ಭಾರತದಲ್ಲಿನ ಅಮೆರಿಕಾ ರಾಯಭಾರಿಯಾಗಿರಾಬರ್ಟ್‌ ಬ್ಲಾಕ್‌ವಿಲ್‌

ನವದೆಹಲಿ : ರಾಬರ್ಟ್‌ ಬ್ಲಾಕ್‌ವಿಲ್‌ ಭಾರತದಲ್ಲಿನ ಅಮೆರಿಕೆಯ ರಾಯಭಾರಿಯಾಗಿ ಶುಕ್ರವಾರ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.

ಕಳೆದ ಮಾರ್ಚ್‌ 22ರಂದು ಅಮೆರಿಕ ಅಧ್ಯಕ್ಷ ಜಾರ್ಜ್‌ ಡಬ್ಲ್ಯು ಬುಷ್‌, ಬ್ಲಾಕ್‌ವಿಲ್‌ ಅವರನ್ನು ಭಾರತದ ರಾಯಭಾರಿಯಾಗಿ ಹೆಸರಿಸಿದ್ದರು. ರಿಚರ್ಡ್‌ ಸೆಲೆಸ್ಟೆ ಅವರ ಉತ್ತರಾಧಿಕಾರಿಯಾಗಿ ಬ್ಲಾಕ್‌ವಿಲ್‌ ಸೇವೆ ಸಲ್ಲಿಸಲಿದ್ದಾರೆ. ನನ್ನ ವಿದೇಶಾಂಗ ನೀತಿಯಲ್ಲಿ ಭಾರತದ ಸ್ಥಾನಮಾನವೇನು ಎಂಬುದನ್ನು ಬಾಬ್‌ ಬ್ಲಾಕ್‌ವಿಲ್‌ ಚೆನ್ನಾಗಿ ತಿಳಿದಿದ್ದಾರೆ. ಅವರು ಭಾರತದಲ್ಲಿನ ಅಮೆರಿಕ ರಾಯಭಾರಿಯಾಗಿ ಕಾರ್ಯ ನಿರ್ವಹಿಸಲು ಹೇಳಿ ಮಾಡಿಸಿದಂತಿದ್ದಾರೆ. ತಮ್ಮ ಹುದ್ದೆಯ ಗೌರವವನ್ನು ಅವರು ಹೆಚ್ಚಿಸಲಿದ್ದಾರೆ ಎಂಬ ದೃಢ ನಂಬುಗೆ ನನ್ನದು ಎಂದು ಬ್ಲಾಕ್‌ವಿಲ್‌ ಬಗ್ಗೆ ಬುಷ್‌ ಅಭಿಪ್ರಾಯ ವ್ಯಕ್ತಪಡಿಸಿದ್ದರು.

ಹಾರ್ವರ್ಡ್‌ ವಿಶ್ವವಿದ್ಯಾಲಯದ ಜಾನ್‌ ಎಫ್‌ ಕೆನಡಿ ಸ್ಕೂಲ್‌ ಆಫ್‌ ಗೌರ್ನ್‌ಮೆಂಟ್‌ನಲ್ಲಿ ಅಂತರರಾಷ್ಟ್ರೀಯ ಭದ್ರತೆ ವಿಷಯದ ಅಧ್ಯಾಪಕರಾಗಿ ಬ್ಲಾಕ್‌ವಿಲ್‌ ಈವರೆಗೆ ಸೇವೆ ಸಲ್ಲಿಸಿದ್ದಾರೆ. ಅಮೆರಿಕಾದ ರಕ್ಷಣಾ ನೀತಿ ಹಾಗೂ ವಿದೇಶಾಂಗ ನೀತಿ ಕುರಿತಂತೆ ಬ್ಲಾಕ್‌ವಿಲ್‌ ಹಲವಾರು ಕೃತಿಗಳನ್ನು ಬರೆದಿದ್ದಾರೆ ಹಾಗೂ ಸಂಪಾದಿಸಿದ್ದಾರೆ. ವಿದೇಶಾಂಗ ಸೇವೆಯಲ್ಲೂ ಸಲಹೆಗಾರರಾಗಿ ಹಾಗೂ ಸಂಧಾನಕಾರರಾಗಿ ಇವರು ಅನುಭವ ಪಡೆದಿದ್ದಾರೆ.

(ಯುಎನ್‌ಐ)