ಹುಬ್ಬಳ್ಳಿಯಲ್ಲಿ ಮರಳಿ ಕುಡಿಯಾಡೆದ ದೈನಂದಿನ ಜನ ಜೀವನ

ಹುಬ್ಬಳ್ಳಿ : ಭಜರಂಗ ದಳದ ಶೋಭಾಯಾತ್ರೆಯ ನೆಪದಲ್ಲಿ ಶನಿವಾರ ಪ್ರಾರಂಭವಾದ ಹಿಂಸಾಚಾರದಿಂದಾಗಿ ಎರಡು ದಿನಗಳ ಕಾಲ ನಗರದಲ್ಲಿ ತುಂಬಿದ್ದ ತ್ವೇಷಮಯ ವಾತಾವರಣ ತಿಳಿಗೊಳ್ಳುತ್ತಿದ್ದು , ಹುಬ್ಬಳ್ಳಿಯಲ್ಲಿ ಮಾಮೂಲಿ ಪರಿಸ್ಥಿತಿ ಮರಳುವ ಲಕ್ಷಣಗಳು ಸೋಮವಾರ ಸ್ಪಷ್ಟವಾಗಿ ಕಾಣಿಸುತ್ತಿವೆ.

ಅಂಗಡಿ ಮುಂಗಟ್ಟುಗಳು ಸೋಮವಾರ ಬಾಗಿಲನ್ನು ತೆರೆದಿದ್ದು , ವಾಣಿಜ್ಯ ಚಟುವಟಿಕೆಗಳು ಪ್ರಾರಂಭಗೊಂಡಿವೆ. ಆದರೆ, ಮುನ್ನೆಚ್ಚರಿಕೆಯ ಕ್ರಮವಾಗಿ ನಗರದಲ್ಲಿ ಸೋಮವಾರ ಸಂಜೆಯಿಂದ ಮಂಗಳವಾರ ಮುಂಜಾನೆಯವರೆಗೂ ಕರ್ಫ್ಯೂ ಹೇರಲಾಗಿದೆ. ಹಗಲಿನ ವೇಳೆಯಲ್ಲಿ ನಿಷೇಧಾಜ್ಞೆ ಮುಂದುವರಿದಿದೆ.

ಜಿಲ್ಲಾ ಉಸ್ತುವಾರಿ, ಕಾರ್ಮಿಕ ಹಾಗೂ ವಕ್ಫ್‌ ಖಾತೆ ಸಚಿವ ಎ.ಎಂ.ಹಿಂಡಸಗೇರಿ ಅವರು ಸೋಮವಾರ ಗಲಭೆ ಸಂತ್ರಸ್ತ ಸ್ಥಳಗಳಿಗೆ ಭೇಟಿ ನೀಡಿದರು. ಶಾಂತಿ ಪಾಲನೆ ಸಭೆ ಕೂಡ ಸೋಮವಾರ ಜರುಗಿತು.

(ಪಿಟಿಐ)