For Daily Alerts
400 ವಿಕೆಟ್ ಸಾಧನೆಗೈದ ವಿಶ್ವದ ಮೊದಲ ಸ್ಪಿನ್ನರ್ ಶೇನ್ ವಾರ್ನ್
ಲಂಡನ್ : ವಿಶ್ವ ವಿಖ್ಯಾತ ಆಸ್ಟ್ರೇಲಿಯಾದ ಲೆಗ್ಸ್ಪಿನ್ನರ್ ಶೇನ್ ವಾರ್ನ್ ಶನಿವಾರ 400 ವಿಕೆಟ್ ಪಡೆದ ಸಾಧನೆ ಮಾಡಿದರು. ಓವಲ್ನಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಅಂತಿಮ ಕ್ರಿಕೆಟ್ ಟೆಸ್ಟ್ ಪಂದ್ಯದಲ್ಲಿ ಅವರು ಅಲೆಕ್ ಸ್ಟುವರ್ಟ್ ಅವರ ವಿಕೆಟ್ ಪಡೆಯುವ ಮೂಲಕ ಈ ಸಾಧನೆಗೈದರು.
ಈವರೆಗೆ ಕೇವಲ ವೇಗದ ಹಾಗೂ ಮಧ್ಯಮ ವೇಗದ ಬೌಲರುಗಳು ಮಾತ್ರ ಈ ಸಾಧನೆ ಮಾಡಿದ್ದರು. ವಾರ್ನ್ ಈಗ 400 ವಿಕೆಟ್ ಪಡೆದ ವಿಶ್ವದ ಮೊದಲ ಸ್ಪಿನ್ನರ್ ಎಂಬ ಖ್ಯಾತಿಗೂ ಪಾತ್ರರಾಗಿದ್ದಾರೆ. ಈ ಹಿಂದೆ ನ್ಯೂಜಿಲೆಂಡ್ನ ಸರ್ ರಿಚರ್ಡ್ ಹ್ಯಾಡ್ಲಿ, ಭಾರತದ ಕಪಿಲ್ದೇವ್, ವೆಸ್ಟ್ ಇಂಡೀಸ್ನ ಕೋರ್ಟ್ನಿ ವಾಲ್ಷ್, ಪಾಕಿಸ್ತಾನದ ವಾಸಿಂ ಅಕ್ರಂ ಹಾಗೂ ವೆಸ್ಟ್ ಇಂಡೀಸ್ನ ಕರ್ಟ್ಲಿ ಆ್ಯಂಬ್ರೂಸ್ ಈ ಸಾಧನೆ ಮಾಡಿದ್ದರು.
ಟೆಸ್ಟ್ ಕ್ರಿಕೆಟ್ನಲ್ಲಿ 519 ವಿಕೆಟ್ ಪಡೆದಿರುವ ವೆಸ್ಟ್ ಇಂಡೀಸ್ನ ಕೋರ್ಟ್ನಿ ವಾಲ್ಷ್ ಅತಿಹೆಚ್ಚು ವಿಕೆಟ್ ಪಡೆದಿರುವ ವಿಶ್ವಾಗ್ರೇಸರರಾಗಿದ್ದಾರೆ.
(ಪಿಟಿಐ)
ಮುಖಪುಟ / ಇವತ್ತು... ಈ ಹೊತ್ತು...
Story first published: Sunday, August 26, 2001, 0:00 [IST]