ಲೋ ಫ್ಲೋರ್‌ ಬಸ್‌:ಗೊಂದಲನಗರಿ ರಸ್ತೆಗಳಲ್ಲಿ ಜನವರಿಯಿಂದ ಪ್ರತ್ಯಕ್ಷ

ಬೆಂಗಳೂರು : ವೃದ್ಧರಿಂದ ಹಿಡಿದು ಪುಟಾಣಿಗಳವರೆಗೆ ಪ್ರಯಾಣಕ್ಕೆ ಅನುಕೂಲವಾದ ಲೋ ಫ್ಲೋರ್‌ ಬಸ್‌ಗಳನ್ನು ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ ಬರುವ ಜನವರಿಯಿಂದ ಓಡಿಸಲಿದೆ.

ಈಗಾಗಲೇ ಲೋ ಫ್ಲೋರ್‌ ಬಸ್‌ಗಳ ಪ್ರಾಯೋಗಿಕ ಸಂಚಾರವನ್ನು ಪ್ರಾರಂಭಿಸಿದ್ದು , ಈ ಬಸ್ಸುಗಳು ನಗರ ಸಂಚಾರಕ್ಕೆ ಹೇಳಿ ಮಾಡಿಸಿದ ಬಸ್ಸುಗಳಾಗಿವೆ ಎಂದು ಶನಿವಾರ ಜರುಗಿದ ಬೆಂಗಳೂರು ಅಜೆಂಡಾ ಟಾಸ್ಕ್‌ಪೋರ್ಸ್‌ನ ಸಭೆಯಲ್ಲಿ ಬಿಎಂಟಿಸಿ ನಿರ್ದೇಶಕ ಪ್ರದೀಪ್‌ಸಿಂಗ್‌ ಕರೋಲಾ ಹೇಳಿದರು.

ಲೋ ಪ್ಲೋರ್‌ ಬಸ್‌ಗಳು ಏರ್‌ ಇಂಜಿನ್‌ ಹೊಂದಿದ್ದು , ವೃದ್ಧರಿಗೆ ಹಾಗೂ ಮಕ್ಕಳಿಗೆ ಹತ್ತಲು ಇಳಿಯಲು ಅನುಕೂಲವಾಗಿವೆ. ನಗರದಲ್ಲಿ 17 ಡಿಪೋಗಳ ವ್ಯಾಪ್ತಿಯಲ್ಲಿ 25 ಲೋ ಫ್ಲೋರ್‌ ಬಸ್ಸುಗಳ ಸಂಚಾರವನ್ನು ಆರಂಭಿಸಲಾಗುವುದು ಎಂದು ಕರೋಲಾ ಹೇಳಿದರು. ಬಿಎಂಟಿಸಿ ಮುಂದಿರುವ ಭವಿಷ್ಯದ ಯೋಜನೆಗಳನ್ನು ಅವರು ಸಭೆಯ ಮುಂದಿಟ್ಟರು.

(ಇನ್ಫೋ ವಾರ್ತೆ)