭಾಗದ ಪಶ್ಚಿಮ ಕಾರ್ಡ್‌ ರಸ್ತೆ ಹಾಗೂ ಬಸವೇಶ್ವರ ನಗರ ಪ್ರದೇಶದಲ್ಲಿ ಡೆಂಗ್ಯೂ ಪ್ರಕರಣಗಳು ಹೆಚ್ಚಾಗಿ ವರದಿಯಾಗಿವೆ.

    ಓಡಾಡುವ ಜಾಗದಲ್ಲಿ ತೆರೆದ ಡ್ರಮ್ಮು, ಬಕೆಟ್ಟುಗಳಲ್ಲಿ ನೀರು ಸಂಗ್ರಹಿಸಿಟ್ಟು ಬಳಸಬೇಡಿ ಎಂದು ಬೆಂಗಳೂರು ಮಹಾನಗರ ಪಾಲಿಕೆ ಸಾರ್ವಜನಿಕರಲ್ಲಿ ಮನವಿ ಮಾಡಿಕೊಂಡಿದೆ. ಲೇಕ್‌ಸೈಡ್‌ ಆಸ್ಪತ್ರೆಯ ವೈದ್ಯಕೀಯ ನಿರ್ದೇಶಕ ಡಾ.ಎಚ್‌.ಪರಮೇಶ್‌ ಅವರ ಪ್ರಕಾರ- ಲೇಕ್‌ಸೈಡ್‌ ಆಸ್ಪತ್ರೆಯಲ್ಲಿರುವ ಕೇರಳ ಮೂಲದ ಅರ್ಧದಷ್ಟು ಶುಶ್ರೂಷಕಿಯರಿಗೆ ಡೆಂಗ್ಯೂ ಹರಡಿದೆ. ಅವರೆಲ್ಲ ಹೆದರಿ ತವರಿಗೆ ಓಡಿದ್ದಾರೆ. ಈ ಆಸ್ಪತ್ರೆಯಾಂದರಲ್ಲಿ ಈಗಾಗಲೇ ಸುಮಾರು 20 ಡೆಂಗ್ಯೂಪೀಡಿತರು ಚಿಕಿತ್ಸೆ ಪಡೆದಿದ್ದಾರೆ.

    ಡೆಂಗ್ಯೂ ಜ್ವರದ ಲಕ್ಷಣಗಳು-
    ಗಾಢ ಸುಡು ಜ್ವರ, ತಲೆಶೂಲೆ ಹಾಗೂ ಮೈಕೈ ನೋವು. ದಿನಗಟ್ಟಲೆ ಈ ಲಕ್ಷಣಗಳಿದ್ದಲ್ಲಿ ತಕ್ಷಣವೇ ವೈದ್ಯರ ಹತ್ತಿರ ಹೋಗಿ ತೋರಿಸಿಕೊಳ್ಳಿ. 103- 104 ಡಿಗ್ರಿ ಸೆಲ್ಷಿಯಸ್‌ನಷ್ಟು ಜ್ವರ ಎರಡು ಮೂರು ದಿನ ಇದ್ದರೆ ಡೆಂಗ್ಯೂ ಜ್ವರ ಇದೆ ಎಂದು ಅನುಮಾನಿಸಲಾಗುತ್ತದೆ. ಸಾಕಷ್ಟು ಸುಸ್ತು ಮಾಡಿಸುವ ಈ ಜ್ವರ ಇದ್ದವರಿಗೆ ಗಾಯ ಬೇಗ ಮಾಗುವುದಿಲ್ಲ. ಯಾಕೆಂದರೆ, ಪ್ಲೇಟ್‌ಲೆಟ್‌ಗಳ ಸಂಖ್ಯೆ ಇಳಿಮುಖವಾಗುತ್ತದೆ.

    (ಇನ್ಫೋ ವಾರ್ತೆ)


    ಮುಖಪುಟ / ಬೆಂಗಳೂರು ಡೈರಿ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more