ಅಮೆರಿಕಾ ಸ್ಥಿತಿ ಮಾಡಿದ್ದುಣ್ಣೋ ಮಹಾರಾಯ ಅಷ್ಟೆ- ಇರಾಕ್‌

ಬಾಗ್ದಾದ್‌ : ಅಮೆರಿಕ ಮಾಡಿದ ಪಾಪಗಳ ಕೊಡ ತುಂಬಿದೆ. ಅದಕ್ಕೆ ತಕ್ಕ ಶಾಸ್ತಿ ಈ ದುರಂತ ಎಂದು ಇರಾಕಿನ ಟಿವಿ ಚಾನೆಲ್‌ ಒಂದರಲ್ಲಿ ಪ್ರಮುಖ ಅಧಿಕಾರಿಯಾಬ್ಬರು ಹೇಳಿದ್ದಾರೆ. ಮಾನವೀಯತೆ ವಿರುದ್ಧ ಎಸಗಿದ ಅಪರಾಧಗಳಿಗೆ ಈಗ ಸಿಕ್ಕಿರುವ ಫಲವನ್ನು ಅಮೆರಿಕೆಯ ಗೋಬಾಲಕರು ತಿನ್ನುತ್ತಿದ್ದಾರೆ ಅಷ್ಟೆ ಎಂದು ಇರಾಕ್‌ ಅಧಿಕಾರಿ ಖಂಡಾತುಂಡಾಗಿ ತಿಳಿಸಿದ್ದಾರೆ.

ಸರ್ಬಿಯನ್‌ ರ್ಯಾಡಿಕಲ್‌ ಪಾರ್ಟಿಯ ಮುಖ್ಯಸ್ಥ ಆಡಿರುವ ಮಾತು ಹೀಗಿದೆ- ನನಗೆ ಆಶ್ಚರ್ಯವಾಗಿದೆ ಎಂದು ನಾನು ಹೇಳೋದಿಲ್ಲ. ಹಾಗಂತ ನಾಗರಿಕರು ಸಾಯುತ್ತಿರುವುದು ನನಗೆ ಖುಷಿ ತಂದಿದೆ ಎಂದೇನೂ ಅಲ್ಲ. ಆದರೆ, ಭಯೋತ್ಪಾದಕರ ಅಮೆರಿಕ ಮೇಲಿನ ಧಾಳಿ ಬಗ್ಗೆ ವಿಷಾದವಂತೂ ಇಲ್ಲ. ನ್ಯಾಟೋದ ಬಾಂಬ್‌ ಧಾಳಿಗೆ ಸಾವಿರಾರು ಸರ್ಬ್‌ ನಾಗರಿಕರು ಪ್ರಾಣ ಕಳಕೊಂಡಿದ್ದನ್ನು ಮರೆಯಲು ಸಾಧ್ಯವೇ? ಜಗತ್ತನ್ನು ಅಮೆರಿಕ ಗೋಳುಹೊಯ್ದುಕೊಂಡಿತ್ತು. ಗ ಅದರ ಫಲ ಅನುಭವಿಸುತ್ತಿದೆ.

(ಪಿಟಿಐ)