ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಬುದ್ಧನ ಜನ್ಮಸ್ಥಳದಲ್ಲಿ ವಿಶ್ವದ ಅತಿ ಎತ್ತರದ ಶಾಂತಿ ಪಗೋಡಾ

By Staff
|
Google Oneindia Kannada News

ಕಠ್ಮಂಡು: ಪಶ್ಚಿಮ ನೇಪಾಳದಲ್ಲಿರುವ ಬುದ್ಧನ ಜನ್ಮಸ್ಥಳದಲ್ಲಿ ವಿಶ್ವದ ಅತಿ ಎತ್ತರದ ಶಾಂತಿ ಪಗೋಡದ ನಿರ್ಮಾಣ ಪೂರ್ಣಗೊಂಡಿದೆ. 41.5 ಮೀಟರ್‌ ಎತ್ತರದ ಲುಂಬಿನಿ ಪೀಸ್‌ ಪಗೋಡಾ ಈಗ- ಬುದ್ಧ ಭಕ್ತರನ್ನೂ, ಕುತೂಹಲಿಗಳನ್ನೂ ಸೆಳೆಯುತ್ತಿದೆ.

ರಾಜಸ್ಥಾನದಿಂದ ವಿಶೇಷವಾಗಿ ತರಿಸಲಾದ ಅಮೃತಶಿಲೆಯಲ್ಲಿ ರೂಪಿಸಲಾದ ಶಾಂತಿ ಪಗೋಡಾ 59 ಮೀಟರ್‌ ವ್ಯಾಸ ಹೊಂದಿದ್ದು, ಅದರ ತಯಾರಿಕೆಗೆ 900 ಮೆಟ್ರಿಕ್‌ ಟನ್‌ ಸಿಮೆಂಟ್‌ ಹಾಗೂ 411 ಮೆಟ್ರಿಕ್‌ ಟನ್‌ ಸ್ಟೀಲ್‌ ಬಳಕೆಯಾಗಿದೆ. ಜಪಾನ್‌ನ ನಿಪ್ಪೊಂಝನ್‌ ಮಯ್‌ಹೋದಿ ಬೌದ್ಧರ ಸಂಘಟನೆ ತಯಾರಿಸಿರುವ 73 ಶಾಂತಿ ಪಗೋಡಾಗಳಲ್ಲಿ ಒಂದಾಗಿರುವ, ಲುಂಬಿನಿ ಪೀಸ್‌ ಪಗೋಡಾ ನಿರ್ಮಾಣಕ್ಕೆ 7 ವರ್ಷಗಳು ಹಿಡಿದಿವೆ.

ಪಗೋಡಾದ ನಾಲ್ಕೂ ದಿಕ್ಕುಗಳಲ್ಲಿ ಬುದ್ಧನ ಬಂಗಾರ ಲೇಪಿತ ಕಂಚಿನ ಪ್ರತಿಮೆಗಳಿವೆ. ಜನನ, ಜ್ಞಾನೋದಯ, ಮೊದಲ ಬೋಧನೆ ಹಾಗೂ ನಿರ್ವಾಣ ಹಂತಗಳನ್ನು ಈ ನಾಲ್ಕೂ ಪ್ರತಿಗೆಳು ಸೂಚಿಸುತ್ತಿವೆ.

ನವಂಬರ್‌ 3 ರಂದು ನಡೆಯುವ ವಿಶೇಷ ಕಾರ್ಯಕ್ರಮದಲ್ಲಿ ನೇಪಾಳದ ಮಾಜಿ ಪ್ರಧಾನಿ ಗಿರಿಜಾ ಪ್ರಸಾದ್‌ ಕೊಯಿರಾಲ ಪಗೋಡಾವನ್ನು ಉದ್ಘಾಟಿಸುವರು, ಭಾರತ, ಜಪಾನ್‌, ಥೈಲ್ಯಾಂಡ್‌, ಅಮೇರಿಕಾ ಸೇರಿದಂತೆ ವಿಶ್ವದ ವಿವಿಧ ಭಾಗಗಳ ಬೌದ್ಧ ಧರ್ಮೀಯರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ. ಈ ನಡುವೆ, ಅಕ್ಟೋಬರ್‌ 8 ರಂದು ಕಠ್ಮಂಡುವಿಗೆ 6 ಕಿಮೀ ದೂರದ ಪಟನಾದಿಂದ ಪ್ರಾರಂಭವಾದ ವಿಶ್ವ ಶಾಂತಿ ಜಾಥಾ, 440 ಕಿಮೀ ಕ್ರಮಿಸಿದ ನಂತರ ನವಂಬರ್‌ 1 ರಂದು ಲುಂಬಿನಿಗೆ ತಲುಪಲಿದೆ.

(ಪಿಟಿಐ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X