ಒಸಾಮ ನಮ್ಮ ಅತಿಥಿ, ಆತನ ಬಿಟ್ಟುಕೊಡೆವು- ತಾಲಿಬಾನ್‌

ಇಸ್ಲಮಾಬಾದ್‌: ಸೆಪ್ಟಂಬರ್‌ 11 ರಂದು ಅಮೆರಿಕಾ ಮೇಲೆ ದಾಳಿ ನಡೆಸಿದ ಶಂಕಿತ ಆರೋಪಿ ಒಸಾಮ ಬಿನ್‌ ಲ್ಯಾಡೆನ್‌ನನ್ನು ಅಮೆರಿಕಾಗೆ ಒಪ್ಪಿಸುವ ಪ್ರಶ್ನೆಯೇ ಇಲ್ಲ ಎಂದು ತಾಲಿಬಾನ್‌ ಆಡಳಿತ ತನ್ನ ನಿಲುವನ್ನು ಪುನರುಚ್ಛರಿಸಿದೆ.

ಬಿನ್‌ ಲ್ಯಾಡೆನ್‌ ಹಾಗೂ ಮುಲ್ಲಾ ಮೊಹ್ಮದ್‌ ಒಮರ್‌ ಜೀವಂತರಾಗಿದ್ದು , ಸುರಕ್ಷಿತರಾಗಿದ್ದಾರೆ ಎಂದು ಕತಾರ್‌ ಮೂಲದ ಅಲ್‌-ಜಜೀರಾ ಟೆಲಿವಿಷನ್‌ಗೆ ನೀಡಿರುವ ಸಂದರ್ಶನದಲ್ಲಿ ತಾಲಿಬಾನ್‌ ವಕ್ತಾರರೊಬ್ಬರು ತಿಳಿಸಿದ್ದಾರೆ. ಲ್ಯಾಡೆನ್‌ ತಾಲಿಬಾನ್‌ ಅತಿಥಿಯಾಗಿದ್ದು , ಆತನನ್ನು ಯಾರಿಗೂ ಒಪ್ಪಿಸುವ ಮಾತೇ ಇಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.

ತಾಲಿಬಾನ್‌ ವಿರೋಧಿ ಮೈತ್ರಿಕೂಟ ಭಾರೀ ಮುನ್ನಡೆ ಸಾಧಿಸಿ- ಕಾಂದಹಾರ್‌ ಹಾಗೂ ಕಾಬೂಲ್‌ಗಳನ್ನು ತಾಲಿಬಾನ್‌ ಹಿಡಿತದಿಂದ ಬಿಡಿಸಿದ್ದರೂ, ಲಾಡೆನ್‌ ಹಾಗೂ ಒಮರ್‌ ಇನ್ನೂ ಆಪ್ಘಾನಿಸ್ತಾನದಲ್ಲೇ ಇದ್ದಾರೆಂದು ಬುಧವಾರ ತಾಲಿಬಾನ್‌ ವಕ್ತಾರರೊಬ್ಬರು ತಿಳಿಸಿದ್ದಾರೆ.

(ಏಜೆನ್ಸೀಸ್‌)

ಮುಖಪುಟ / ‘ಆಪರೇಷನ್‌ ಎಂಡ್ಯೂರಿಂಗ್‌ ಫ್ರೀಡಂ’