ಕೊಂಡಜ್ಜಿಯಲ್ಲಿ ಆಗಸ್ಟ್‌ 31 ರಿಂದ ರಾಜ್ಯಮಟ್ಟದ ಸಾಹಸೋತ್ಸವ-2001

ದಾವಣಗೆರೆ: ಆಗಸ್ಟ್‌ 31 ರಿಂದ ಮೂರು ದಿನಗಳ ಕಾಲ ಜಿಲ್ಲೆಯ ಹರಿಹರ ತಾಲ್ಲೂಕು ಕೊಂಡಜ್ಜಿಯಲ್ಲಿ ಸಾಹಸ ಕ್ರೀಡೆಗಳ ರಾಜ್ಯಮಟ್ಟದ ‘ಸಾಹಸೋತ್ಸವ-2001’ ನಡೆಯಲಿದೆ.

ನಗರ ಪ್ರದೇಶದ ವಿದ್ಯಾರ್ಥಿ ವಿದ್ಯಾರ್ಥಿನಿಯರು ಮಾತ್ರವಲ್ಲದೆ ಗ್ರಾಮೀಣ ಪ್ರದೇಶದಿಂದಲೂ ಈ ಉತ್ಸವಕ್ಕೆ ಸ್ಪರ್ಧಿಗಳನ್ನು ನಿರೀಕ್ಷಿಸಲಾಗುತ್ತಿದ್ದು , ಈ ಬಾರಿಯಿಂದ ಅವಿದ್ಯಾವಂತರಿಗೂ ಉತ್ಸವದಲ್ಲಿ ಭಾಗವಹಿಸಲು ಅವಕಾಶ ಕಲ್ಪಿಸಲಾಗಿದೆ ಎಂದು ನೋಪಾಸನಾ ಸಂಸ್ಥೆಯ ಎಂ. ವೀರೇಶ್‌ ಮಾಧ್ಯಮದ ಪ್ರತಿನಿಧಿಗಳಿಗೆ ತಿಳಿಸಿದ್ದಾರೆ.

ಶಿಬಿರದಲ್ಲಿ ಚಾರಣ, ಬಿಲ್ಲುಗಾರಿಕೆ, ಕುದುರೆ ಚಾಲನೆ, ಬೋಟಿಂಗ್‌, ಪ್ಯಾರಾ ಸೈಕ್ಲಿಂಗ್‌, ಜಲಕ್ರೀಡೆ ಹಾಗೂ ರಾತ್ರಿ ಕ್ಯಾಂಪ್‌ಗಳಲ್ಲಿ ಮನರಂಜನೆ ಕಾರ್ಯಕ್ರಮಗಳನ್ನು ನಡೆಸಲಾಗುವುದು. ರಾಜ್ಯದ ವಿವಿಧ ಭಾಗಗಳಿಂದ ಸುಮಾರು 200 ಶಿಬಿರಾರ್ಥಿಗಳು ಪಾಲ್ಗೊಳ್ಳುವ ನಿರೀಕ್ಷೆಯಿದ್ದು, ಶಿಬಿರಕ್ಕೆ 200 ರುಪಾಯಿಗಳ ಶುಲ್ಕವನ್ನು ನಿಗದಿಪಡಿಸಲಾಗಿದೆ. 3 ದಿನಗಳ ಕಾಲದ ಊಟ ವಸತಿಯನ್ನು ಸಂಸ್ಥೆಯೇ ಭರಿಸುವುದು ಎಂದು ವೀರೇಶ್‌ ತಿಳಿಸಿದರು.

(ಇನ್ಫೋ ವಾರ್ತೆ)