ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಹುಬ್ಬಳ್ಳಿ ಕಾಲೇಜಿನಲ್ಲಿ ನಿಮಿಷಕ್ಕೆಂಟು ಗರಂ ಗರಂ ರೊಟ್ಟಿ ರೆಡಿ !

By Staff
|
Google Oneindia Kannada News

ಹುಬ್ಬಳ್ಳಿ : ರೊಟ್ಟಿ ಮಾಡುವುದಕ್ಕೆ ಹೆಚ್ಚು ಟಾೖಂ ಬೇಕಾಗುತ್ತೆ ಅಂತ ಇನ್ನು ಮೇಲೆ ಬೇಜಾರು ಮಾಡಿಕೊಳ್ಳಬೇಕಾಗಿಲ್ಲ. ಹುಬ್ಬಳ್ಳಿಯ ಬಿವಿಬಿ ತಾಂತ್ರಿಕ ಮತ್ತು ಇಂಜಿನಿಯರಿಂಗ್‌ ಕಾಲೇಜಿನ ಮೆಕ್ಯಾನಿಕಲ್‌ ಇಂಜಿನಿಯರಿಂಗ್‌ ವಿಭಾಗದ ವಿದ್ಯಾರ್ಥಿಗಳು ರೊಟ್ಟಿ ಮಾಡುವ ಯಂತ್ರವೊಂದನ್ನು ಕಂಡು ಹಿಡಿದಿದ್ದಾರೆ.

‘ಮೆಕೆನೈಸ್ಡ್‌ ಫುಡ್‌ ಪ್ರೊಸೆಸಿಂಗ್‌ ಮೆಷಿನ್‌’ ತಯಾರಿಸಲು ಈ ಸೃಜನಶೀಲ ವಿದ್ಯಾರ್ಥಿತಂಡಕ್ಕೆ ತಗುಲಿದ ಖರ್ಚು 18 ಸಾವಿರ ರೂಪಾಯಿ. ಈ ಯಂತ್ರ ರೊಟ್ಟಿ, ಹೋಳಿಗೆ, ಪುಳ್ಕ, ಚಪಾತಿಗಳನ್ನು ರೆಡಿ ಮಾಡ ಬಲ್ಲದು. ವಿದ್ಯಾರ್ಥಿ ತಂಡದ ಹೇಳುವುದು ನಿಮಿಷಕ್ಕ ಎಂಟು ರೊಟ್ಟಿ ರೆಡಿಯಾಗುತ್ತದೆ ಅಂತ. ಅಂಗೈಯಷ್ಟಗಲದ್ದೇನಲ್ಲ. 10 ಸೆಂಟಿ ಮೀಟರ್‌ ವ್ಯಾಸದ ಎಂಟು ರೊಟ್ಟಿಗಳು ಫಟಾಫಟ್‌ ತಯಾರು. ಗುಣಮಟ್ಟವೂ ಚೆನ್ನಾಗಿರುತ್ತದಂತೆ.

ವಿಧಾನದ ಬಗ್ಗೆ ವಿದ್ಯಾರ್ಥಿಗಳೇ ಹೇಳುತ್ತಾರೆ- ಚಪಾತಿ ಅಥವಾ ರೊಟ್ಟಿಯ ಹಿಟ್ಟು ರೆಡಿಮಾಡಿಟ್ಟುಕೊಳ್ಳಿ. ಯಂತ್ರವು ಎಂಟು ರೊಟ್ಟಿಯುಂಡೆಗಳನ್ನು ತಟ್ಟಿ ಕಾಯಿಸಿ ಕೊಡುತ್ತದೆ. ಆದರೆ, ಹಿಟ್ಟಿನ ಉಂಡೆಗಳು ಚಕಚಕನೇ ಯಂತ್ರಕ್ಕೆ ಕೊಡುವ ಕೌಶಲವೂ ಬೇಕು. ಒತ್ತುವ ಯಂತ್ರಕ್ಕೆ ಹೊಂದಿಕೊಂಡೇ ಹೀಟರ್‌ ಇರುವುದರಿಂದ ಗರಿ ಮುರಿ ರೊಟ್ಟಿ ನಿಮ್ಮ ಕೈಯಲ್ಲಿ.

ಬಿವಿಬಿ ಕಾಲೇಜಿನ ಅಂತಿಮ ವರ್ಷದ ವಿದ್ಯಾರ್ಥಿಗಳಾದ ಪ್ರಶಾಂತ್‌ ಮುಳಗುಂದ ಮಠ್‌, ಮಹೇಶ್‌ ಗುಡಾಲ್‌, ಬಾಲಚಂದ್ರ ಪಾಠಕ್‌, ಅನೂಪ್‌ ಒಟಗೇರಿ, ಆನಂದ್‌ ಸುಗಂಧಿ, ಗಿರಿಶ್‌ ಕುಲಕರ್ಣಿ, ಮೊಹಮ್ಮದಾಲಿ ನೂರ್‌ ಖಾನ್‌, ಮತ್ತು ಮಹಮ್ಮದ್‌ ಓಲಿ ಯಂತ್ರ ತಯಾರಿಕಾ ತಂಡದ ಸದಸ್ಯರು.

(ಇನ್ಫೋ ವಾರ್ತೆ)

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X