ಬಂಧನ ಭೀತಿ, ನೀರೀಕ್ಷಣಾ ಜಾಮೀನಿಗೆಗೋಪಾಲ್‌ ಮನವಿ

ಬೆಂಗಳೂರು : ತಮ್ಮ ಮೇಲೆ ವಿನಾ ಕಾರಣ ಡಾ।ರಾಜ್‌ ಅಪಹರಣದ ಆರೋಪ ಹೊರಿಸಲಾಗುತ್ತಿದೆ ಎಂಬ ಕಾರಣವೊಡ್ಡಿ ನಕ್ಕೀರನ್‌ ಪತ್ರಿಕೆಯ ಸಂಪಾದಕ ಆರ್‌.ಆರ್‌.ಗೋಪಾಲ್‌ ನಿರೀಕ್ಷಣಾ ಜಾಮೀನು ಕೋರಿ ಮದ್ರಾಸ್‌ ಹೈಕೋರ್ಟ್‌ಗೆ ಗುರುವಾರ ಅರ್ಜಿ ಸಲ್ಲಿಸಿದರು. ಅರ್ಜಿಯನ್ನು ಪರಿಗಣಿಸಿದ ನ್ಯಾಯಮೂರ್ತಿ ಕನಕರಾಜ್‌ ಈ ಕುರಿತು ವಿಚಾರಣೆಯನ್ನುಶುಕ್ರ-ವಾ-ರಕ್ಕೆ ಮುಂದೂಡಿದ್ದಾರೆ.

ನಾನು ನಿರಪರಾಧಿ. ಆದರೂ ತಮಿಳುನಾಡು ಪೊಲೀಸರು ನನ್ನ ವಿರುದ್ಧ ಅಪರಾಧಿ ಪಿತೂರಿ ಹಾಗೂ ಅಪಹರಣ ಕುಮ್ಮಕ್ಕಿನ ಆರೋಪ ಹೊರಿಸಿ, ಪ್ರಕರಣ ದಾಖಲಿಸಿದ್ದಾರೆಂದು -ಹೇ-ಳಲಾಗುತ್ತಿದೆ. ಅಪರಾಧಿ ವಿಭಾಗದ ಸಿಐಡಿ ನನ್ನನ್ನು ಬಂಧಿಸುವ ಕುರಿತು ಯೋಚಿಸುತ್ತಿದೆ ಎಂದು ಅರ್ಜಿಯಲ್ಲಿ ಗೋಪಾಲ್‌ ಬರೆದಿದ್ದಾರೆ.

ತನ್ನ ಪತ್ರಿಕೆಯ ವರದಿಗಾರ ಹಾಗೂ ಈಗ ಪೊಲೀಸರ ಅತಿಥಿಯಾಗಿರುವ ಶಿವಸುಬ್ರಮಣ್ಯಂ 1993ರಲ್ಲಿ ವೀರಪ್ಪನ್‌ ಸಂದರ್ಶನ ಪಡೆದದ್ದು ಹೇಗೆ ಎಂಬುದನ್ನೂ ಅರ್ಜಿಯಲ್ಲಿ ಗೋಪಾಲ್‌ ಉಲ್ಲೇಖಿಸಿದ್ದಾರೆ. ಕರ್ನಾಟಕ ಹಾಗೂ ತಮಿಳುನಾಡು ಸರ್ಕಾರ ಕೇಳಿಕೊಂಡದ್ದಕ್ಕೆ ರಾಜ್‌ ಬಿಡುಗಡೆಯ ಸಂಧಾನಕಾರನಾಗಿ ಹೋಗಿದ್ದು ಯಾಕೆ ಎಂಬ ವಿಚಾರವೂ ಅದರಲ್ಲಿದೆ. ತಾನು ಯಾವುದೇ ತಪ್ಪೆಸಗದಿರುವ ಕಾರಣಕ್ಕೆ ನಿರೀಕ್ಷಣಾ ಜಾಮೀನು ನೀಡುವಂತೆ ಗೋಪಾಲ್‌ ಮನವಿ ಮಾಡಿಕೊಂಡಿದ್ದಾರೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ವೀರಪ್ಪನ್‌ ಶಿಕಾರಿ