ಸ್ವಯಂ ಘೋಷಿತ ಆಸ್ತಿ ತೆರಿಗೆ ಜಾರಿಗೆ ನಿರುದ್ಯೋಗಿ ಯುವಕರ ಬಳಕೆ

ಬೆಂಗಳೂರು: ಸ್ವಯಂ ಘೋಷಿತ ಆಸ್ತಿ ತೆರಿಗೆ ಕುರಿತು ತೆರಿಗೆದಾರರಿಗೆ ಮಾಹಿತಿ ನೀಡಲು ನಿರುದ್ಯೋಗಿ ಯುವಕರನ್ನು ಬಳಸಿಕೊಳ್ಳಲು ಸರಕಾರ ನಿರ್ಧರಿಸಿದೆ.

ಗುರುವಾರ ಸುದ್ದಿಗೋಷ್ಠಿಯಲ್ಲಿ ನಗರಾಭಿವೃದ್ಧಿ ಸಚಿವ ಬಿ.ಬಿ. ಚಿಮ್ಮನಕಟ್ಟಿ ಈ ವಿಷಯ ತಿಳಿಸಿದರು. ಬೆಂಗಳೂರು ನಗರ ಮಾತ್ರವಲ್ಲದೆ ರಾಜ್ಯದ ಇತರ ಐದು ನಗರಗಳಲ್ಲಿ ಸ್ವಯಂಘೋಷಿತ ಆಸ್ತಿ ತೆರಿಗೆ ನೀತಿಯನ್ನು ವಿಸ್ತರಿಸಲು ಸರಕಾರ ಉದ್ದೇಶಿಸಿದೆ. 89 ಪಟ್ಟಣ ಪಂಚಾಯತ್‌, 81 ಮುನ್ಸಿಪಾಲಿಟಿ ಮತ್ತು 40 ಪುರಸಭೆಗಳಲ್ಲಿ 32 ಸಾವಿರ ಆಸ್ತಿ ಮಾಲಿಕರನ್ನು ಈ ಆಸ್ತಿ ತೆರಿಗೆ ಕಾಯ್ದೆಯಡಿ ಗುರುತಿಸಲಾಗುವುದು.

ಸ್ವಯಂ ಘೋಷಿತ ಆಸ್ತಿ ತೆರಿಗೆಯ ಬಗ್ಗೆ ಸಮಗ್ರ ಮಾಹಿತಿ ನೀಡಬಲ್ಲ ನಿರುದ್ಯೋಗಿ ಯುವಕರು ಆಸ್ತಿ ತೆರಿಗೆ ನೀಡಬೇಕಾದ ಮಾಲಿಕರಿಗೆ ಈ ಯೋಜನೆಯ ಬಗ್ಗೆ ವಿವರಿಸುತ್ತಾರೆ. ಅರ್ಜಿ ಭರ್ತಿ ಮಾಡುವುದು, ಅರ್ಜಿ ನಮೂನೆಗಳನ್ನು ನಿರ್ವಹಿಸುವ ಬಗ್ಗೆ ಮಾಲಿಕರಿಗೆ ಅವರು ಮಾರ್ಗದರ್ಶನ ಮಾಡುವರು. ಆಸ್ತಿ ತೆರಿಗೆ ಸಂಗ್ರಹಣೆಗೂ ಈ ಯುವಕರನ್ನು ಬಳಸಿಕೊಳ್ಳಲಾಗುವುದು. ಆದರೆ ಅವರು ಸಂಗ್ರಹಿಸುವ ತೆರಿಗೆ ಸ ಅರ್ಜಿಯಾಂದಕ್ಕೆ 25ರೂಗಿಂತ ಜಾಸ್ತಿಯಿರಬಾರದು ಎಂದು ಚಿಮ್ಮನಕಟ್ಟಿ ಹೇಳಿದರು.

(ಪಿಟಿಐ)

ಮುಖಪುಟ / ಇವತ್ತು... ಈ ಹೊತ್ತು...