ಬ್ರಾಹ್ಮಣ ವಧು - ವರಾನ್ವೇಷಣೆಗೊಂದು ವೆಬ್ಸೈಟ್
ಹುಬ್ಬಳ್ಳಿ : ಮಾಧ್ವ ಇನ್ಫೋಟೆಕ್ ಸಂಸ್ಥೆ, ದೇಶ ವಿದೇಶಗಳಲ್ಲಿ ನೆಲೆಸಿರುವ ಬ್ರಾಹ್ಮಣ ಸಮುದಾಯಕ್ಕೆ ನೆರವಾಗಲು http://www.brahmininfo-online.com/ ಎಂಬ ವೆಬ್ಸೈಟ್ ಆರಂಭಿಸಿದೆ.
ಬ್ರಾಹ್ಮಣ ವಧೂವರರ ಅನ್ವೇಷಣೆಗೂ ಈ ವೆಬ್ ಸೈಟ್ ನೆರವಾಗಲಿದೆ. ಇದರಲ್ಲಿ ಅಕ್ಷರ, ಧ್ವನಿ, ಭಾವಚಿತ್ರಗಳ ಮೂಲಕ ವಧೂವರರ ಮಾಹಿತಿ ಪಡೆಯಬಹುದು. ದಾಸಸಾಹಿತ್ಯ, ತೀರ್ಥಕ್ಷೇತ್ರಗಳ ಮಾಹಿತಿ ಹಾಗೂ ವಾರ್ತೆಯನ್ನು ತಿಳಿಯುವ ಅವಕಾಶವೂ ಈ ವೆಬ್ ಸೈಟ್ನಲ್ಲಿ ದೊರೆಯಲಿದೆ.
ಈ ವೆಬ್ಸೈಟ್ನಲ್ಲಿ ಮಾಹಿತಿ ದಾಖಲಿಸಲು, ಸಂಸ್ಥೆಯು ಬ್ರಾಹ್ಮಣ ಸಮುದಾಯ ಹೆಚ್ಚಾಗಿರುವ ಪ್ರದೇಶಗಳಲ್ಲಿ ತನ್ನ ಅಧಿಕೃತ ಪ್ರತಿನಿಧಿಯನ್ನು ನೇಮಿಸಿ, ಮಾಹಿತಿ ಸಂಗ್ರಹಿಸುವ ಕಾಯಕದಲ್ಲಿ ನಿರತವಾಗಿದೆ. ಬ್ರಾಹ್ಮಣ ವಧೂವವರ ನೊಂದಣಿಗೂ ಅವಕಾಶ ಕಲ್ಪಿಸಲಾಗಿದೆ.
ಅಧ್ಯಾತ್ಮ, ವೇದಾಂತ ವಿಚಾರ, ಪುರಾಣ ಪಠಣಕ್ಕೂ ಈ ವೆಬ್ಸೈಟ್ನಲ್ಲಿ ಅವಕಾಶ ಕಲ್ಪಿಸುವ ಉದ್ದೇಶ ಸಂಸ್ಥೆಗಿದೆ. ವಿವಾಹ ಮುಹೂರ್ತಗಳ ಬಗ್ಗೆಯೂ ಸಂಸ್ಥೆ, ಇ ಮೇಲ್ ಮೂಲಕ ಮಾಹಿತಿ ನೀಡುತ್ತದೆ. ಇಂಟರ್ನೆಟ್ ಸೌಲಭ್ಯ ಇಲ್ಲದವರಿಗೆ ಅಂಚೆ ಮೂಲಕ ವಧೂವರರ ಮಾಹಿತಿ ತಲುಪಿಸುವ ವ್ಯವಸ್ಥೆ ಇದೆ ಎಂದು ಪ್ರಕಟಣೆ ತಿಳಿಸಿದೆ.
(ಇನ್ಫೋ ವಾರ್ತೆ)