ಮುಂದಿನ ದಶಕದಲ್ಲಿ ಕಂಪ್ಯೂಟರ್ ಉದ್ದಿಮೆ ಮರುಹುಟ್ಟು- ಬಿಲ್ ಗೇಟ್ಸ್
ಲಾಸ್ ವೇಗಾಸ್ : ಅಕ್ಟೋಬರ್ನಲ್ಲಿ ಮಾರುಕಟ್ಟೆ ಪ್ರವೇಶಿಸಿದ ವಿಂಡೋಸ್ ಎಕ್ಸ್ಪಿ ಕಾರ್ಯ ವ್ಯವಸ್ಥೆಯ 70 ಲಕ್ಷ ಪ್ರತಿಗಳು ಬಿಕರಿಯಾಗಿವೆ. ನಿಜ, 1990ರ ದಶಕದಲ್ಲಿ ಉತ್ತುಂಗಕ್ಕೇರಿದ ಕಂಪ್ಯೂಟರ್ ತಂತ್ರಜ್ಞಾನ ಕ್ಷೇತ್ರ ಇದೀಗ ಹಿನ್ನಡೆ ಕಂಡಿದೆ. ಆದರೆ ಮುಂದಿನ ದಶಕದಲ್ಲಿ ಈ ಕ್ಷೇತ್ರ 90ರ ದಶಕದ ದುಪ್ಪಟ್ಟು ಬೆಳೆಯಲಿದೆ ಎಂದು ಕಂಪ್ಯೂಟರ್ ಉದ್ದಿಮೆಯ ದಿಗ್ಗಜ ಬಿಲ್ ಗೇಟ್ಸ್ ಅಭಿಪ್ರಾಯ ಪಟ್ಟಿದ್ದಾರೆ.
ವರ್ಷದ ಅತಿ ದೊಡ್ಡ ಕಂಪ್ಯೂಟರ್ ಇಲೆಕ್ಟ್ರಾನಿಕ್ಸ್ ಉದ್ದಿಮೆ ಮೇಳ ‘ಕಾಮ್ಡೆಕ್ಸ್ ’ನಲ್ಲಿ ಭಾನುವಾರ 15 ಸಾವಿರ ಮಂದಿಯನ್ನುದ್ದೇಶಿಸಿ ಗೇಟ್ಸ್ ಮಾತನಾಡಿದರು. 1981ರಲ್ಲಿ ಐಬಿಎಂ ತನ್ನ ಮೊದಲ ಕಂಪ್ಯೂಟರ್ ಮಾರಿದಾಗಿನಿಂದ ಈವರೆಗೆ ಕ್ಷೇತ್ರ ಇಂಥಾ ದುಸ್ಥಿತಿ ತಲುಪಿರಲಿಲ್ಲ. ಕಾಮ್ಡೆಕ್ಸ್ ಮೇಳದಲ್ಲಿ 2 ಲಕ್ಷ ಜನ ನೆರೆಯುವ ನಿರೀಕ್ಷೆಯಿತ್ತು. ಆದರೆ ಆರ್ಥಿಕ ಹಿನ್ನಡೆಯ ಕಾರಣ 50 ಸಾವಿರ ಮಂದಿ ಗೈರು. ಇಂಥಾ ಹೊತ್ತಿನಲ್ಲೂ ವಿಂಡೋಸ್ ಎಕ್ಸ್ಪಿ ಮಾರಾಟ ಈ ಹಿಂದಿನ ವಿಂಡೋಸ್ ಉತ್ಪನ್ನಗಳಿಗಿಂತ ದುಪ್ಪಟ್ಟು ಹೆಚ್ಚಿರುವುದು ಸಂತಸದ ವಿಷಯ. ಜೊತೆಗೆ ಕಂಪ್ಯೂಟರ್ ಭವಿತವ್ಯದ ಬೆಳಕೂ ಹೌದು ಎಂದರು.
(ಎಎಫ್ಪಿ)