• search

ಬರೀ ನಗರಿಯಲ್ಲ ಬೆಂಗಳೂರು, ಕೋಲಾದಂತೆ ಬ್ರಾಂಡ್‌ ನೇಮು-ಕೃಷ್ಣ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಬೆಂಗಳೂರು : ನಮ್ಮೂರು, ಬೆಂಗಳೂರು ಬರೀ ನಗರಿಯಲ್ಲ. ಸೋನಿ, ಮರ್ಸಿಡಿಸ್‌ ಬೆಂಜ್‌, ಮಾರುತಿಯಂತೆ, ಕೋಲಾ- ಪೆಪ್ಸಿಯಂತೆ ಈಗ ಬ್ರಾಂಡ್‌ ನೇಮ್‌. ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಜೋಷ್‌ಭರಿತರಾಗಿದ್ದರು. ಸಂದರ್ಭ : ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ 17ನೇ ಪುಣ್ಯ ತಿಥಿ ದಿನಾಚರಣೆ (ಬುಧವಾರ) ಹಾಗೂ ಪಕ್ಷದ 100 ಅಭ್ಯರ್ಥಿಗಳ ಸಮ್ಮುಖದಲ್ಲಿ ಮಹಾನಗರ ಪಾಲಿಕೆ ಚುನಾವಣೆ ಪ್ರಚಾರಕ್ಕೆ ಚಾಲನೆ.

    1999ರ ಅಕ್ಟೋಬರ್‌ವರೆಗೆ ಕರ್ನಾಟಕದತ್ತ ಯಾರೂ ತಿರುಗಿ ನೋಡುತ್ತಿರಲಿಲ್ಲ. ನಮ್ಮ ಸರ್ಕಾರ ಬಂತು ನೋಡಿ, ಬೆಂಗಳೂರಿಗೆ ಹೊಸ ಚರಿಷ್ಮಾ ಬಂತು. ಹಿಂದಿನ ಸನ್ನಿವೇಶ ಬದಲಾಯಿಸಿದ್ದೇ ಇದಕ್ಕೆ ಕಾರಣ. ಏಷ್ಯಾದ ಆರ್ಥಿಕ ದೈತ್ಯ ರಾಷ್ಟ್ರ ಜಪಾನಿನ ಪ್ರಧಾನಿ ಬೆಂಗಳೂರಿಗೆ ಬರುತ್ತಾರೆ. ಇದಕ್ಕೆ ಏನು ಕಾರಣ? ಜರ್ಮನಿಯ ಚಾನ್ಸಲರ್‌ ಬಂದದ್ದು ಎಸ್‌.ಎಂ.ಕೃಷ್ಣನ ಮುಖ ನೋಡಿಕೊಂಡೆ? ಬೆಂಗಳೂರು ಬ್ರಾಂಡ್‌ ನೇಮ್‌ ಆಗಿರುವುದೇ ಇದಕ್ಕೆ ಕಾರಣ. ಈ ಗುರುತರ ಬದಲಾವಣೆಗೆ ನಿಜವಾದ ಕಾರಣಗಳೇನು ಎಂಬುದನ್ನು ಜನತೆಗೆ ತಿಳಿಸಬೇಕು. ಮಹಾನಗರ ಪಾಲಿಕೆಯಲ್ಲೂ ನಮ್ಮ ಪಕ್ಷಕ್ಕೇ ಅಧಿಕಾರದ ಚುಕ್ಕಾಣಿ ಕೊಟ್ಟರೆ ಇನ್ನಷ್ಟು ಸಾಧನೆ ಸಾಧ್ಯ ಎಂದು ಅಕ್ಷರಶಃ ರಾಜಕಾರಣಿಯಾಗಿ ಕೇಳಿಕೊಂಡರು ಕೃಷ್ಣ.

    ಬೆಂಗಳೂರು, ಅಭಿವೃದ್ಧಿ ಹಾಗೂ ಕಾರ್ಯಪಡೆ : ಸರ್ಕಾರ ಹಾಗೂ ಬೆಂಗಳೂರು ಮಹಾನಗರ ಪಾಲಿಕೆ ನಡುವಣ ಒಪ್ಪಂದದಿಂದ ಮುಂದಿನ ಮೂರ್ನಾಲ್ಕು ವರ್ಷದ ಅವಧಿಯಲ್ಲಿ ಬೆಂಗಳೂರಿಗೆ 1 ಕೋಟಿ ರುಪಾಯಿ ವೆಚ್ಚದಲ್ಲಿ ಮೂಲಭೂತ ಸೌಕರ್ಯ ಹೆಚ್ಚಿಸಲಾಗುವುದು. ನವೆಂಬರ್‌ 28ರಂದು ಮೈಸೂರಲ್ಲಿ ನಗರಾಭಿವೃದ್ಧಿಯ ನಿಟ್ಟಿನಲ್ಲಿ ಕಾರ್ಯಪಡೆ ಸಭೆ ನಡೆಸುತ್ತೇವೆ. ಸಣ್ಣಪುಟ್ಟ ನಗರಗಳಲ್ಲೂ ಖಾಸಗಿಯವರ ಹಾಗೂ ಸಾರ್ವಜನಿಕರ ನೆರವಿನಿಂದ ಕಾರ್ಯಪಡೆಗಳನ್ನು ರಚಿಸಲಾಗುವುದು ಎಂದರು.

    ಇಂದಿರಾ ಗಾಂಧಿಯವರನ್ನು ಬಾಯಿತುಂಬಾ ಹೊಗಳಿದ ಕೃಷ್ಣ, ಅವರ ನಿಧನದಿಂದ ನಾಯಕತ್ವ ಶೂನ್ಯತೆ ಉಂಟಾಯಿತು ಎಂದು ಹೇಳಿದರು. ಬೆಂಗಳೂರು ನಗರ ಎಲ್ಲರ ಗಮನ ಸೆಳೆಯಲು ಕಾರಣವೇನು ಎಂಬುದನ್ನು ಬಿಜೆಪಿಯವರನ್ನೇ ಕೇಳೋಣ ಎಂದು ಕಟಕಿಯಾಡಿದರು. ಗೃಹ ಸಚಿವ ಮಲ್ಲಿಕಾರ್ಜು ಖರ್ಗೆ, ಕೆಪಿಸಿಸಿ(ಐ) ಅಧ್ಯಕ್ಷ ಅಲ್ಲಂ ವೀರಭದ್ರಪ್ಪ, ಸಚಿವರುಗಳಾದ ಎಚ್‌.ವಿಶ್ವನಾಥ್‌, ಡಿ.ಕೆ.ಶಿವಕುಮಾರ್‌ ಮೊದಲಾದವರು ಕೃಷ್ಣ ಅವರೊಟ್ಟಿಗಿದ್ದರು.

    (ಇನ್ಫೋ ವಾರ್ತೆ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more