ಬಿಸಿಸಿಐ ದೈಹಿಕ ಸಾಮರ್ಥ್ಯ ಪರೀಕ್ಷೆಯಲ್ಲಿ ಪಾಸಾದ ಜಹೀರ್‌-ನೆಹ್ರಾ

ಮುಂಬಯಿ: ಎಡಗೈ ವೇಗದ ಬೌಲರ್‌ಗಳಾದ ಜಹೀರ್‌ ಖಾನ್‌ ಹಾಗೂ ಆಶಿಷ್‌ ನೆಹ್ರಾ ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ(ಬಿಸಿಸಿಐ) ವೈದ್ಯರು ನಡೆಸಿದ ದೈಹಿಕ ಸಾಮರ್ಥ್ಯ ಪರೀಕ್ಷೆಯಲ್ಲಿ ಪಾಸಾಗಿದ್ದು , ನವಂಬರ್‌ 3 ರಿಂದ ಪ್ರಾರಂಭವಾಗುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ಭಾಗವಹಿಸುವುದು ಖಚಿತವಾಗಿದೆ.

ಬಿಸಿಸಿಐ ವೈದ್ಯ ಡಾ.ಅನಂತ ಜೋಷಿ , ದೈಹಿಕ ಸಾಮರ್ಥ್ಯ ಪರೀಕ್ಷೆಗಳನ್ನು ನಡೆಸಿದ ನಂತರ ನೆಹ್ರಾ ಹಾಗೂ ಜಹೀರ್‌ ಅವರು ಆಡಲು ಸಂಪೂರ್ಣ ಸಮರ್ಥರಾಗಿದ್ದಾರೆ ಎಂದು ಘೋಷಿಸಿರುವುದಾಗಿ ಬಿಸಿಸಿಐ ಕಾರ್ಯ ನಿರ್ವಾಹಕ ಕಾರ್ಯದರ್ಶಿ ಶರದ್‌ ದಿವಾಡ್ಕರ್‌ ಮಂಗಳವಾರ ಪಿಟಿಐಗೆ ತಿಳಿಸಿದ್ದಾರೆ.

ನೆಹ್ರಾ, ಜಹೀರ್‌ ಅವರೊಂದಿಗೆ ಹೇಮಾಂಗ್‌ ಬದಾನಿ ಹಾಗೂ ಶಡಗೋಪನ್‌ ರಮೇಶ್‌ ಅವರಿಗೂ ದೈಹಿಕ ಸಾಮರ್ಥ್ಯ ಪರೀಕ್ಷೆ ನಡೆಸಲಾಯಿತಾದರೂ, ಅವರಿಬ್ಬರೂ ಸಂಪೂರ್ಣ ದೈಹಿಕ ಸಾಮರ್ಥ್ಯ ಪಡಯಲು ಇನ್ನಷ್ಟು ಸಮಯ ಬೇಕಾಗುತ್ತದೆ ಎಂದು ಅನಂತ ಜೋಷಿ ಅಭಿಪ್ರಾಯಪಟ್ಟಿದ್ದಾರೆ.

(ಪಿಟಿಐ)