• search

.. .. ಜಾತಿ ದೇಗುಲದೊಳಗೊ !

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಹೊಲೆ ಮಾದಿಗರ ಹಾಡು ಬರೆದಂಥಾ ಡಾ.ಸಿದ್ಧಲಿಂಗಯ್ಯ ಗ್ರಾಮದೇವತೆಗಳು ಎನ್ನುವ ಪುಸ್ತಕವೊಂದನ್ನು ಬರೆದಿದ್ದಾರೆ ಎನ್ನುವುದು ನಿಮಗೆ ಗೊತ್ತಾ ? ಗ್ರಾಮದೇವತೆಗಳು ಪಿಎಚ್‌ಡಿಗಾಗಿ ಸಲ್ಲಿಸಿದ ಮಹಾ ಪ್ರಬಂಧ. ಗ್ರಾಮದೇವತೆಗಳ ಬಗ್ಗೆ ಅಂಥ ಇನ್ನೊಂದು ಕೃತಿ ಕನ್ನಡದಲ್ಲಿಲ್ಲ ಅನ್ನುವುದು ಕೃತಿಯ ಅಗ್ಗಳಿಕೆ. ಬಹಳ ದಿನಗಳ ನಂತರ ಸಿದ್ಧಲಿಂಗಯ್ಯ ದೇವರು ಹಾಗೂ ಆತನ ಪರಿಸರದತ್ತ ಕಣ್ಣು ಹಾಯಿಸಿದ್ದಾರೆ. ಪಂಕ್ತಿಭೇದದ ಮೂಲಕ ಜಾತಿ ಪದ್ಧತಿಯ ಜೀವಂತವಾಗಿಡುವ ದೇವಸ್ಥಾನಗಳತ್ತ ಕಿಡಿ ಕಾರಿದ್ದಾರೆ.

    ಸಿದ್ಧಲಿಂಗಯ್ಯನವರ ಕೋಪ , ಮೊದಲ ಪಂಕ್ತಿ ಭೋಜನವನ್ನು ಮೇಲ್ಜಾತಿಯವರಿಗೆ ಮೀಸಲಿಡುತ್ತಿರುವ ಮುಜರಾಯಿ ದೇವಸ್ಥಾನಗಳ ಬಗೆಗೆ. ಇಂಥ ದೇವಸ್ಥಾನಗಳಿಗೆ ಹಣ ಕೊಡುವ ಬದಲು ಸರಕಾರ ಬೀಗ ಹಾಕಬೇಕು ಎನ್ನುವುದು ಅವರ ಆಗ್ರಹ. ರಾಜ್ಯ ಪರಿಶಿಷ್ಟ ಜಾತಿ ಮತ್ತು ವರ್ಗಗಳ ಅಭಿವೃದ್ಧಿ ನಿಗಮ ಆಯೋಜಿಸಿದ್ದ ‘ಅಮಾನವೀಯ ಆಚರಣೆಗಳು’ ಎಂಬ ವಿಚಾರ ಸಂಕಿರಣದಲ್ಲಿ ಸಿದ್ಧಲಿಂಗಯ್ಯ ಮಾತನಾಡುತ್ತಿದ್ದರು.

    ಸರಕಾರದಿಂದ ಅನುದಾನ ಪಡೆಯುತ್ತಿರುವ ದೇವಸ್ಥಾನಗಳಲ್ಲಿ , ಊಟದ ಮೊದಲ ಪಂಕ್ತಿಯಲ್ಲಿ ಮೇಲ್ಜಾತಿಯವರನ್ನೇ ಕುಳ್ಳಿರಿಸುತ್ತಾರೆ. ಇಂತಹ ಅಕ್ರಮ ಹಾಗೂ ಸಂವಿಧಾನ ಬಾಹಿರ ಪದ್ಧತಿಯನ್ನು ನಿಲ್ಲಿಸಲು ಸರಕಾರ ಸರಿಯಾದ ಕ್ರಮ ತೆಗೆದುಕೊಳ್ಳಬೇಕು ಅಥವಾ ಅಂತಹ ದೇವಸ್ಥಾನಗಳಿಗೆ ಆರ್ಥಿಕ ನೆರವು ನೀಡುವುದನ್ನು ನಿಲ್ಲಿಸಿ, ಬೀಗ ಹಾಕಬೇಕು ಎಂದು ಅವರು ಸಲಹೆ ಮಾಡಿದರು.

    ಕಣ್ಣಿದ್ದೂ ಕುರುಡರು, ಆದ್ದರಿಂದಲೇ ರಾಜಕಾರಣಿಗಳಾದರು

    ಮೇಲ್ವರ್ಗದವರು ಕೇವಲ ಪ್ರತಿಷ್ಠೆಗಾಗಿ ಅನುಸರಿಸುತ್ತಿರುವ ಈ ಅಮಾನವೀಯ ಕ್ರಮದ ವಿರುದ್ಧ ಜನಾಂದೋಲನ ರೂಪುಗೊಳ್ಳಬೇಕು ಎಂದ ಸಿದ್ಧಲಿಂಗಯ್ಯ, ಅಮಾನವೀಯ ಪದ್ಧತಿಗಳ ಬಗ್ಗೆ ರಾಜಕಾರಣಿಗಳು ತಿಳಿದೂ ತಿಳಿಯದವರಂತೆ ನಟಿಸುತ್ತಿದ್ದಾರೆ ಎಂದು ರಾಜಕಾರಣಿಗಳ ವರ್ತನೆಯನ್ನು ತರಾಟೆಗೆ ತೆಗೆದುಕೊಂಡರು.

    ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಸಮಾಜ ಕಲ್ಯಾಣ ಸಚಿವ ಕಾಗೋಡು ತಿಮ್ಮಪ್ಪ , ರಾಜ್ಯದಲ್ಲಿ ಆಚರಣೆಯಲ್ಲಿರುವ ಅಮಾನವೀಯ ಆಚರಣೆಗಳನ್ನು ನಿಲ್ಲಿಸಲು ಅಗತ್ಯ ಬಿದ್ದರೆ ಕಾನೂನು ಜಾರಿಗೊಳಿಸಲಾಗುವುದು. ಅದಕ್ಕೂ ಮುನ್ನ ಆಚರಣೆಗಳ ವಿರುದ್ಧ ಜನ ಜಾಗೃತಿ ಮೂಡಿಸುವುದು ಅಗತ್ಯ ಎಂದು ಅಭಿಪ್ರಾಯಪಟ್ಟರು.

    ಬಹುಕಾಲದಿಂದ ನಡೆದುಕೊಂಡು ಬಂದಿರುವ ಇಂತಹ ಅಮಾನವೀಯ ಆಚರಣೆಗಳು ಕೆಳವರ್ಗದವರ ಜೀವನ ವಿನ್ಯಾಸವಾಗಿದೆ. ಆದ್ದರಿಂದ ಇವುಗಳನ್ನು ಇಡಿಯಾಗಿ ನೋಡಬೇಕೇ ಹೊರತು ಬಿಡಿಬಿಡಿಯಾಗಿ ನೋಡಿದರೆ ಸಮಸ್ಯೆ ಸಿಕ್ಕುಸಿಕ್ಕಾಗುತ್ತದೆ ಎಂದು ಸಾಹಿತಿ ಚಂದ್ರಶೇಖರ ಪಾಟೀಲ ಹೇಳಿದರು.

    ಬಾಲಂಗೋಚಿ : ಸಿದ್ಧಲಿಂಗಯ್ಯನವರು ಏಕಾಏಕಿ ಭೋಜನ ಪಂಕ್ತಿಭೇದವನ್ನು ಏಕೆ ನೆನಪಿಸಿಕೊಂಡರು? ಅವರೇನಾದರೂ ಇತ್ತೀಚೆಗೆ ಉಡುಪಿ, ಮಂತ್ರಾಲಯ ಪ್ರವಾಸ ಕೈಗೊಂಡಿದ್ದರಾ?

    (ಇನ್ಫೋ ವಾರ್ತೆ)

    What do you think about this story ?

    ವಾರ್ತಾ ಸಂಚಯ
    ಬಡವರ ನಗುವಿನ ಶಕ್ತಿ

    ಮುಖಪುಟ / ಲೋಕೋಭಿನ್ನರುಚಿ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more