ಮುಷರ್ರಫ್‌ ಪದಚ್ಯುತಿ ಸಂಭವ: ಸೌದಿ ರಾಜಕುಮಾರನ ಆತಂಕ

ರಂಜಾನ್‌ ಪವಿತ್ರ ಮಾಸಾಚರಣೆ ಸಂದರ್ಭದಲ್ಲೂ ಆಪ್ಘಾನಿಸ್ತಾನದ ಮೇಲೆ ಬಾಂಬ್‌ ದಾಳಿ ಮುಂದುವರಿದಲ್ಲಿ ಪಾಕಿಸ್ತಾನದ ಅಧ್ಯಕ್ಷ ಜನರಲ್‌ ಪರ್ವೇಜ್‌ ಅವರು ಪದಚ್ಯುತರಾಗುವ ಸಾಧ್ಯತೆಗಳಿವೆ ಎಂದು ಸೌದಿ ರಾಜಕುಮಾರ ಟರ್ಕಿ ಅಸ್‌-ಸುದೈರಿ ಆತಂಕ ವ್ಯಕ್ತಪಡಿಸಿದ್ದಾರೆ.

ರಂಜಾನ್‌ ತಿಂಗಳು ಬಹಳ ಮುಖ್ಯವಾದುದು. ಈ ಸಂದರ್ಭದಲ್ಲಿ ಜನರಲ್ಲಿನ ಭಾವೋದ್ರೇಕವೂ ಹೆಚ್ಚು . ಆ ಕಾರಣದಿಂದಾಗಿ ಇಸ್ಲಾಮಿಕ್‌ ಸಂಘಟನೆಗಳಿಗೆ ಹೆಚ್ಚಿನ ಬೆಂಬಲ ದೊರೆಯಲಿದ್ದು , ಕೆಲವು ಸರ್ಕಾರಗಳು ತಲೆಕೆಳಗಾಗುವ ಸಾಧ್ಯತೆಯಿದೆ ಎಂದು ರಾಜಕುಮಾರ ಟರ್ಕಿ ಹೇಳಿದ್ದಾರೆ.

ಪಾಕಿಸ್ತಾನ ಮಾತ್ರವಲ್ಲದೆ ಇಂಡೋನೇಷ್ಯಾದಲ್ಲೂ ಆಂತರಿಕ ಬದಲಾವಣೆಗಳು ಸಂಭವಿಸಬಹುದು. ಪಾಕಿಸ್ತಾನದಲ್ಲಿನ ಸಂಭವನೀಯ ನಾಗರಿಕ ಸಮರದ ಬಗೆಗೆ ನಾವು ಆತಂಕ ಹೊಂದಿದ್ದೇವೆ. ಈ ಬೆಳವಣಿಗೆಗಳು ಅತ್ಯಂತ ನಾಟಕೀಯವಾಗಿರುತ್ತವೆ ಎಂದು ಟರ್ಕಿ ತಿಳಿಸಿದ್ದಾರೆ.

(ಏಜೆನ್ಸೀಸ್‌)