• search

ಅಮೆರಿಕಕ್ಕೆ ಆಫ್ಘಾನಿಸ್ತಾನವೇ ರುದ್ರಭೂಮಿ ಆಗಲಿದೆ : ಹಕ್ಕಾನಿ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    Talibans key military commander Jallaluddin Haqqaniಇಸ್ಲಾಮಾಬಾದ್‌ : ಅಮೆರಿಕ ವಿರುದ್ಧ ಗೆರಿಲ್ಲಾ ಯುದ್ಧ ಮಾಡಿ, ಆಫ್ಘಾನಿಸ್ತಾನ ಗೆದ್ದೇ ತೀರುತ್ತದೆ ಎಂದು ತಾಲಿಬಾನ್‌ನ ಹಿರಿಯ ಮಿಲಿಟರಿ ಕಮಾಂಡರ್‌ ಮೌಲ್ವಿ ಜಲಾಲುದ್ದೀನ್‌ ಹಕ್ಕಾನಿ ಶನಿವಾರ ಹೇಳಿದ್ದಾರೆ. ಅಮೆರಿಕಕ್ಕೆ ಆಫ್ಘಾನಿಸ್ತಾನವೇ ರುದ್ರಭೂಮಿ ಆಗಲಿದೆ ಎಂದೂ ಅವರು ‘ದಿ ನ್ಯೂಸ್‌’ ದೈನಿಕಕ್ಕೆ ನೀಡಿರುವ ಸಂದರ್ಶನದಲ್ಲಿ ಎಚ್ಚರಿಕೆ ನೀಡಿದ್ದಾರೆ.

    ಒಂದೊಮ್ಮೆ ಅಮೆರಿಕ ನೇತೃತ್ವದ ಪಡೆಗಳು ಆಫ್ಘಾನಿಸ್ತಾನದ ನಗರಗಳನ್ನು ವಶಪಡಿಸಿಕೊಂಡು, ಹೊಸ ಸರಕಾರ ರಚಿಸಿದ್ದೆ ಆದಲ್ಲಿ, ಅದನ್ನು ತಾವು ಒಪ್ಪಿಕೊಳ್ಳುವುದಿಲ್ಲ ಎಂದು ಅವರು ಹೇಳಿದ್ದಾರೆ. ಅಂಥ ಸನ್ನಿವೇಶ ಎದುರಾದರೆ, ನಾವು ಬೆಟ್ಟಗುಡ್ಡಗಳಲ್ಲಿ ಅಡಗಿಕೊಂಡು, ರಷ್ಯಾ ಮೇಲೆ ಮಾಡಿದಂತೆಯೇ ದೀರ್ಘಕಾಲದ ಗೆರಿಲ್ಲಾ ಯುದ್ಧ ಮಾಡಿ, ತಮ್ಮ ತಾಯ್ನಾಡನ್ನು ಮರಳಿ ಪಡೆಯುವುದಾಗಿ ಅವರು ಘೋಷಿಸಿದರು.

    ಸಾವಿರಾರು ಸಂಖ್ಯೆಯ ಸೋವಿಯತ್‌ ಯೋಧರನ್ನು ಬಲಿತೆಗೆದುಕೊಂಡ 1979ರಿಂದ 89ರವರೆಗಿನ ಹೋರಾಟವನ್ನು ಸ್ಮರಿಸಿದ ಅವರು, ಆಫ್ಘಾನಿಸ್ತಾನ ಅಮೆರಿಕೆಗೆ ಕೂಡ ಸ್ಮಶಾನ ಆಗಲಿದೆ ಎಂದರು. ಹಕ್ಕಾನಿ ತಾಲಿಬಾನ್‌ನ ದಕ್ಷಿಣ ಪಾಂತ್ರದಲ್ಲಿ ಹೊಣೆಹೊತ್ತಿರುವ ಹಕ್ಕಾನಿಗೆ ಒಸಮಾ ಬಿನ್‌ ಲಾಡೆನ್‌ನ ಸುರಕ್ಷತೆಯ ಹೆಚ್ಚುವರಿ ಜವಾಬ್ದಾರಿಯನ್ನೂ ವಹಿಸಿಕೊಡಲಾಗಿದೆ ಎಂದು ದಿ ನ್ಯೂಸ್‌ ಹೇಳಿದೆ.

    ಆಫ್ಘಾನಿಸ್ತಾನದ ಮೇಲೆ ಅಕ್ಟೋಬರ್‌ 7ರಂದು ಆರಂಭವಾದ ಅಮೆರಿಕದ ವಾಯುದಾಳಿ, ತಾಲಿಬಾನ್‌ ಸೇನೆಯನ್ನು ನಾಶಪಡಿಸುವಲ್ಲಿ ವಿಫಲವಾಗಿದೆ ಎಂದೂ ಅವರು ಹೇಳಿದ್ದಾರೆ. ಕಳೆದ 12ದಿನಗಳಲ್ಲಿ ತಾಲಿಬಾನ್‌ನ ಯಾವೊಬ್ಬ ಪ್ರಮುಖ ನಾಯಕ ಅಥವಾ ಸೇನಾ ಮುಖಂಡನನ್ನು ಕೊಲ್ಲಲೂ ಅಮೆರಿಕೆಗೆ ಸಾಧ್ಯವಾಗಿಲ್ಲ ಎಂದು ಅವರು ಜಂಭ ಕೊಚ್ಚಿಕೊಂಡಿದ್ದಾರೆ.

    ಮುಲ್ಲಾ ಮೊಹಮ್ಮದ್‌ ಓಮರ್‌, ಒಸಾಮಾ ಬಿನ್‌ ಲಾಡೆನ್‌ ಸೇರಿದಂತೆ ತಾಲಿಬಾನ್‌ನ ಎಲ್ಲ ಸೇನಾ ಮುಖಂಡರೂ ಕ್ಷೇಮವಾಗಿದ್ದು, ತಮ್ಮ ಕರ್ತವ್ಯ ಮುಂದುವರಿಸುತ್ತಿದ್ದಾರೆ ಎಂದು ಅವರು, ಈ ವರೆಗೆ 25 ತಾಲಿಬಾನ್‌ ಸೈನಿಕರು ಮಾತ್ರ ವೀರಮರಣ ಹೊಂದಿದ್ದಾರೆ ಎಂದರು.

    (ಎ.ಎಫ್‌.ಪಿ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more