ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಮೊಬೈಲ್ ಹಿಡಿದು ವಾಹನ ಓಡಿಸಿದ1664 ಜನರ ವಿರುದ್ಧ ಕ್ರಮ
ಬೆಂಗಳೂರು : ಕೆಲವೇ ತಿಂಗಳುಗಳ ಹಿಂದೆ ವಾಹನ ಓಡಿಸುವಾಗ ಮೊಬೈಲ್ ಫೋನ್ ಬಳಸುವವರ ವಿರುದ್ಧ ಕ್ರಮಕೈಗೊಳ್ಳುವಂತೆ ರಾಜ್ಯದ ಸಾರಿಗೆ ಸಚಿವರು ಆದೇಶಿಸಿದ್ದು ನಿಮಗೆ ಗೊತ್ತಲ್ಲ. ಆ ಆದೇಶ ಜಾರಿಗೂ ಬಂದಿದೆ. ಹಲವರು ಆದೇಶ ಉಲ್ಲಂಘಿಸಿ ದಂಡವನ್ನೂ ತೆತ್ತಿದ್ದಾರೆ.
ವಾಹನ ಚಾಲನೆ ಸಂದರ್ಭದಲ್ಲಿ ಮೊಬೈಲ್ ಫೋನ್ ಬಳಸುತ್ತಿದ್ದ 1664 ಪ್ರಕರಣಗಳನ್ನು ಪತ್ತೆಹಚ್ಚಿರುವ ಪೊಲೀಸರು ಅವರ ವಿರುದ್ಧ ಕ್ರಮ ಜರುಗಿಸಿದ್ದಾರೆ. ಈ ವಿಷಯವನ್ನು ಸ್ವತಃ ರಾಜ್ಯದ ಸಾರಿಗೆ ಸಚಿವರಾದ ಸಗೀರ್ ಅಹ್ಮದ್ ಅವರೇ ವಿಧಾನ ಪರಿಷತ್ತಿಗೆ ತಿಳಿಸಿದ್ದಾರೆ.
ಭಾರತೀಯ ಜನತಾಪಕ್ಷದ ರಾಮಚಂದ್ರಗೌಡ ಅವರ ಪ್ರಶ್ನೆಗೆ ವಿಧಾನ ಪರಿಷತ್ತಿನಲ್ಲಿ ಲಿಖಿತ ಉತ್ತರ ನೀಡಿದ ಸಚಿವರು, ವಾಹನ ಚಲಿಸುತ್ತಿದ್ದಾಗಲೇ ಸೆಲ್ಯುಲರ್ ಫೋನ್ ಬಳಸುವುದು ಅಪಘಾತಕ್ಕೆ ಕಾರಣವಾಗುವ ಹಿನ್ನೆಲೆಯಲ್ಲಿ ಕರ್ನಾಟಕ ಮೋಟಾರು ವಾಹನ ನಿಯಮಾವಳಿಗಳ ಪ್ರಕಾರ ಕ್ರಮ ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು.
ಮುಖಪುಟ / ಇವತ್ತು... ಈ ಹೊತ್ತು...
Comments
Story first published: Friday, July 27, 2001, 5:30 [IST]