ಮಡಿಕೇರಿ: ಪೋಲಿಯೋ ಹನಿ ಹಾಕಿಸಿಕೊಂಡ ಮಕ್ಕಳಿಗೆ ವಾಂತಿಭೇದಿ

ಮಡಿಕೇರಿ: ನಗರದಲ್ಲಿ ಪಲ್ಸ್‌ ಪೋಲಿಯೋ ಹನಿ ಹಾಕಿಸಿಕೊಂಡ ಐದುವರ್ಷದೊಳಗಿನ ಪುಟ್ಟಮಕ್ಕಳು ವಾಂತಿ, ಭೇದಿಯಿಂದ ಅಸ್ವಸ್ಥರಾಗಿದ್ದಾರೆ.

ಮಡಿಕೇರಿ ನಗರದಲ್ಲಿ ಕಳೆದ ಡಿಸೆಂಬರ್‌ 2ರಂದು ಪೋಲಿಯೋ ಹನಿ ಹಾಕಿಸಿಕೊಂಡ ನೂರಾರು ಮಕ್ಕಳು ವಾಂತಿಭೇದಿಯಿಂದ ಬಳಲುತ್ತಿದ್ದಾರೆ. ಆದರೆ ಪೋಲಿಯೋ ಹನಿಯಿಂದಲೇ ಈ ಅನಾಹುತವಾಗಿದೆಯೋ ಅಥವಾ ಕಲುಷಿತ ಆಹಾರದಿಂದ ಈ ಸಮಸ್ಯೆಯುಂಟಾಗಿದೆಯೋ ಎಂಬುದು ಇನ್ನೂ ಗೊತ್ತಾಗಿಲ್ಲ ಎಂದು ನಗರದ ವೈದ್ಯರು ಹೇಳಿದ್ದಾರೆ.

ಆದರೆ ನಗರದ ನಿವಾಸಿಗಳು, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಇಲಾಖೆಯ ವೈದ್ಯಾಧಿಕಾರಿಗಳು ತೀರಾ ನಿರ್ಲ್ಯಕ್ಷ್ಯ ತಾಳಿದ್ದಾರೆ ಎಂದು ದೂರುತ್ತಿದ್ದಾರೆ.

ಈ ಬಗ್ಗೆ ಮಡಿಕೇರಿ ನಗರದ ಪುರಸಭಾ ಸದಸ್ಯರು, ಜಿಲ್ಲಾ ಆಸ್ಪತ್ರೆ ಸರ್ಜನ್‌, ಡಿ.ಎಚ್‌.ಓ. ಅಧಿಕಾರಿಗಳಿಗೆ ಈಗಾಗಲೇ ದೂರು ನೀಡಲಾಗಿದೆ ಎಂದು ಪುರಸಭೆಯ ಸದಸ್ಯ ಟಿ.ಎಂ. ಅಯ್ಯಪ್ಪ ತಿಳಿಸಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...