ಯುದ್ಧಕ್ಕೆ ಹೊಸ ತಿರುವು; ಮುಲ್ಲಾ ಮೊಹಮದ್ ಒಮರ್ ಬಂಧನ
ಲಂಡನ್: ತಾಲಿಬಾನ್ ಪ್ರಮುಖ ಮುಲ್ಲಾ ಮೊಹಮ್ಮದ್ ಒಮರ್ ಶುಕ್ರವಾರ ರಾತ್ರಿ ಬಂಧನಕ್ಕೊಳಗಾಗಿದ್ದಾನೆ ಎಂದು ಬ್ರಿಟಿಷ್ ಮಾಧ್ಯಮ ವರದಿ ಮಾಡಿದೆ. ಮುಲ್ಲಾ ಒಮರ್ನನ್ನು ಕಂದಹಾರ್ ಬಳಿ ಬಂಧಿಸಲಾಗಿದ್ದು, ಪುಷ್ಟೂನ್ ಪಡೆಗಳ ನಾಯಕ ಖಾಲಿದ್ ಪುಷ್ತೂನ್ನ ಕಸ್ಟಡಿಯಲ್ಲಿ ಆತ ಸುರಕ್ಷಿತವಾಗಿರುವುದಾಗಿ ಕಂದಹಾರ್ ಕಮಾಂಡರ್ ಹಾಗೂ ಬಾತ್ಮೀದಾರ ಗುಲ್ಅಘಾ ಶೇರ್ಝಾೖ ಅವರ ಮಾತುಗಳನ್ನು ಉಲ್ಲೇಖಿಸಿ ದಿ ಟೈಮ್ಸ್ ಪತ್ರಿಕೆ ವರದಿ ಮಾಡಿದೆ.
ಮುಲ್ಲಾ ಒಮರ್ನ್ನು ಅಫ್ಘಾನ್ನಲ್ಲಿ ಹಮಿದ್ ಕರಜಾಯ್ ನೇತೃತ್ವದಲ್ಲಿ ಹೊಸದಾಗಿ ರಚನೆಯಾಗಲಿರುವ ಮಧ್ಯಂತರ ಸರಕಾರಕ್ಕೆ ಒಪ್ಪಿಸುವಂತೆ ಖಾಲಿದ್ ಪುಷ್ತೂನ್ಬಳಿ ಕೇಳಿಕೊಳ್ಳುವುದಾಗಿ ಶೇರ್ಝಾೖ ಹೇಳಿದ್ದಾರೆ. ಒಮರ್ನನ್ನು ಸ್ನೇಹಮಯ ವಾತಾವರಣದಲ್ಲಿಯೇ ಇರಿಸಿಕೊಳ್ಳಲಾಗಿದ್ದು, ಆತನ ಜೊತೆಗೆ ಇತರ ಸುಮಾರು ಸಾವಿರ ಮಂದಿ ತಾಲಿಬಾನಿಗಳನ್ನೂ ಬಂಧಿಸಲಾಗಿದೆ ಎಂದು ಇಲ್ಲಿನ ಚಾನೆಲ್ 4 ಟಿವಿ ವರದಿ ಮಾಡಿದೆ.
ಒಮರ್ನ ಬಂಧನ , ಯುದ್ಧದ ಪ್ರಮುಖ ಬೆಳವಣಿಗೆಯಾಗಿದೆ. ಆದರೆ ಮುಂದಿನ ಪರಿಣಾಮಗಳನ್ನು ಗಮನಿಸಿಕೊಂಡು ಅಮೆರಿಕನ್ ವಿಶೇಷ ಯುದ್ಧಪಡೆಯು ಕಾರ್ಯಗತಿಗಳ ಬಗ್ಗೆ ಯೋಜನೆಗಳನ್ನು ರೂಪಿಸಲಾಗುವುದು ಎಂದು ಪೆಂಟಗನ್ ಅಧಿಕಾರಿಗಳು ಹೇಳಿದ್ದಾರೆ.
(ಪಿಟಿಐ)
ಮುಖಪುಟ / ‘ಆಪರೇಷನ್ ಎಂಡ್ಯೂರಿಂಗ್ ಫ್ರೀಡಂ’