• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕೃಷ್ಣ ರಾಜೀನಾಮೆಗೆ ವೀರಶೈವ ನಾಯಕರ ಒತ್ತಾಯ

By Staff
|

ಬೆಂಗಳೂರು: ಮಾಜಿ ಸಚಿವ ನಾಗಪ್ಪ ಅವರ ದಾರುಣ ಸಾವಿನ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ಎಸ್‌. ಎಂ. ಕೃಷ್ಣ ಸರಕಾರ ರಾಜೀನಾಮೆ ನೀಡಬೇಕು ಎಂದು ವೀರಶೈವ ಸಮುದಾಯದ ನಾಯಕರು ಆಗ್ರಹಿಸಿದ್ದಾರೆ.

ಸುತ್ತೂರು ಮಠದ ನಗರ ಶಾಖೆಯ ಸದನದಲ್ಲಿ ಭಾನುವಾರ ರಾತ್ರಿ ಸಭೆ ಸೇರಿದ ನಾಗಪ್ಪ ಅವರ ಹಿತೈಷಿಗಳು ಹಾಗೂ ಬೆಂಬಲಿಗರಾದ ವೀರಶೈವ ನಾಯಕರು ಡಾ.ರಾಜ್‌ ಅವರನ್ನು ವೀರಪ್ಪನ್‌ ಸೆರೆಯಿಂದ ಬಿಡಿಸಿಕೊಂಡು ಬರಲು ತೋರಿಸಿದ ಕಾಳಜಿಯನ್ನು ನಾಗಪ್ಪ ಅಪಹರಣ ಪ್ರಕರಣದಲ್ಲಿ ಸರಕಾರ ತೋರಿಲ್ಲ ಎಂದು ದೂರಿದರು. ವೀರಶೈವ ನಾಯಕರ ಸಭೆಯ ನಂತರ ಮಾಜಿ ಡಿಜಿಪಿ (ಕಾರಾಗೃಹ)ರೇವಣಸಿದ್ಧಯ್ಯ ಸಭೆಯ ಆಗ್ರಹಗಳನ್ನು ಸುದ್ದಿಗಾರರಿಗೆ ತಿಳಿಸಿದರು.

ವೀರಪ್ಪನ್‌ನಿಂದ ಬಂದ ಆರನೇ ಕೆಸೆಟ್‌ನಲ್ಲಿ ನಾಗಪ್ಪ ಅವರ ಸಾವಿನ ಬಗ್ಗೆ ಸ್ಪಷ್ಟ ಮಾಹಿತಿ ಇದ್ದರೂ ಭಾನುವಾರ ಸಂಜೆಯವರೆಗೂ ಸರಕಾರ ಯಾವುದೇ ಕ್ರಮ ಕೈಗೊಳ್ಳದೇ ನಾಗಪ್ಪ ಅವರ ಕುಟುಂಬಕ್ಕೆ ಪೊಳ್ಳು ಭರವಸೆ ನೀಡುತ್ತಲೇ ಇತ್ತು. ಕೊನೆಗೂ ನಾಗಪ್ಪ ಅವರ ಸಾವನ್ನು ಹಿರಿಯ ಪೊಲೀಸ್‌ ಅಧಿಕಾರಿಯಾಬ್ಬರು ಕುಟುಂಬಕ್ಕೆ ತಿಳಿಸಿದರು. ಪರಿಸ್ಥಿತಿ ಕೈ ಮೀರುತ್ತಿರುವಾಗಲೂ ಸರಕಾರ ಯಾವುದೇ ಕ್ಷಿಪ್ರ ಕ್ರಮಗಳನ್ನು ಕೈಗೊಳ್ಳಲಿಲ್ಲ. ಪರಿಸ್ಥಿತಿಯನ್ನು ನಿಭಾಯಿಸಲು ವಿಫಲವಾದ ಮುಖ್ಯಮಂತ್ರಿ ಎಸ್‌. ಎಂ. ಕೃಷ್ಣ ನೈತಿಕ ಹೊಣೆ ಹೊತ್ತು ರಾಜೀನಾಮೆ ನೀಡಬೇಕು ಹಾಗೂ ನಾಗಪ್ಪ ಅವರ ಸಾವಿನ ತನಿಖೆಯನ್ನು ಸಿಬಿಐಗೆ ಒಪ್ಪಿಸಬೇಕು ಎಂದು ರೇವಣ ಸಿದ್ಧಯ್ಯ ಹೇಳಿದರು.

ಕೃಷ್ಣ ಸರಕಾರ ರಾಜೀನಾಮೆಗೆ ಬಿಜೆಪಿ ಆಗ್ರಹ

ಈ ನಡುವೆ ನಾಗಪ್ಪ ಅವರ ದಾರುಣ ಅಂತ್ಯಕ್ಕೆ ಮುಖ್ಯಮಂತ್ರಿ ಎಸ್‌. ಎಂ. ಕೃಷ್ಣ ಸರಕಾರವೇ ಮುಖ್ಯ ಕಾರಣವಾಗಿದ್ದು ನೈತಿಕ ಜವಾಬ್ದಾರಿಯ ಮೇರೆಗೆ ಕೃಷ್ಣ ಸರಕಾರ ತಕ್ಷಣವೇ ರಾಜೀನಾಮೆ ನೀಡಬೇಕು ಎಂದು ವಿರೋಧ ಪಕ್ಷವಾದ ಬಿಜೆಪಿ ನಾಯಕರು ಆಗ್ರಹಿಸಿದ್ದಾರೆ.

ಬಿಜೆಪಿಯ ರಾಜ್ಯ ನಾಯಕ ಬಸವರಾಜ್‌ ಪಾಟೀಲ್‌ ಸೇಡಂ ಸೋಮವಾರ ಬೆಳಗ್ಗೆ ಕೃಷ್ಣ ಸರಕಾರದ ರಾಜೀನಾಮೆಗೆ ಪಟ್ಟು ಹಿಡಿದಿರುವುದಾಗಿ ಪಿಟಿಐ ವರದಿ ಮಾಡಿದೆ. ರಾಜ್‌ ಅವರನ್ನು ವೀರಪ್ಪನ್‌ ಸೆರೆಯಿಂದ ಬಿಡಿಸಿದ ತಕ್ಷಣವೇ ವೀರಪ್ಪನ್‌ನನ್ನು ಹಿಡಿಯಬೇಕಿತ್ತು. ಆದರೆ ಕೃಷ್ಣ ಸರಕಾರ ಆ ಬಗ್ಗೆ ಹೆಚ್ಚಿನ ಗಮನವನ್ನೇ ಹರಿಸಲಿಲ್ಲ. ಸರಕಾರಕ್ಕೆ ನೈತಿಕತೆ ಎಂಬುದೇನಾದರೂ ಉಳಿದಿದ್ದರೆ ಈಗ ಆಗಿರುವ ಅನಾಹುತದ ಜವಾಬ್ದಾರಿಗಳನ್ನೂ ಹೊತ್ತು ರಾಜೀನಾಮೆ ನೀಡಲಿ ಎಂದು ಸೇಡಂ ಕಟುವಾಗಿ ಟೀಕಿಸಿದ್ದಾರೆ.

(ಏಜೆನ್ಸೀಸ್‌)

ಮುಖಪುಟ / ವೀರಪ್ಪನ್‌ ಶಿಕಾರಿ

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X