ಕಾಲಿನಲ್ಲೇ ಎಸ್ಸೆಸ್ಸೆಲ್ಸಿ ಬರೆದ ಸಬಿತಾಗೆ ಅಭಿನಂದನೆಗಳ ಮಹಾಪೂರ

ಬೆಂಗಳೂರು : ಹುಟ್ಟುವಾಗಲೇ ಎರಡೂ ಕೈ ಕಳೆದುಕೊಂಡರೂ ಧೃತಿಗೆಡದೆ ಕಾಲಿನಲ್ಲೇ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಬರೆದು ಪ್ರಥಮ ದರ್ಜೆಯಲ್ಲಿ ಉತ್ತೀರ್ಣಳಾಗುವ ಮೂಲಕ ಯಶೋಗಾಥೆ ಬರೆದ ಸಬಿತಾಳ ಆತ್ಮಾಭಿಮಾನ ಹಾಗೂ ಸಾಹಸವನ್ನು ನಮ್ಮ ಅಸಂಖ್ಯಾತ ಓದುಗರು ಮುಕ್ತಕಂಠದಿಂದ ಪ್ರಶಂಸಿಸಿದ್ದಾರೆ.

ಐ.ಎಸ್‌.ಓ. 9001 ಪ್ರಮಾಣ ಪತ್ರ ಪಡೆದಿರುವ ನಮ್ಮ ಪೋರ್ಟಲ್‌ನಲ್ಲಿ ಪ್ರಕಟವಾದ ಈ ಸುದ್ದಿಯನ್ನು ಓದಿದ ಅಸಂಖ್ಯಾತ ಓದುಗರು, ಸಬಿತಾಳ ವಿದ್ಯಾಭ್ಯಾಸಕ್ಕೆ ನೆರವಾಗಲೂ ಮುಂದೆ ಬಂದಿದ್ದಾರೆ. ಈ ಧೈರ್ಯಶಾಲಿ ವಿದ್ಯಾರ್ಥಿನಿಗೆ ಸಹಾಯ ಮಾಡಲು, ಆಕೆಯ ಪೂರ್ಣ ಅಂಚೆ ವಿಳಾಸವನ್ನೂ ಕೋರಿದ್ದಾರೆ.

ಪ್ರಚಂಡ ಆತ್ಮವಿಶ್ವಾಸದಿಂದ ತನ್ನ ವಿಕಲಾಂಗತೆಯನ್ನೇ ಮರೆತಿರುವ ಧೀರ ಬಾಲಕಿಯನ್ನು ಅವರ ತಂದೆ ಬೆಸಿಲ್‌ ಮೋನಿಸಾ ಅವರ ಮೂಲಕ ಸಂಪರ್ಕಿಸಬಹುದು. ವಿಳಾಸ : ಬೆಸಿಲ್‌ ಮೋನಿಸಾ, ಗರದಡಿ ಹೌಸ್‌, ಗರದಡಿ ಗ್ರಾಮ, ಬದ್ಯಾರ್‌, ಬೆಳ್ತಂಗಡಿ ತಾಲೂಕು, ದಕ್ಷಿಣ ಕನ್ನಡ ಜಿಲ್ಲೆ.

ಈಕೆಯನ್ನು ದಕ್ಷಿಣ ಕನ್ನಡ ಜಿಲ್ಲಾ ಅಂಗವಿಕಲರ ಸಂಸ್ಥೆಯ ಉಪಾಧ್ಯಕ್ಷ ಮೆಲ್ವಿಲ್‌ ಪಿಂಟೋ, ಜನಧ್ವನಿ, ಮಂಗಳೂರು - 575002. ಅವರ ಮೂಲಕವೂ ಸಂಪರ್ಕಿಸಬಹುದಾಗಿದೆ. ದೂರವಾಣಿ ಸಂಖ್ಯೆ (0824) 438761 (ಮನೆ), 425490, 423047 (ಕಚೇರಿ), ಫ್ಯಾಕ್ಸ್‌ - 0824- 425490.

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...