ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಕರ್ನಾಟಕ ಕೈಗಾರಿಕೆಗಳ ಮಾಹಿತಿ ನೀಡುವ ಸಿಡಿರಾಮ್ ಬಿಡುಗಡೆ
ಬೆಂಗಳೂರು : ಕರ್ನಾಟಕ ಕೈಗಾರಿಕೆಗಳ ಸ್ಥಿತಿಗತಿಯ ವಿವರಗಳನ್ನೊಳಗೊಂಡ ಸಿಡಿರಾಮ್ ‘ಕ್ಲಿಕ್ನೆಟ್ 2001’ ಬಿಡುಗಡೆಯಾಗಿದೆ. ಕನ್ಸೋರ್ಟಿಯಮ್ ಆಫ್ ಎಲೆಕ್ಟ್ರಾನಿಕ್ ಇಂಡಸ್ಟ್ರೀಸ್ ಆಫ್ ಕರ್ನಾಟಕ (ಸಿಎಲ್ಐಸಿ) ಹೊರತಂದಿರುವ ಈ ಸಿಡಿರಾಮ್ನ ಬಿಡುಗಡೆ ಭಾನುವಾರ ರಾತ್ರಿ ಬೆಂಗಳೂರಿನಲ್ಲಿ ನೆರವೇರಿತು.
ಕರ್ನಾಟಕದ ವಿದ್ಯುನ್ಮಾನ ಅಂತರ್ಜಾಲದ ಮಾಹಿತಿಯೂ ಈ ಸಿಡಿರಾಮ್ನಲ್ಲಿ ಲಭ್ಯ. ಕ್ಲಿಕ್ ಸಂಸ್ಥೆಯ ಹಿರಿಯ ಅಧಿಕಾರಿಗಳ ಹೇಳಿಕೆಯ ಪ್ರಕಾರ ಈ ಸಿಡಿರಾಮ್ ಕರ್ನಾಟಕದ ಕೈಗಾರಿಕೆಗಳ ಬಗ್ಗೆ ಉನ್ನತಾಧ್ಯಯನ ಮಾಹಿತಿ ಹಾಗೂ ವಿವರಗಳನ್ನು ಒಳಗೊಂಡಿದೆ.
ಕ್ಲಿಕ್ನೆಟ್ 2001 ಸಿಡಿರಾಮ್ಗಳನ್ನು ವಿಶ್ವಾದ್ಯಂತ ಇರುವ ವಾಣಿಜ್ಯ ಸಂಘಟನೆಗಳು, ಸಂಸ್ಥೆಗಳು, ವಾಣಿಜ್ಯ ಮಂಡಳಿಗಳು ಹಾಗೂ ಸರಕಾರಿ- ಅರೆಸರಕಾರಿ ಸಂಸ್ಥೆಗಳಿಗೆ ಒದಗಿಸುವ ಉದ್ದೇಶ ಸಂಸ್ಥೆಗಿದೆ. ಕರ್ನಾಟಕ ಕೈಗಾರಿಕೆ ಮತ್ತು ವಾಣಿಜ್ಯ ನಿರ್ದೇಶನಾಲಯದ ಪ್ರಾಯೋಜಕತ್ವದಲ್ಲಿ ಈ ಸಿಡಿರಾಮ್ ಸಿದ್ಧಗೊಂಡಿದೆ ಎಂದು ಕ್ಲಿಕ್ ಸಂಸ್ಥೆ ಪ್ರಕಟಿಸಿದೆ.
(ಪಿ.ಟಿ.ಐ)
Comments
Story first published: Monday, November 5, 2001, 5:30 [IST]